Galesia 4:17 - U Bulunagana U Niga

¹⁷ A matsi hahatoulana, u katuun i tioum e gamo siler tego tahongo uaiam limiou i taren. Kaba turu hakhakats i taren, nori ema ngilin taguhu rari limiou. Nori e kato sil laser tego taguhu meramien limiou.

Galesia 4:17 Referans Kwoze

U pas te koloto menai e Pol turu kristenira i Rom 16:18

Taraha, nori u katuun teka ema kui beri a Tsunono i tarara e Kristo. E möa. Nori e kui siler u ngilngilina i puta i taren. Nori e roron angoso rer u katuun bate gamo rer u katuun tema atei sileri a ka tema mana nei.

2 Pita 2:3

Tara markato te gono be menarien a peisaren a mamanaka, nori e hatei has rari limiou romana a man ranga pinopino bate luer a moni. E Sunahan e solon hopö kapiin a nihahuna i taren, na nori e taia hamana riou.

1 Korin 4:8

Turu hakats i tamilimiou, alimiou e peimiou, “Alam u ka hakapa mei a manka tere Sunahan. Alam ema ngil lenemi taka.” Alimiou e peimiou alimiou e heremi u king tara nipepeito tere Sunahan bate mam ramou lam. Alia e ngilegu alimiou go king hamanaiam, ba lam te tatei tsunono hoboto gono mera moulimiou.

U pas te koloto menai e Pol turu kristenira i Rom 10:2

Alia e atei silegu, nori e tagala sil koruer e Sunahan, kaba nori e peko ba ner a niatei hamana i tanen.

Matiu 23:15

“Alimiou u tson ateira tara lo na u Parasi, alimiou u gamogamo! Alimiou e roron la koru uamiou turu tsiktsikina i lehana na i tasi, tego kato menami ta töa ta katuun, a katunun tsitsilo i tamilimiou. Kaba pöata te lu sabe tsipone mia limiou a töa, ba limiou te kato tsipone mien a katuun a omi koru tena hahune ria romana i hel. Na limiou e katoe men ba nonei te omi bala koru len ranou limiou.

2 Pita 2:18

Nori e ranga sesei koru ner u raranga u tutu bate hamamangil reri u katuun u ngilngil na man markato a man omi i peisaren, u katuun ti hagou bus bar u katuun te roron kato homir.

Pilipai 2:21

A palair u katuun hoboto e hakats las ner a nikaka peisa i taren, batema hakats sileri a manka tere Iesu Kristo.

2 Korin 11:3

Kaba lia e matoutegu, alimiou ena mots heremi e Eva te hengo sila nai u gamo tere Satan a kökötsi, batema hakats sil lenemi e Kristo puku lahas a töa.

1 Korin 11:2

Alia e haniga ragou limiou, taraha alimiou e hakats kap namou lia tara mamanaka na limiou e kukutemiou u hihatuts hoboto tu hala railia limiou.

1 Korin 4:18

A palai i tamilimiou e hipusur bate poeier alia ema antunan na hamatskö ragi limiou.

Galesia 4:16

Kaba i romana alimiou e omi tsipon tale moulia te habulungana mena gilia u raranga u mana?

Galesia 4:18

E niga koruna tego kato mena milimiou a markato a niga tara mamana pöata. Kaba möa tu kato pukue mia tara pöata te kagono mera gilia limiou.