Aposol 26:22 - U Bulunagana U Niga

²² Na te antunana i romana e Sunahan e taguhe ioulia, balia te tuol gia teka bate hatei negu a manka teka tara katuun papala na turu tsunono has. Na lia e katoegu u mar ranga noa lahas ti katoi u propet na e Mosis i manasa tara manka tega butu.

Aposol 26:22 Referans Kwoze

Aposol 24:14

Kaba alia e hatei goulö, nonei a Maroro teka tara Tsunono te ngöe rien ‘A markato te peko menari a hun katuun,’ e manana alia e roron kukutie gen. Alia e kukutiegu a Maroro teka ba lia te singo uagu tara Got turu tubumulam e Sunahan. Alia e hamanegu u raranga hoboto te kana tara Lo tere Sunahan na u ranga hoboto ti kolotein u propet.

U Bulungana u Niga tere Iesu Kristo te kolotein e Jon 5:46

Te hamane mia limiou e Mosis, alimiou go hamana hase moulia. Taraha, nonei e koloto sileiou lia turu Buku u Göagono.

Aposol 10:43

U propet hoboto i ranga naien me poeier u katuun hoboto te hamana ria i tanen, e Sunahan e luba nanou a man markato a man omi, taraha e Iesu e taguhu ranouen.”

U Bulungana u Niga tere Iesu Kristo te kolotein e Luk 24:44

Ba nonei e poeiena i taren, “Nonei koru a manka teka tu ranga merai lia limiou tara pöata tu ka gono noa meraia lia limiou: a mamanaka ti koloto naia lia tara Lo tere Mosis na tara man buku turu propet na turu Sam ega butu hamana koru.”

U Bulungana u Niga tere Iesu Kristo te kolotein e Luk 24:27

Be Iesu e hatarare raneien u mamana u raranga turu Buku u Göagono te hatei nanen, e taniama tara man buku te kolotein e Mosis batemi noana tara man raranga ti kolotein u propet hoboto.

Revelesin 15:3

Nori i kömei u hets tere Mosis a katunun kui tere Sunahan na u hets tara Tunan Sipsip, bate mar hets uaier teka: “O Tsunono, o Sunahan, alö te tagala saluhem! A man toukui i tamölö e pan koruna na e niga soköna. Alö a Tsunono Pan turu han hoboto. A man markato i tamölö e matsköna na e mana hasina.

U pas te koloto menai e Pol turu kristenira i Rom 3:21

Kaba e Sunahan e ka mena a maroro te kato hamatskö mera neien u katuun i matanen, na nonei ema maroro uanei tara Lo tere Mosis. E möa. Nonei a marorona tara nihamana tere Iesu. I romana e Sunahan e kato hamatskö rena u katuun hoboto te hamana ria tere Iesu Kristo. A Lo tere Mosis na u raranga turu propet e hatei naier a ka teka. U katuun hoboto e markato uaier iesana i matana e Sunahan.

Aposol 28:23

Ba nori e hakeier u lan tegi gono hoboto meien e Pol, ba u katuun u parpara e la uarima tara makum te kaia e Pol. Tara bongbong mena antunena a lahibong nonei e ranga hatararein a Nipepeito tere Sunahan. Nonei e kato sil tega antunan palis meien u hakats i taren tere Iesu, bate hatei raneien u raranga te kana tara Lo tere Mosis na u raranga turu propet.

Aposol 26:17

Alia e hala mena goui lö tara honoto mölö na turu katuun tema Jiu ri, ba lia te taguhe gou romana lö ba nori tema kato homie roui lö.

Aposol 26:6

Na i romana alia e tuol gia teka turu kout, taraha alia e hamanegu te mana uana u raranga te hopö kapiin e Sunahan turu tuburara i manasa.

U Bulungana u Niga tere Iesu Kristo te kolotein e Jon 5:39

Alimiou e röto nitöa namiou u Buku u Göagono, taraha alimiou e poeiemiou nonei te hala ranoui limiou a nitöatöa te ka nitöana. U Buku u Göagono e hatei noahas na nou lia.

U Bulungana u Niga tere Iesu Kristo te kolotein e Jon 1:45

Be Pilip e na sabe leleiena e Nataniel me hateie nen, “Alam e sabie muma e Mesaia, a katuun te koloto bin e Mosis nu propet i manasa! Nonei e Iesu a toun Nasaret, a pien tere Josep.”

U Bulungana u Niga tere Iesu Kristo te kolotein e Jon 1:17

E Sunahan e hala silanama a Lo tere Mosis, kaba u pannen u nihitaguhu na nimana tere Sunahan i habutu sila nama tere Iesu Kristo.

Revelesin 20:12

Na lia u tara hasi u mate ti tuol ia i matana u gumgum u göagono, na u katuun papala na u katuun pan has. Ba man buku e palateier. Na u tana u buku i palata hasi, u bukuna tara nitöatöa. Ba u mate e kout merari a manka ti koloto naia tara man buku, a manka ti katoe men i puta.

Revelesin 11:18

U katunura i puta i raharaha korue ioulö, kaba pöata tego hala menai lö a nihahuna e butu hakapa. A pöata e butu hakapama tego ona merai lö u katuun ti mate. Na pöata e la hakapama tego hala menai lö a hihol a niga turu katunun kui i tamölö u propet, na u katuun hoboto i tamölö te matoute riou lö, u katuun u kapan na u katuun papala has. A pöata e butu hakapama tego kato homi merai lö u katuun ti kato homi a han i puta!”

2 Timoti 3:11

Na te omi menari lia u katuun na ti söata mena mei lia u nikamits u parpara tara man taun i Antiok na i Aikoniam na i Listra. Alia u söati a man nikamits teka ba Tsunono e luba nanei lia a man niomi teka.

Matiu 26:24

Alia tu butun Katunuma e mar mate uagou temar ranga uana u Buku u Göagono. Kaba a niomi pan e butuna romana tara katuun te haröto nanou lia turu katuun ti korupakö naiou lia. E niga bala nena a katuun teka egima mala posei.”

Aposol 13:29

Na tara pöata ti kato hakapeien a mamanaka ti koloto mamin u propet, ba nori e atung hamateier e Iesu. Ba nori e lu hakoule rien tara kuruse, mena honge rien tara kioun mate.

1 Korin 15:3

Na lia u hala rai limiou u raranga u kapan koru tu lu mami lia te markato uana a ka teka, e Kristo e mate sil a man markato a man omi i tarara, temar ranga uana u Buku u Göagono.

1 Korin 15:4

Na e Kristo i kahoein me takei poutsuna turu hatopisana u lan, temar ranga uana u Buku u Göagono.