Epesis 6:13 - U Bulunagana U Niga

¹³ Te markato uanen teka ba limiou te hake miou a man kaan hiatatung hoboto tere Sunahan ba limiou te tatei tuol hakarapoto mia tara pöata a omi bate tuol noa has mou tara pöata te kapana a hiatatung.

Epesis 6:13 Referans Kwoze

2 Korin 10:4

Alam ema hiatatung memi a mankaan hiatatunguna i puta. E möa. Alam e hiatatung mem a man kaan hiatatung a man tagala tere Sunahan te antunan kato homiena a manka te tagala koruna.

U Bulungana u Niga tere Iesu Kristo te kolotein e Luk 21:36

Tara kap hanigaiam bate singo nitöa uamiou tere Sunahan, ba limiou te ka memou a nitagala tego hakarasa ba menami limiou a man nomi teka te butu nouen, ba limiou te tatei tuol has mia romana i matar, alia tu butun Katunuma.”

Epesis 5:16

E möa ta töa ta pöata tega ski, taraha nonei a pöata a omi teka.

U Bulungana u Niga tere Iesu Kristo te kolotein e Luk 8:13

Na man ngal ti pururukuia turu tsiktsiki te ka mena u lapo e hatei nena a pala te hengoer u raranga bate sasaala koru meren. Kaba u raranga ema la koru uanei turu hakhakats i taren. Bate hamana meier a tsitabubun pöata, ba pöata te butuna u hiamus, ba nori te kurapa hobotor.

Revelesin 3:10

“A pöata a omi e butu noua romana tara man han hoboto i puta, ba nonei te torohana rena romana u katuun hoboto. Kaba lia e hatongo kap romana ragou limiou tara niomi teka. Taraha? Alimiou e roron hengoe miou u raranga i tar bate tuol hakarapoto namiou te omi merari limiou u katuun.

Kolosi 4:12

Epapras e hala has mena nei u hanhaniga i tanen i tamilimiou. Nonei e pala has uana i tamilimiou na nonei a katunun kui has tere Iesu Kristo. Nonei e singo hatagalan töa sil ranou limiou, ba limiou te katoe miou a ka te ngilena e Sunahan.

Epesis 5:6

Hanei sileiam tego gamo merai ta katuun alimiou u ranga pinopino. Nonei a mamanaka teka te kato haraharahena e Sunahan, be Sunahan te hahuna ranou u mar katuun temar hipus uaier teka.

Revelesin 6:17

U Lan Pan tara raharaha i taren e butu hakapa, na e möa ta katuun tega antunan tuol kap naien.”

U pas te koloto menai e Pol turu kristenira i Rom 13:12

A pöata a omi teka te here nei a bong e katsin kapana, na pöatan pepeito kap tara nitsunono tere Kristo te here nei a lan e sukusukuna. Aragi hanöa a markato a omi te ka uana turu kuhil bate katoera a markato a niga te ka uana turu ualesala.

Jemis 4:7

Ba limiou te haka putemiou a peisa milimiou tere Sunahan. Alimiou go tuol kakap neiam e Satan ba nonei te bus ba ranou limiou.

1 Pita 4:1

E Kristo e sagohi a kamits i tuenreinen, na limiou go mar hakats hatagala has uaiam iesana batema rama nami a nikamits. Taraha, a katuun te sagohena a nikamits i tuenreinen ema hakats nanei tega kato menaien a markato a omi.