Aposol 5:14 - U Bulunagana U Niga

¹⁴ Kaba a para tson na tahol i hamana mena tapo raier a pala tara Tsunono.

Aposol 5:14 Referans Kwoze

Aposol 2:47

Nori i solosei nitöani e Sunahan bate ka mer a niniganiga turu katuun ti ka hoboto meraien. Na turu mamana u lan a Tsunono e halasei susuli u hihase turu katuun u tsimus ti hamanaia tere Iesu Kristo.

Galesia 3:28

Na te katuun uami limiou tere Kristo, e möa lel ta toun Grik na ta Jiu, na ta katunun kukui puku na ta katuun tegoma kukui puku ii, na ta tson na ta tahol. Alimiou hoboto te hamana mia tere Iesu Kristo e here talemi a töa katuun.

Aposol 22:4

Alia u kato homir u katuun ti kukute a maroro tara nihamana te kukutie gulia i romana, e noaia ti mateia a palai. Alia u kits kap raien a tsien, a pal tson na touhaliou has, na lia u hala meraien tara karabus.

Aposol 9:42

A ka teka i atei sil hoboteia tara mamana makum i Jopa, ba katuun a para ti hengo naien e hamana uaier tara Tsunono.

Aposol 9:35

Ba u katuun hoboto tara huol a taun i Lida na i Seron e tare ren ba nori e töan habirits hoboto uaier tara Tsunono.

Aposol 9:31

Ba u katuun hobotor i Judia na i Galili na i Samaria ti hamanaia tere Iesu i ka hanigar tara pöata tara masalohana. Ba niateina tere Sunahan e pan susuluna i taren. Ba nori e hapan nitöaner a Tsunono bu Namnamei u Göagono tere Sunahan e taguhu ranen. Ba nori e para susulur.

Aposol 8:12

Kaba ti hamaneien a manka te hatein e Pilip turu Bulungana u Niga tara Nipepeito tere Sunahan na solona e Iesu Kristo, ba nori hoboto a pal tson na touhaliou e habaptaisir.

Aposol 8:3

Kaba e Sol e kato homi korur u kristen te tasu menaien a man luma turu katuun bate las me ranei a pal tson na touhaliou has tara karabus.

Aposol 6:7

U raranga tere Sunahan e tasata susul noahas. Na u hihase turu katunun tsitsilo i Jerusalem e para susul koru hamanasa tala, na para koru has a man pris turu Jiu i hengo koru talei u nihamana teka.

Aposol 4:4

Kaba a katuun a parpara koru ti ka me hengoeier u raranga i taren me hamana korur, me hapara lel raier a pala ti hamana mamia tere Iesu. Na u hihase tara pal tson hoboto e sukusukuia turu 5,000.

Aposol 2:41

U katuun ti hengoe u ranga i tanen bate sasaala meren i baptaisir. E sukusukuia turu 3,000 turu katuun ti baptaisir nonei turu lan teka temi hahonoto gono mer u katunun tsitsilo.

Aposol 11:24

E Banabas a katuun a niga, na u Namnamei u Göagono e saputeien, na nonei e ka has mei u nihamana u tagala. Ba u katuun u parpara e la uaier tara Tsunono.

2 Korin 6:15

E Kristo na e Satan e tatei hiahanhanigar? E möa koru. A katuun te hamanana, na katuun te hahamanana ema tatei ka has meri u töa u hakats.