Aposol 7:58 - U Bulunagana U Niga

⁵⁸ Ba nori e las ba na rien a taun mena titi hate ren. U katuun ti saka mam meien u ranga i his ban a man hasobö a man ngahangaha i taren me hakei rien i rehina a töa katuun a hitots a solonen e Sol.

Aposol 7:58 Referans Kwoze

Aposol 22:20

Na tara pöata ti atung hamateien e Stiven, a tson te hahatein u raranga i tamölö, alia u ka has ia i rehiren. Alia u hanigein tegi kato hamate menaien, balia e tara kap negu a man hasobö turu katuun ti atung hamateien.’

Aposol 8:1

E Sol e hanigein te mate uu e Stiven. Nonei turu lan teka, ti tanian kato homi koru raia u kristen ti kaia i Jerusalem. I markato uu teka bu kristen hoboto e sata uaier tara man han iahana provins i Judia na i Samaria. U aposol puku ti ka noaia i Jerusalem.

Aposol 6:13

Ba nori e hatuol rer u katuun tegimi gamo uaien bate poeier, “A katuun teka e roron ranga homi nena a luman lotu a Göagono i tarara na Lo has tere Mosis.

Aposol 22:4

Alia u kato homir u katuun ti kukute a maroro tara nihamana te kukutie gulia i romana, e noaia ti mateia a palai. Alia u kits kap raien a tsien, a pal tson na touhaliou has, na lia u hala meraien tara karabus.

U Bulungana u Niga tere Iesu Kristo te kolotein e Luk 4:29

Ba nori e takei seir me las tsibil ba naria e Iesu tara taun, me lu mena rien ieluna u pokus ti kuieia a taun i taren tegina ba hakurapa menaien turu uarahana.

Aposol 6:11

Ba nori e hol raier a palair u katuun tegi pei menaien, “Alam u hengoi te ranga homi menaien e Mosis na e Sunahan!”

Aposol 7:57

Kaba nori i tupu kapiin a talingaren me ele hapan tuun mer u ranga, me takei hobotor me piatar tina pile kap menaien e Stiven.

Aposol 22:23

Ba tara pöata ti ku hapan noaien bate hula lapo ba ner u hasobö i taren me lapo sei has ner u köahu iasa.

Aposol 26:10

Na lia u markato has uu teka i Jerusalem. Alia u lui u raranga u mal turu pris pan balia te hakarabus regu u katuun tere Sunahan. Na tara pöata ti katsin kato hamate raien balia te haniga hasigu.