Galesia 2:19 - U Bulunagana U Niga

¹⁹ A Lo turu Jiu e haröte nei lia, alia e heregi a katuun e mate hakapa, taraha alia ema antunan kukute haniga nitöa nagi a Lo. Na tara maroro teka alia e töatöa gono megu e Sunahan. Na lia u kute gono hakapa meia e Iesu tara kuruse me mate gono megen.

Galesia 2:19 Referans Kwoze

U pas te koloto menai e Pol turu kristenira i Rom 7:4

Na te markato has uanen i tamilimiou, a matsi hahatoulana i tar. E here nei alimiou i hitöl mam mia tara Lo tere Mosis me mate ba namen. Alimiou u mate sileiam tego katuun uaiam limiou tere Kristo, nonei a ka te hatakei pouts sileien e Sunahan tara tou mate. Bara te katoera a man markato a man niga te ngilena e Sunahan.

U pas te koloto menai e Pol turu kristenira i Rom 6:2

E möa koru! A markato a omi ema pan lel neia i tarara. Ara e hererari u katuun u mate te ka hatalis ba nera a markato a omi. Na ra ema antunan lu lelnaroi a markato teka.

1 Tesalonaika 5:10

Nonei e mate sil tegi ka nitöa gono menaien ra, noahasina te töatöa noa roa ra tsi te mate hakapa mam rouara tara pöata te la pouts namen romana.

2 Korin 5:15

Nonei e mate sil raiora hoboto, bu katuun te töatöar, tema töatöa sileri a peisaren peisa, kaba egi töatöa sil hasi e Kristo, nonei te mate sil raien me takei pouts sil has ranen.

U pas te koloto menai e Pol turu kristenira i Rom 6:11

Na e markato has uana iesana i tamilimiou. Alimiou go kato here nami a peisamilimiou a katuun te mate ban a markato a omi na te ka gono mena e Iesu Kristo bate töatöa gono has mena e Sunahan.

U pas te koloto menai e Pol turu kristenira i Rom 8:2

Taraha, a lo turu Namnamei tere Sunahan, te hala ranei ra a nitöatöa tere Iesu Kristo, e purese hakapa raioura. Ara i here ii u katuun ti kitsir na ti roron kaia tara lo tara markato a omi na tara tou mate. Kaba e möa lel tala.

1 Pita 2:24

E Kristo noahas te söata menai a man markato a man omi i tarara i peisanen te mateien tara kuruse. E markato uu teka tegi mate ba menai ra a man markato a man omi bate töatöa silera a markato a matskö. Nonei e lu sile ii a man takiraha i peisanen tegi niga pouts uu ra.

U pas te koloto menai e Pol turu kristenira i Rom 6:14

Na markato a omi egoma tatei mammam rai limiou. Taraha a markato tara Lo ema tsunono lel ranei limiou. E möa. A nihitaguhu tala tere Sunahan te ka gono meranou limiou.

1 Pita 4:6

Nonei a ka ti habulungana bei u Bulungana u Niga turu katuun ti mate, u tuanrei i taren ti onari bate mater, kaba u namnamei i taren te tatei töatöar temar töatöa uana e Sunahan.

Hibru 9:14

Kaba u rahatsing tere Kristo e tagala koruna. Tara nitagala turu Namnamei te ka nitöana, e Kristo e hala menai a peisanen tere Sunahan na nonei e möa ta töa taka ta omi tega kaia i tanen. U rahatsing i tanen e galus ban u hakhakats u omi, te ka uana tara tou mate, bara te tatei kui beiera e Sunahan te ka nitöana.

Taitus 2:14

Nonei e hala sile ii a peisanen tego sakahis meraien ra tara mamana markato a omi. Na nonei e mate sil tego kato hagogoso meraien ra, u katuun i tanen, bara te hun katuun uara i tanen bate kato hatagalera a man markato a man niga.

Kolosi 2:20

Alimiou u mate gono meiam e Kristo, ga e hana ba limiou te kukute noahasemiou a man markatona i puta?

Galesia 3:24

A Lo e here ii a tson taratara kap i tarara, e antunan töaia te butuma e Kristo bara e hamana reia i tanen me töan matskö raia i matana e Sunahan.

Galesia 2:20

Alia i lu hakapi a nitöatöa a tsimus. Kaba nitöatöa teka ema nitöatöa uanei i tar. Emoa. Kaba e Iesu nonei te kana i tar. Na mamana markato na man toukui te katoe gialia i puta, alia e katoe gien tara marorona turu nihamana. Na lia e hamana gia tara Pien Tson tere Sunahan. E ngil korue ioulia me mate silena tego taguhu menaien lia.

Kolosi 3:3

Taraha, alimiou u mate hakapaiam, na nimana tara nitöatöa i tamilimiou e mousuna tere Kristo ba limiou te ka hoboto mia tere Sunahan.

Galesia 3:10

U katuun te hasola ria tara Lo turu Jiu bate poeier nonei lasi a maroro tena butu sila roien tere Sunahan, nori u katuun te korupakö raiena e Sunahan. Taraha, u rarangana turu Buku u Göagono e poeiena, “U rangan korupakö tere Sunahan e hake ria tara katuun tema kukute hanige nei a man raranga hoboto ti koloto naia turu bukuna tara Lo.”

1 Korin 10:31

Tara pöata te nou mia limiou na te ua mia limiou, na tara mamanaka hoboto te katoe milimiou, alimiou go katoe men tara markato te solosei menari e Sunahan.

U pas te koloto menai e Pol turu kristenira i Rom 7:14

Ara e atei silera a Lo teka e lama tere Sunahan. Kaba lia e ka noahas megu a markato a omina i manasa te pilekap nanou lia, ba lia tema kukuteiegi a Lo a niga tere Sunahan.

U pas te koloto menai e Pol turu kristenira i Rom 5:20

E Sunahan e hala sile mei a Lo i tanen tegomi haröto meraien u katuun ti markato homi uaien, ba nori e töan kato koru lelir a mamana a markato a omi koru. Kaba a nihitaguhu tere Sunahan e tagala saluhe korueiena a man markato a man omi i taren.

U pas te koloto menai e Pol turu kristenira i Rom 4:15

Taraha, a markato tara Lo te tatei habutena a raharaha tere Sunahan. Kaba tega möa has ia ta Lo, bate möa hasina ta ka tegi peko mei a Lo.

1 Korin 9:20

Pöata te ka gono mera gia lia u Jiu, alia e kato has uagu te kato uaren bate las mera gien tara Tsunono. Na pöata te ka gono mera gia lia u katuun te kukutier a Lo, alia e kato has uagu te kato uaren. Alia e kato silegi a ka teka tego las meraien lia tara Tsunono, kaba lia töa ema ongo gia tara Lo teka.

Galesia 6:14

Kaba lia, alia e hatei ragoui u katuun a Tsunono puku i tarara e Iesu Kristo te mateia tara kuruse. A kuruse i tanen e mar mouna uana teka: a markatona i puta ema tagala lel nanei lia, na lia ema kato sil lel hasegi a markatona i puta.