Epesis 5:23 - U Bulunagana U Niga

²³ Taraha, a tson te pan nena a tahol i tanen te kato has uana e Kristo nonei te pan nena a hun katuun i tanen. Na hun katuun tere Kristo e hereri a tuenrei nen. Na e Kristo nonei a Nihitaguhu tara hun katuun i tanen.

Epesis 5:23 Referans Kwoze

Kolosi 1:18

U katuun i tanen e hereri u tuenrei i tanen, ba nonei te here nei u baku. Nonei a tantania tara mamanaka, na nonei has te takei mamia tara tou mate, na nonei pouts has te mammamna tara mamanaka hoboto.

Epesis 4:15

Aragi hiangilngil bate ranga nera a ka te manana. E kato uana teka ba ra te pan susul rou bate here roi e Kristo, a kapan turu katuun i tanen. Nonei e here nei u baku te hakuiena u tuenrei hoboto.

1 Tesalonaika 1:10

Nori e hatei has rari lam, alimiou e hahalosemiou a Pien Tson i tanen, tena kopis pouts namen romana i Kolö. Nonei e Iesu, e Sunahan te hatakei poutseien tara tou mate i tanen. Nonei te hatongo kap ranoua ra romana tara pöata tara nihahuna, te butuna romana a raharaha pan tere Sunahan.

Revelesin 5:9

Ba nori e kömeier u töa u hets u tsimus te mar ranga uana teka tara Tunan Sipsip: “Alö e ka mem a nitsunono tego lu menai lö a pits pepa bate lukapem u kaan harokotokap i tanen. Taraha? Alö i atung hamati na u rahatsing i tamölö e sakahis merai u katuun tere Sunahan, u katuun i lama tara mamana hun katuun hoboto, Na turu mamana u mar ranga hobotona tara mamana han.

1 Korin 6:13

Na palair u katuun e poeier, “A kannou e ka silena u tori, na u tori e ka silena a kannou.” U mana, kaba e Sunahan e kato hataie nou romana a kannou na u tori has. A tuenriena katuun ema ka sile nei egi tsikolein. E möa. E ka silena tego solosei menaien a Tsunono, na Tsunono e ka silena tega taguhu menaien a peisarara.

Aposol 20:28

Alimiou go tara kap haniga naiam a peisa milimiou na u katuun hoboto tere Iesu, te here rari u sipsip. U Namnamei u Göagono e hopö kap raiou limiou u katunun taratarakap i taren. Taraha, nonei e ngilena alimiou go taratara kap haniga raiam u katuun tere Sunahan. A Pien Tson i tanen e sakahis hakapa raien u rahatsing i tanen.

Epesis 5:24

A hun katuun tere Kristo e ka puta ria tere Kristo. Na limiou has a touhaliou ego ka puta has mia tara pal tson i tamilimiou.

Revelesin 19:7

Aragi sasaala koru bate soloseie ren. A pöatan hitöl tara Tunan Sipsip e butu hakapa, na tahol i tanen e lu hatolo hakapi a peisanen.