Aposol 27:24 - U Bulunagana U Niga

²⁴ A angelo e pei lala, ‘O Pol, alö goma matout ii. Alö ena tuol noahas moa i matana e Sisa. E Sunahan e hapiou nanou tego mate uu ta töa ta katuun te ka gono menou lö tara tolaala, ba nonei te kato benoui lö a ka teka.’

Aposol 27:24 Referans Kwoze

Aposol 23:11

Ba tara bong ba Tsunono e tuolna i rehina e Pol me poeiena, “Möa tu matout. Alö tu hatei nama lia i Jerusalem, alö ena markato has uamou teka i Rom.”

Matiu 10:28

Na limiou goma matout rami u katuun te atung hamateier u tuenrei, nori ema atung hamatieri u namnamei. Kaba limiou go matouteiam e Sunahan, nonei te antunan kato homi nitoeiena u tuenrei na u namnamei i hel.

Jemis 5:16

E markato uana teka, ba limiou te hiahahatei namiou a manka man omi tu katoeiam limiou, ba töa te singo uana tere Sunahan bate singo beiena a tai. Te kato uamou limiou teka, ba limiou te niga pouts mou. Te singo hatagalana a katuun te nigana i matana e Sunahan, u singo teka e katoe nou a toukui pan.

Aposol 9:15

Ba Tsunono e poeiena i tanen, “Lala, taraha alia u hopö kapiin a katuun teka tega hatei menaien a solor turu katuun tema Jiu ri na turu king i taren na turu katunura i Israel.

Revelesin 1:17

Pöata tu tareien lia, ba lia e tuhopö nena i mounen me heregi a katuun a mate. Kaba nonei e hatakopeia a pal matou i tanen i tar me poeiena, “Möa tu matout. Alia a Hahatania na Nikapakapa.

Aposol 27:37

Na alam hoboto tu kaia tara tolaala u antunaia tara 276 a katuun.

Aposol 27:44

Na palai tegi murimuri egi pileia tara man makumun palang na tara matsi makum te tapekoia tara tolaala. Tara markato teka ba lam ena tuku haniga hoboto mia i kotolana.

Aposol 25:11

Te ka megia lia ta ka ta omi, tsi tu katoeia lia ta töa ta ka te antunana tego mate mei lia, alia ema tatei bus ba nagi a nihahuna teka. Kaba e möa tega mana uu a man ranga te kout merien lia, na e möa has ta töa ta katuun tega hala menai lia i taren. Alia e hasoso silegu u kout pan tere Sisa!”

Aposol 19:21

Na i murina a manka teka, ba u Namnamei tere Sunahan e haleie nei e Pol u hakats tega la uaien tara provins i Masedonia na i Gris, bate la hamurimuri uana i Jerusalem. Be Pol e poeiena, “I murina tena tare goua lia a man han teka, balia tena tara hase gou i Rom.”

U Bulungana u Niga tere Iesu Kristo te kolotein e Jon 11:9

Be Iesu e poeiena, “A lan e ka mena u ualesala te taniana tara bongbong batena antunana tara lahi. U katuun te tataala mer a lan ema antunan tutu ranoui, taraha nori e tareier u alesalana tara han.

Matiu 10:18

Nori e haka raroua limiou i matar u tsunono na u king te hamana uami limiou i tar, taraha u ngilngil i tar tego hatei meramien limiou u Bulungana u Niga, bate hatei has ramiou u katuun tema Jiu ri.

Aposol 27:31

Be Pol e poeiena tara tsunono turu ami na turu soldia, “Tema ka roui a pal tson teka tara tolaala, ba limiou te tia mou!”

Aposol 27:42

U soldia i hakatsin tegi atung hamate meraien u karabus, taraha nori e namots ape sungor bate bus hakapar.

Pilimon 1:22

Na lö go hamatskö has bei lia ta makum tena ka goua lia. Alia e hamanegu e Sunahan e hengoe nou u singo i tamilimiou bate haniga nanou tego la uu lia i tamilimiou.