Aposol 7:35 - U Bulunagana U Niga

³⁵ Be Stiven e ranga lel noa hasina me poeiena, “Nonei e Mosis ti raman u katunura Israel me poeier, ‘E möa ta katuun tega hale ii lö a nikapan na markato te ona menari markato i tamulam!’ Nonei lasi a katuun te hala here nai e Sunahan a tsunono na katuun tega luba raien a nomi. E Sunahan e hatagala sila naien tara angelo te butuia i tanen tara tsi ruei te kulupu.

Aposol 7:35 Referans Kwoze

U Bulungana u Niga tere Iesu Kristo te kolotein e Luk 19:14

Kaba palair u katuun tara han i tanen i tori homi koru naien, ba nori e hakukutie lila u katunun sösöata ranga egina rangaia tara han te kaien, ‘Alam e rama nem a katuun teka ega king raiou lam.’ Kaba nonei ena butun king noa has.

Revelesin 15:3

Nori i kömei u hets tere Mosis a katunun kui tere Sunahan na u hets tara Tunan Sipsip, bate mar hets uaier teka: “O Tsunono, o Sunahan, alö te tagala saluhem! A man toukui i tamölö e pan koruna na e niga soköna. Alö a Tsunono Pan turu han hoboto. A man markato i tamölö e matsköna na e mana hasina.

Hibru 2:2

A Lo tere Mosis te hala sila nama e Sunahan turu angelo e manana, na u katuun ti hipus naien batema kukutie rien i lu hasi u nihahuna te antunaia tara markato a omi ti katoeien.

Kolosi 1:15

E Kristo te hatara ranera ime te markato uana e Sunahan. Nonei te butu tutuun ia tara manka hoboto te habuti e Sunahan.

Aposol 7:51

E Stiven e ranga lel noahas ia tara pal kapan turu Kout me poeiena, “Alimiou u katuun u hihipus! Alimiou e tori here noa hasemi u tematan! Alimiou e talingatu ba koru namiou u raranga tere Sunahan! Alimiou e hipus nitöa namiou u Namnamei u Göagono ti markato has uu tuburara!

Aposol 7:30

Be Stiven e ranga lenina me poeiena, “Pöata te la hakapaia u 40 u hiningal, ba töa angelo e butuna tere Mosis tara makum a palaka turu Pokus i Sinai me butu nama turu ruei te kulupu.

Aposol 5:31

Be Sunahan e lu sei mena neien iasa tara pal matou i tanen, nonei a Tson Mammam na Tson Hihitaguhu. Nonei i lu sei sileien tegi palis menai u katunura i Israel u hakats na markato a omi i taren, ne lu sei sil haseien tego luba menaien a markato a omi i taren bate tara pouts uana i taren.

Aposol 3:22

E Mosis e pei, ‘E Sunahan a Tsunono i tamilimiou e habute nou romana a töa propet turu toulamilimiou i murimuri bate taguhu ranou limiou, kato has uana te markato has meien lia. Alimiou go hengoeiam a mamanaka te ranga mera neien limiou.

Aposol 2:36

“Bora, hatei raiam a tei Israel: E Sunahan e katoeien a Tsunono na Mesaia, nonei e Iesu a katuun ti hahalosi ra ti nila namia limiou tara kuruse.”

U Bulungana u Niga tere Iesu Kristo te kolotein e Jon 19:15

Ba nori e ku lelir me poeier, “Atung hamateiam! Atung hamateiam! Nila namia tara kuruse!” Be Pailat e rangata ranen, “Alimiou e ngilemiou alia ego hanila naia a king i tamilimiou tara kuruse?” Ba u pris pan e ranga palise ren me poeier, “Alam u möa ta tana ta king. E Sisa lasi a töa!”

U Bulungana u Niga tere Iesu Kristo te kolotein e Jon 18:40

Ba nori e ku hapanir me poeier, “E möa, hapurese e Barabas!” E Barabas a katuun a kopkop ne roron atung hasir u katuun.

U Bulungana u Niga tere Iesu Kristo te kolotein e Mak 12:26

Na turu rangana turu katuun ti mate hakapa bate takei pouts riou tara tou mate, alimiou toum uma ritemi a makumun ranga iahana u buku tere Mosis te hatei nena u ruei te kulupu? Tara makum teka e Sunahan e ranga mei e Mosis me poeiena, ‘Alia a Sunahan tere Abraham na a Sunahan tere Aisak ne Sunahan tere Jekop.’