Galesia 2:14 - U Bulunagana U Niga

¹⁴ Kaba pöata tu tareia lia tima kukute hamatskö menaien temar hihatuts uana u Bulungana u Niga, ba lia e ranga paka megia e Pita i matar u katuun hoboto me poeiegu, “Alö a Jiu. Na lö u kato haniga mam tu markato uu lö te kato uar u Kristen te tema Jiuri. Ga taraha tsiponi ba lö te kato silem i romana u katun te tema Jiuri e gi kato uu te kato uar u Jiu?”

Galesia 2:14 Referans Kwoze

Galesia 2:5

Kaba lam ima hengo koru las raien. Alam i ngilin tara kap haniga berai limiou u hihatuts hamana tegoma palis uaien.

Aposol 10:28

Ba nonei e poeiena i taren, “Alimiou e atei silemiou a Lo i tamulam u Jiu te hapiou nena tego kapiena merai lam u katuun tema Jiu ri. Na lam u Jiu ema tatei tasu has mia tara luma i tamilimiou. Kaba e Sunahan e hatare lalei lia, alia goma mar hakats lel uai teka. Alia goma tatei pei lelei a tana katuun e tara halel na i matana e Sunahan. E möa.

1 Timoti 5:20

Kaba te kato homi noahasina a töa katuun, ba lö te ranga hapiou namen i matar u katuun hoboto, ba nori te tatei matoutur.

Galesia 6:12

U katuun te tuke mera rilimiou u hapö e ngil tuneier tegi tara marei meraien na tegi ma ha kamits merain te hamana mena rien a tou mate puku tere Kristo te tatei lu pouts mera nei u katuun tere Sunahan.

Hibru 12:13

Taguhu raiam a palai bate sila ria tara maroro a matskö, bate tagala miou ba limiou te ka haniga miou.

Hibru 9:10

Nori i ka las mei a markatona tara kannou na tou ua na mamana mar nigalus. Nori i ranga lasiin a man kana turu tuenrei e antunana tego hamatskö menai e Sunahan a mamanaka a tsimus.

Galesia 2:9

Na ere Jemis mere Pita ne Jon a pal kapan turu Kristen, nori i tara sabe te hala menai lia e Sunahan a toukui teka, ba nori e haniga rariou lam mere Banabas. Na lam u haniga hobotein tego hatei noahas menai lam u Bulungana u Niga turu katuun te halhal ria turu Jiu, na tegi hatei noahas menaien u Bulungana u Niga turu Jiu.

Galesia 2:7

Nori i tari e Sunahan e hale ii lia a toukui tegona hatei menai lia u Bulungana u Niga turu katuun te halhal ria turu Jiu, temar hala has menaien e Pita a toukui tego hatei menaien u Bulungana u Niga turu Jiu.

U pas te koloto menai e Pol turu kristenira i Rom 14:14

Alia e atei silegu na e Iesu a Tsunono e haröte ii lia a ka te markato uana teka, e möa ta ka i tanen peisa ega omi. Kaba te poeiena a katuun e omina ba ka teka te omi hasna i tanen.

Aposol 15:24

“Alam u hengoen a palair u katuun i tamulam ina hasingoto koru merai limiou a man raranga i taren. Ba nori e kato hatutueier u hakats i tamilimiou. Kaba alam uma ranga mera leien tegina markato uaien teka. E möa.

Galesia 2:3

Alia u ka gonomei a hahikapien i tar e Taitus a toun Grik, kaba pal kapan teka ima ranga sile ii tegi hapö menaien.

Aposol 15:1

A palair u katunura i Judia i la uama i Antiok memi hatuts raier u kristen me poeier, “Tema kukute moi limiou a markato tere Mosis ba tema hapö mi, e Sunahan ema taguhu ranoui limiou.”

Aposol 15:5

Kaba a palair u kristen tara pala turu Parasi i takei me poeier, “U katuun tema Jiu ri egi hapö bate kukutier a Lo tere Mosis.”

Galesia 1:6

Alia e asingoto koru negu a markato te katoe milimiou! Tara tsitabubun pöata puku teka ba limiou te katsin hapolasa bane miou e Sunahan, na e Kristo te taatagi raiou limiou. Nonei te ngö merai limiou i tanen, kaba limiou e kukute tsipone miou u tana u mar hihatuts len.

Galesia 1:18

Na i murina te kapaia u topisa u hiningal ba lia e lag i Jerusalem mena taregu e Pita. Alia u ka gono meien turu maloto na u tolima u lan.

Kolosi 1:5

Taraha e Sunahan e haka berai limiou a nitöatöa a niga i Kolö te hamana sile milimiou. Alimiou tu hengo tutuneiam a manka teka tara pöata te la uama u raranga u mana i tamilimiou.