Aposol 4:29 - U Bulunagana U Niga

²⁹ O Tsunono, alö go tara tala, te ranga sil mena rien u katunun kui i tamölö, hatagala ramou lam ba lam te ranga hatagalam batema tatei matoutmi.

Aposol 4:29 Referans Kwoze

Aposol 4:13

Nori i asingoto koru ni timar ranga hatagala uu ere Pita mere Jon batema matout ri, me tara marei haser a huol a katuun teka ima la meia tu skul pan. Nori i asingoto koru me tara marei taleier ti lala gono menaien e Iesu i manasa.

Aposol 14:3

Kaba e Pol mere Banabas i kei a pöata a ngahangaha i Aikoniam, na nori i tagala mei ti hatei menaien u raranga tara Tsunono. Ba Tsunono e hatagala ranen ba nori e katoeier u mamana u mirakol. Tara ka teka, a Tsunono e haröto raien u rangan hitaguhu i tanen e mana koru.

Pilipai 1:14

U katuun u para koru te pala uar tere Kristo e hamana hatagala koru tala uaier tara Tsunono, taraha alia e ka gia tara karabus. Na nori ema ka meri ta nimatout te hatei menarien u raranga tere Sunahan.

Aposol 4:31

Tara pöata ti singo hakapaien, ba makum ti gono ien e tagasina. Nori hoboto i saputu mei u Namnamei u Göagono me tanian hatei ner u raranga tere Sunahan, nori ima matout ii.

2 Timoti 4:17

Kaba a Tsunono e ka gono meiou lia bate hatagale noulia, ba u raranga te sila nama romana i tar, ba u katuun hoboto tema Jiu ri te hengoeren. Ba tara markato teka ba e Sunahan te luba nena lia i runguna a laion.

Aposol 28:31

Nonei e hihatutsin a Tsunono e Iesu Kristo na Nipepeito tere Sunahan. Nonei ema matout ii, na e möa ta katuun tega hapiou naien.

Aposol 19:8

Be Pol e tasu uana iahana luman lotu turu Jiu, ba tara topisa a tsihou, nonei e rangan töa lasiin u Bulungana u Niga. Nonei e ranga hatagala meraien me torohanan hatakeiena u hakhakats u niga i taren tara Nipepeito tere Sunahan.

Aposol 13:46

Ti markato uaien teka be Pol mere Banabas e ranga hatagala korur me poeier, “E matsköna tu hala mam merai lam alimiou u raranga tere Sunahan. Kaba limiou e tori tsuga ba namen bate kato here nami a peisamiou u katuun te raman lu ner a nitöatöa te ka nitöana. Te kato uanen teka ba lam te la hamanasam tara pala tema Jiu ri.

Aposol 9:27

Ba e Banabas ena piou nanen turu aposol me hatei raneien e Sol e tareia a Tsunono i maroro ba Tsunono e ranga gono menen. Ba e Banabas e hatei has raneien e Sol e ranga hatagala koru te hatei la menameien e Iesu i Damaskus.

1 Tesalonaika 2:2

Alimiou e atei miou, nori i kato homi raia lam tara taun i Pilipai. Kaba e Sunahan e kato ha ongolo raioulam ba lam e la noahas uaiem i tamilimiou mena hatei rami limiou u Bulungana u Niga tere Sunahan, noahasina ti hapiou u katuun u parpara.

Aposol 4:21

Ba pal kapan e ranga hatagala lel mera ren me töan hapurese raren. Nori ima sabe ii ta markato tegi mar hahuna sila meraien, taraha u katuun hoboto i ranga me soloseier e Sunahan tara ka te butu.

Aposol 26:26

U mana koru a King e atei silena a manka teka, na i matamölö alia ema matsingolo nagi tego ranga uu lia. Alia e atei hamana sil koruegu e möa ta ka tega mous bani a matamölö, taraha a manka teka ima katoei i mous.

Aposol 9:28

Be Sol e ka gono mera nen me hula lana i Jerusalem, me ranga hatagala has nena e Iesu Kristo.

2 Korin 3:12

Te ka tala memialam u mar nihamana teka alam ema matout tala mi.

1 Korin 14:13

A katuun te rangana turu tana u mar ranga e tatei singo silena a nitagala tego hatarare menaien u ranga i tanen.