Epesis 4:25 - U Bulunagana U Niga

²⁵ Alimiou go hanöa ba neiam a markatona turu gamo bate ranga namiou a ka te manana tara tana katuun, taraha ara hoboto e pala uara tara hun katuun tere Kristo.

Epesis 4:25 Referans Kwoze

Kolosi 3:9

E möa tu gamoein a tana katuun, taraha alimiou u hapolasa ba hakapa niam a man markato na u ngilngilina i puta.

U pas te koloto menai e Pol turu kristenira i Rom 12:5

Na e kato has uana iesana turu kristen. Ara e parpara ra kaba ra a töa hun katuun puku noahas te hamana uara tere Kristo. Ara a töa a hun katuun bara te hihitaguhira.

Epesis 4:15

Aragi hiangilngil bate ranga nera a ka te manana. E kato uana teka ba ra te pan susul rou bate here roi e Kristo, a kapan turu katuun i tanen. Nonei e here nei u baku te hakuiena u tuenrei hoboto.

Revelesin 21:8

Kaba u pata bulbulu, na pala te hahamanar, na u katuun te hakats homir, na u hihipuli, na u tsiktsikolo na u lulu tson, na u matmatuna, na u gamogamo na u katuun te hatsunoner u kesa, a han i taren e kana romana iahana kiou pan te kulupuna u tula u ahiin u hiski koru. A ka teka nonei a hahuoluna tou mate.”

Taitus 1:2

Ba nori te kameriou u hakhakatsina tegi hahaloso menaien a nitöatöa te ka nitöana. Na e Sunahan, tema tatei gamo nei e ranga hamana naia a nitöatöa teka i mamuna te butuia u puta.

1 Timoti 4:2

U hihatuts teka e la nama romana turu ranga u gamo turu katuun u gamogamo tema matsingolo lel meri a ka a omi.

Revelesin 22:15

Ielesala tara taun te ka ria u mar katuun teka: u katuun u omi, na u matmatuna, na u tsiktsikolo na u lulu tson, na u hihipuli, na u katuun te hatsunoner u kesa, na u katuun hoboto te gamogamor na te kukutier u raranga u gamo.

2 Korin 7:14

Alia u saala raiou limiou tere Taitus ba limiou e kato hamanemiou u raranga i tar. A mamanaka ti ranga hamana naia lam i tamilimiou e butu hamana. Na ti saala menai lam alimiou tere Taitus e butu hamana has.

Taitus 1:12

A töa has i taren, a propetina i Krit, e ranga me poeiena, “U katunur i Krit u katuun u gamogamo na e kato here rari u enimol u hie, na nori u katuun u karous koru na u nonou pala.”

1 Korin 10:17

Ara e nou hoboto ria tara töa beret teka, na ka teka e haharuei nena ara u katuun u parpara e katoeiera a töa hun katuun.

U Bulungana u Niga tere Iesu Kristo te kolotein e Jon 8:44

E tamamilimiou e Satan, alimiou e ngilin katoemiou a ka te ngile nen. Nonei a katunun a hihipuli noana i manasa, na ema tuol neia tara nimana, taraha e moa ta nimana i tanen. Na pöata te gamo nen, nonei e kukutiena a markato noahas i tanen, taraha nonei a gamogamo na nonei a mouna u mamana u gamo hoboto.

Epesis 5:30

Taraha, ara e pala uara turu tuenrei i tanen.

Epesis 4:22

Na limiou go ba neiam u ngilngilina i puta i tamilimiou. U ngilngil teka e kana tara nikaka mam i tamilimiou na nonei e kato homi susul ranou limiou.

Epesis 4:31

Alimiou go ba neiam u mar hakats te ka nitöa menami limiou a raharaha. Na limiou goma si koru has mi. Na ego möa lel has ta hiaraharaha na ta hiangenngena na tu hamal. Alimiou go hakapeiam u mamana u mar hakats u omi tara tana katuun.

Kolosi 3:8

Kaba i romana alimiou go ba naiam a man markato hoboto teka: a markato te raharaha uaier na markato te omi menari a tai na markato te ranga homi meri a katuun na u ranga homi.

Hibru 12:1

Aragi hakats silir u katuun u parpara te ka hahis rarioura ti harötein u nihamana. Na ragi luban a mamanaka hoboto te kato halolomoto ranoura, tegi piata ura turu resis te hopö kap beraira e Sunahan. Aragi luban a man markato a man omi te pile kap ranoura, bara te kukute hatagalera a maroro te haröto raira e Sunahan.

Jemis 1:21

Alimiou go tsugaba neiam a man markato hoboto te korkorianana na te omina. Alimiou go haka puteiam a peisa milimiou tere Sunahan bate sasaala memiou u raranga te hakeien i torimilimiou, taraha u raranga teka e tatei luba pouts ranei limiou a niomi.

1 Pita 2:1

Alimiou go hapolasa ba naiam a man markato a man omi i peisa milimiou. E möa tu kato leneiam tu ranga tu gamo, na e möa lel tego ranga homi sil mera milimiou a palai.