Galesia 3:29 - U Bulunagana U Niga

²⁹ Na limiou te pala uamiou tere Kristo e here hasemi a galapien hamana tere Abraham, na ka te ranga hamanein e Sunahan tega hala naien tere Abraham e la has uana i tamilimiou.

Galesia 3:29 Referans Kwoze

Epesis 3:6

Nonei u raranga momous teka e markato uana: alimiou u katuun tema Jiu mi e ka gono hoboto mera moulam bara te katoeiera a töa hun katuun. Alimiou has e lue miou a manka man niga tere Sunahan. Na u ranga hamana teka e kato sila naia e Sunahan tere Iesu Kristo. Na ka teka e butu sila ma turu Bulungana u Niga.

Galesia 3:7

Ba lö te tara talemen, u katuun te hamanar nori a galapien tere Abraham.

U pas te koloto menai e Pol turu kristenira i Rom 8:17

Na te pien uarara i tanen, ba ra te lue rou a manka man niga i tanen, te markato uana a pien te luena a manka tere tamanen. Na e Sunahan e hala ranoira a manka te hala haseien e Kristo. Kaba tena lu gono merouen ra a manka man niga i tanen, aragi lu hasi a mar nikamits te lueien.

Taitus 3:7

Na e Sunahan e kato hamatskö has rena u katuun, taraha nonei e taatagi ranen.

Revelesin 21:7

A katuun te tagala saluhena romana e lue nou a manka teka. Na alia e Sunahan uagou i tanen ba nonei te pien uanou i tar.

Galesia 4:7

Na ra ema here lenerei a katunun kukui puku. E möa. Ara e pala tala uara tere Tamarara. Na e Sunahan e hala ranoui ra a manka te ranga hamana naien turu katuun i tanen.

Jemis 2:5

Hengoiam, a matsomi i tar. E Sunahan e hopö kapir u katuun papala tara han i puta, u katuun te hamana haniga uaier tere Sunahan. Be Sunahan te poeiena u mar katuun teka te ngile nen, e lue riou a Nipepeito tere Sunahan.

2 Korin 10:7

Tara a ka tego tarilö. Te pei mialö alö a katuun tere Kristo, tara marei talei, ga lam has u katuun tere Kristo.

Hibru 6:17

E Sunahan e ranga hamanein tego taguhu meraien ra u katuun i tanen. Nonei e ngilin haröto halesala koru raira tema antunan palis menaneien a ka te ngilin katoe nen. Na nonei e kato hasi u tana u ranga te mana uana iasa ti hatagale ii u rangan hamana mam i tanen.

Galesia 3:16

Na e kato has uana iesana, e Sunahan e hale ii e Abraham na u hatutubunei i tanen u ranga hamana. U raranga teka ema ranga nanei a katuun a parpara. E möa. E ranga nena a töa puku a katuun, nonei e Kristo.

Hibru 11:7

Te hamana menai e Noa e Sunahan te ranga menaien a pöata a omi tega lama tema tara noei e Noa, e Noa e hengöe e Sunahan me kuiena a tolaala, te niga sila gono meraien a galapien i tanen. Ba nonei e haröto nena te hahuna merai e Sunahan u katuun i puta ti hahamana uaien, be Sunahan e ngöe neien a katuun a matskö te hamana uaien.

Hibru 1:14

U angelo u saha u mar katuun? Nori hoboto a man namnamei te kui beier e Sunahan. Nonei e hala sil rameien tegi taguhu meraien u katuun te katsin lu pouts rena e Sunahan.

Galesia 5:24

Na u katuun te ka uaier tere Kristo, a mamana markato a omi hoboto i taren na u ngilngilina i puta, nori i hakute gono meien e Kristo tara kuruse me matena.

Galesia 3:28

Na te katuun uami limiou tere Kristo, e möa lel ta toun Grik na ta Jiu, na ta katunun kukui puku na ta katuun tegoma kukui puku ii, na ta tson na ta tahol. Alimiou hoboto te hamana mia tere Iesu Kristo e here talemi a töa katuun.

1 Korin 15:23

Kaba ara a man tötöa egi hahaloso bi a pöata hamatskö i tarara. E Kristo te takei mam, ba ra te pala uaier tere Kristo te takei pouts has roua tara pöata tena la pouts namen romana.

Matiu 3:9

Alimiou goma tatei mar hakats uami teka, ‘Alam e kamem e Abraham e tubumulam.’ Alia e hatei ragou limiou, e Sunahan e antunan katoe nei u hatu teka a hun haposa tere Abraham. E Sunahan ema antunan ngil pinopinoe nei a katuun te pala uana tere Abraham. E möa. E ngileiena a katuun te kato hanigana.

Galesia 3:18

Sanena e Sunahan tega taguhu sila raia ra tara markato tara Lo, nonei sane tapusun katoi u ranga hamana i tanen. Kaba e möa. E Sunahan e taguhu sile ii e Abraham a markato turu ranga hamana.

Galesia 4:1

U raranga i tar e markato uana teka. Pöata te tetenei noana pien nonei e herenei a katunun kui tere tamanen. Na pöata te pan hakapa talanen ba nonei te lueiena a manka te hopö kap beien e tamanen tega lueien.

Galesia 6:16

E Sunahan e tatei taatagi rena u katuun hoboto te hengo hanigeier u raranga teka, bate hala nena a masalohana turu katuun te hamana ria i tanen.