Aposol 7:30 - U Bulunagana U Niga

³⁰ Be Stiven e ranga lenina me poeiena, “Pöata te la hakapaia u 40 u hiningal, ba töa angelo e butuna tere Mosis tara makum a palaka turu Pokus i Sinai me butu nama turu ruei te kulupu.

Aposol 7:30 Referans Kwoze

Aposol 7:35

Be Stiven e ranga lel noa hasina me poeiena, “Nonei e Mosis ti raman u katunura Israel me poeier, ‘E möa ta katuun tega hale ii lö a nikapan na markato te ona menari markato i tamulam!’ Nonei lasi a katuun te hala here nai e Sunahan a tsunono na katuun tega luba raien a nomi. E Sunahan e hatagala sila naien tara angelo te butuia i tanen tara tsi ruei te kulupu.

Aposol 7:17

“A pöata e sukusuku tala tego butu hamanaia u ranga hamana te kato e Sunahan tere Abraham, kaba u hihase turu katuun tarara i Itsip e para susul.

U Bulungana u Niga tere Iesu Kristo te kolotein e Mak 12:26

Na turu rangana turu katuun ti mate hakapa bate takei pouts riou tara tou mate, alimiou toum uma ritemi a makumun ranga iahana u buku tere Mosis te hatei nena u ruei te kulupu? Tara makum teka e Sunahan e ranga mei e Mosis me poeiena, ‘Alia a Sunahan tere Abraham na a Sunahan tere Aisak ne Sunahan tere Jekop.’

U Bulungana u Niga tere Iesu Kristo te kolotein e Luk 20:37

Na e Mosis e haröto haniga koruni te takei pouts uaier romana u katuun ti mate bate töatöar. Turu raranga turu Buku u Göagono e hatei nena u ruei te kulupu, e Mosis e rangein a Tsunono me ngöe neien, ‘E Sunahan tere Abraham, ne Sunahan tere Aisak, na e Sunahan tere Jekop.’

Aposol 7:31

Pöata te tareien e Mosis ba nonei e asingoto koruna me la hasukusukuna tegona tara menaien u ruei te kulupu kaba ema ats ii. Ba u töa u ranga e la nama tara Tsunono iahana u kulupu me poeiena, ‘Alia e Sunahan turu tubumölö, e Sunahan tere Abraham mere Aisak ne Jekop.’ Be Mosis e toltololona me matoutun tara uana turu kulupu.