Epesis 2:12 - U Bulunagana U Niga

¹² Alimiou go hakats pouts naiam nonei tara pöata alimiou u ka halhal ba naiam e Kristo. Alimiou tu ka halehana ba naiam u katuun tere Sunahan. A man rangan hiahanhaniga te kits gono meraien u Jiu ema la uai i tamilimiou. Alimiou u möa ta Sunahan tara han i puta teka, batema ka memi ta ka tego hamana sileiam limiou.

Epesis 2:12 Referans Kwoze

Galesia 4:8

I manasa alimiou ima atei silemi e Sunahan bate hererami u katunun kui tara man got gamogamo.

Kolosi 1:21

I manasa alimiou u lehana ba naiam e Sunahan, taraha limiou u kato homi iam na u hakats homi iam na i manasa alimiou has u pakö tere Sunahan.

1 Pita 1:3

Aragi solosei e Sunahan e Tamana a Tsunono i tarara e Iesu Kristo. Tara nitaatagi pan koru i tanen nonei e hala rai ra a nitöatöa a tsimus te hatakei meien e Iesu Kristo tara tou mate i tanen. Na tara mamanaka a niga te haka beraien ra i Kolö, a manka tema tatei omiri na tema tatei mulari na tema tatei taiari.

1 Tesalonaika 4:13

A matsi hahatoulana, alam e hatei has rami limiou u katuun ti mate ti hamanaia tere Iesu. Alimiou goma tabe sil koru ramien te kato uaier a pala te hahamanar. A pala teka ema hamaneri tegina ka haniga hoboto gono menaien e Sunahan i murina a tou mate i taren.

Epesis 4:18

Nori e ka halehana ba ner a nitöatöa tere Sunahan. Na bakuren e kuhilina na e kamer u tori u omi, taraha, nori e hipus korur bate kato hatutueier u hakats i taren.

U Bulungana u Niga tere Iesu Kristo te kolotein e Jon 15:5

“Alia u ruei na limiou u hikalan. A hikalan e töatöa sila na te ka uanen turu ruei, ba nonei te töan hua haparana. Na e markato has uana iesana i tamilimiou. Te ka gono memia limiou alia balia teka gono has mera goulimiou, ba limiou te töan kato hanigemiou a manka te ngilena e Sunahan. Kaba te laba namia limiou alia, ba limiou tema antunan kato nami ta töa ta ka te ngilena e Sunahan.

Hibru 6:18

Na u huol u rangan hamana teka ema tatei palis nei, na e Sunahan ema tatei gamo has naneien. Na ka teka e hatagala koruena a torirara, ara u katuun ti la uu tere Sunahan tego hatongo kap meraien ra, bara te pile hakarapoto nera a markato te hamana sil mena rei ra a nihitaguhu tere Sunahan.

U pas te koloto menai e Pol turu kristenira i Rom 9:8

Alia e mar ranga uagu teka: a galapien tere Sunahan ema katuun peisa uari ti tuhanaia tere Abraham. E möa. A galapien hamana tere Sunahan nori te hamana ria turu raranga u mana tere Sunahan.

1 Pita 3:15

Alimiou go hapaneiam e Kristo i tori milimiou, ba nonei te Tsunono ranou limiou. Na tara mamana pöata alimiou go hanei sileiam ta katuun tego rangata railimiou a saha ka te hamana sile milimiou, ba limiou te ranga palis ramen bate ranga hatami mia i taren batema sigala ramien.

Aposol 28:20

Nonei a ka teka te ngö gögono sil mera gi lia alimiou bate ngilin ranga gono mera goulimiou. Taraha, nonei a nihamana te kame gulia tara katuun te hahaloser u katunura i Israel te kits sile gia lia tara tsien teka.”

Aposol 3:25

Alimiou u pal katuun turu propet. Na limiou u katuun te lu hasemiou a manka turu ranga hamana te hale ii e Sunahan u tubumilimiou. Nonei e pei tere Abraham, ‘Alia e kalala sila ragoua a man hun katuun hobotora i puta tara pala i tamölö.’

1 Jon 3:3

U katuun hoboto te hahanei siler e Kristo bate sasaalar, nori e markato hagogoso has uaier temar gogoso has uana e Kristo.

1 Pita 1:21

Tere Kristo lasi ba limiou te hamana uamiou tere Sunahan, taraha, e Sunahan te hatakei poutsi e Kristo tara tou mate me solosei korue nen. Ba limiou te hamana tala uamiou tere Sunahan bate hahalose men tega taguhu has meraien limiou.

Hibru 11:34

Na palai ti lapo raia turu tula u ats koru ima omi has ii. Na pala ti hamanaia tere Sunahan ima ngats hamate has rai. Nori ima tagala ii, kaba nori ina tagala koru tsiponi. Nori i tagala koruia tara hiatatung, na i tagala saluher a man amir tara man palair u han.

1 Timoti 1:1

Alia e Pol, a aposol tere Iesu Kristo. E Sunahan te lu pouts raiou ra na e Iesu te hamana riara nori i hopö kap silei lia tego aposol uu lia.

2 Tesalonaika 2:16

E Sunahan e Tamarara e tatei taatagi ranoura bate tami nitöana i tarara bate taguhu ranoura tegi hamana sil menaira a ka a nigana i murimuri. Nori mere Iesu Kristo a Tsunono i tarara e tatei kato hatamie ier a torimilimiou bate kato hatagala ranou limiou ba limiou te katoemiou a man toukui a man niga hoboto na man raranga man niga has.

Kolosi 1:27

E Sunahan e hanigein tego haröto meraien u katuun tema Jiu ri u bulungana te momouseien i manasa, u bulungana u mana na u niga te la has uana turu katuun hoboto. U bulungana teka nonei e Kristo te kana i tori milimiou, alimiou e luemou romana a manka man niga tere Sunahan.

Kolosi 1:5

Taraha e Sunahan e haka berai limiou a nitöatöa a niga i Kolö te hamana sile milimiou. Alimiou tu hengo tutuneiam a manka teka tara pöata te la uama u raranga u mana i tamilimiou.

U Bulungana u Niga tere Iesu Kristo te kolotein e Jon 10:16

A palair u katuun has i tar e ka ria ielesala tara ololon sipsip i tar. Alia ena peigi has ragumen romana ba nori te hengoe riou u raranga i tar. Bate ka menou a töa puku a heis sipsip na töa puku a katunun pepeito kap i taren.

U Bulungana u Niga tere Iesu Kristo te kolotein e Jon 4:22

Alimiou ema atei silemi a ka te hatsunonei mi limiou. Kaba alam e atei silem a ka te hatsunonei mulam. Taraha, a katuun te lu pouts mera nei u katuun tere Sunahan e butu sila nama turu Jiu.

U Bulungana u Niga tere Iesu Kristo te kolotein e Luk 1:72

E Sunahan e pei nonei ega taatagir u tuburara batema tatei solopale nei u raranga u göagono ti kitsi.

Aposol 2:39

U Bulungana u Niga teka e la uana i tamilimiou na tara galapien has i tamilimiou i murimuri. Na nonei e la has uana turu katuun hoboto te ka ria turu han i lehana na turu katuun hoboto te ngö rena e Sunahan.”

Epesis 2:19

Alimiou ema katuun halhal lel talami. Alimiou a töa han tala turu katuun tere Sunahan, bate hun katuun uamiou i tanen.

Hibru 8:6

Kaba a toukui te lui e Iesu e pan bala nena a toukui ti kamei u prisira i manasa, taraha nonei te ranga bera noura tere Sunahan, na nonei te hatagalena u hia hanhaniga u tsimus i tarara gono mei e Sunahan, na u hanhaniga teka e niga bala nena u hia hanhaniga na i manasa, taraha u hia hanhaniga teka e la gono menama a manka man niga na man mana.