Epesis 1:3 - U Bulunagana U Niga

³ Ara u katuun tere Kristo aragi solosei e Sunahan, e Tamana e Iesu Kristo a Tsunono i tarara. E Sunahan e hala ranei ra a mamanaka a nigana i Kolö, a mamanaka turu Namnamei, na u bulungana teka e kato hasasaala koru ranoura.

Epesis 1:3 Referans Kwoze

1 Pita 1:3

Aragi solosei e Sunahan e Tamana a Tsunono i tarara e Iesu Kristo. Tara nitaatagi pan koru i tanen nonei e hala rai ra a nitöatöa a tsimus te hatakei meien e Iesu Kristo tara tou mate i tanen. Na tara mamanaka a niga te haka beraien ra i Kolö, a manka tema tatei omiri na tema tatei mulari na tema tatei taiari.

2 Korin 1:3

Aragi solosei e Sunahan e Tamana a Tsunono i tarara e Iesu Kristo. Nonei te hatamana nena a nitaatagi na nonei te Tsunono nena a mamana a markato te hasokolei menari a katuun.

Epesis 2:6

Nonei e hatakei pouts gono meraira e Kristo tegi tsunono gono menaien ra tara han i Kolö.

Epesis 6:12

Taraha, ara ema hiatatung merei u katuun tuun. E möa. Ara e hiatatung mera u liliahanei u omi na i kolö na a pal kapan i taren. Ara e hiatatung mera a nitsunono i taren na u liliahanei u omi te tara kap ner a han i puta te ka noana turu kuhil.

Epesis 3:10

Nonei e kato sile ii a ka teka tego haröto menaien a mamana mar niatei i tanen i romana. E haröto sila naien turu katuun i tanen ba u angelo na pal kapan tara han i Kolö te tatei tare ren.

Galesia 3:9

E Abraham e hamana uu tere Sunahan, be Sunahan e kalala gono mera neien u katuun hoboto timar hamana has uu i tanen.

U Bulungana u Niga tere Iesu Kristo te kolotein e Jon 17:21

Ba nori te hereri a töa katuun. Na lö, O Tamar, e ka mia i tar na lia e ka gia i tamölö, Nori egi ka mei u töa u tori, te kato has uara ra, ba u katunura i puta te tatei atei sil haser tu hala mena mei lö alia.

Epesis 1:17

Alia e singosingo uagu tere Sunahan e Tamana e Iesu Kristo a Tsunono i tarara, e Tamanen te ka mena a nitsunono pan. Alia e singo silegu tego hala meraien limiou ta niatei na tego haröto menaien a peisanen i tamilimiou, ba limiou te atei sile mou e Sunahan.

2 Korin 11:31

E Sunahan e Tamana e Iesu a Tsunono e atei silena alia ema gamo gi. Aragi solosei nitöa naien tara mamana pöata!

2 Korin 5:21

E Sunahan e hasöatei e Kristo, tema ka korumei ta markato ta omi, a man markato a man omi i tarara. Ba tara markato teka e Kristo e hagogoso beraira tegi matskö uu ra tere Sunahan.

1 Korin 12:12

Na u tuenrei e ka has mena a mamana makum, na mamana makum turu tuenrei e noahasina te para uaren, nori hoboto u töa puku u tuenrei. Te kato has uana e Kristo.

U pas te koloto menai e Pol turu kristenira i Rom 12:5

Na e kato has uana iesana turu kristen. Ara e parpara ra kaba ra a töa hun katuun puku noahas te hamana uara tere Kristo. Ara a töa a hun katuun bara te hihitaguhira.

Epesis 1:10

E markato uana teka: pöata te butu nama romana a pöata te hopö kap mamin e Sunahan, be Sunahan te gone nou a mamanaka hobotona i kolö na i puta bate hapane nou e Kristo bate tsunono ranou uen.

2 Korin 5:17

A katuun te ka uana tere Kristo, nonei a katuun a tsimus. A markatona i manasa e kapa. Tara, a markato a tsimus e butu hakapa.

U pas te koloto menai e Pol turu kristenira i Rom 15:6

Te markato uanen teka ba limiou hoboto te tatei soloseie miou e Sunahan, e Tamana a Tsunono i tarara e Iesu Kristo.

Hibru 8:5

Kaba a toukui i taren e haharuei tuun nena a luman lotu hamana i Kolö. Taraha, pöata te katsin hatakeia e Mosis a luman lotu labalaba, be Sunahan e ranga menen, “Alö go tara kap hanigein tego kui hapopo naia lö a mamanaka tara markato tu haröte ii lia lö turu pokus i Sinai.”

Pilipai 2:11

Ba u katuun hoboto te ranga riou bate poeier e Iesu Kristo te Tsunonona, ba tara markato teka ba nori te solosei riou e Sunahan e Tamarara.

1 Korin 1:30

Tere Sunahan lahas bara te ka ria tere Iesu Kristo, na nonei e habutu sileien tego hala meraien ra a niatei. E Kristo nonei te sakahis raioura bara te katuun uara tere Sunahan. Nonei lasi a maroro a matskö na nonei te kato hagöagono raioura bara te katuun uara tere Sunahan.

Hibru 9:23

A mamana a man kana turu lotu teka te kato hagogoseier bate haharuei tuun nena a manka a man mana na i Kolö. Kaba a manka ni Kolö egi kato hagogose ii u rahatsing tere Kristo te niga balana.

U Bulungana u Niga tere Iesu Kristo te kolotein e Jon 20:17

Be Iesu e poeiena i tanen, “Möa tu pile kap naiou lia, taraha alia ema la noa gi iasa tere Tamar. Kaba alö go la tara man hahatoulana i tar, u katuun te hamana ria i tar, balö tena hatei ramen alia e la uagu iasa tere Tamar na e Tamamilimiou has. Alia e la uagu tere Sunahan i tar na tere Sunahan has i tamilimiou.”

U Bulungana u Niga tere Iesu Kristo te kolotein e Jon 14:20

A pöata e butu nama romana ba limiou tena atei sile mou alia e ka gia tere Tamar na limiou e ka has mia i tar na lia e ka has gia i tamilimiou.

U Bulungana u Niga tere Iesu Kristo te kolotein e Luk 2:28

Be Simion e söatena a pien me haniga uana tere Sunahan me poeiena: “O Tsunono, alia a katunun kui i tamölö e ka tala megou a masalohana tara pöata tena mate goua lia. A ka tu ranga hamanein lö e butu hakapa.