Aposol 26:10 - U Bulunagana U Niga

¹⁰ Na lia u markato has uu teka i Jerusalem. Alia u lui u raranga u mal turu pris pan balia te hakarabus regu u katuun tere Sunahan. Na tara pöata ti katsin kato hamate raien balia te haniga hasigu.

Aposol 26:10 Referans Kwoze

Aposol 8:3

Kaba e Sol e kato homi korur u kristen te tasu menaien a man luma turu katuun bate las me ranei a pal tson na touhaliou has tara karabus.

Aposol 9:21

U katuun hoboto ti hengo i asingoto koru me poeier, “Boka! A katuun teka te roron atung hamater u katuun i Jerusalem ti pala uu tere Iesu? Nonei e la silema tegomi pile kap meraien u katuun tere Iesu bate las mera neien turu pris pan turu lotu?”

1 Korin 15:9

Alia e ka puta koru gia turu aposol hoboton töa. Ema antunanei tegi ngö menai lia a aposol, taraha alia u kato homir u katuun tere Sunahan.

Aposol 9:26

Pöata te la uu e Sol i Jerusalem ba nonei ena torohanan ka gono merena u katunun tsitsilo tere Iesu. Kaba nori i matouteien na i hahamana naien tego katunun tsitsilo uaien tere Iesu.

Aposol 8:1

E Sol e hanigein te mate uu e Stiven. Nonei turu lan teka, ti tanian kato homi koru raia u kristen ti kaia i Jerusalem. I markato uu teka bu kristen hoboto e sata uaier tara man han iahana provins i Judia na i Samaria. U aposol puku ti ka noaia i Jerusalem.

Aposol 7:58

Ba nori e las ba na rien a taun mena titi hate ren. U katuun ti saka mam meien u ranga i his ban a man hasobö a man ngahangaha i taren me hakei rien i rehina a töa katuun a hitots a solonen e Sol.

Revelesin 17:6

Ba lia e taregu a tahol teka e tutu mei u rahatsing turu katuun tere Sunahan, na e tutu has mei u rahatsing turu katuun ti atung hamate merai ti hamana uaien tere Iesu. Ba pöata tu tareia lia a tahol teka ba lia e asingoto korugu.

Epesis 1:1

Alia e Pol, a töa aposol tere Iesu Kristo te hopö kapiin e Sunahan. Alia e koloto menagi u pas teka i tamilimiou u katuun tere Sunahan te ka mia tara taun i Epesis, alimiou u katuun te hamana nitöa uamiou tere Iesu Kristo.

Galesia 1:13

Alimiou e atei silemiou alia u tagala sil korui u lotu turu Jiu i manasa. Na lia u kato hakamits koruri u katuun ti hatsunoni e Kristo, na lia u tagala sil korui tego kato homi meraien lia.

Aposol 9:41

Be Pita e pile nena a limanen me las hatakeie nen, be Tabita e tuoluna. Nonei e töatöa pouts tala. Be Pita e ngö gögono rena u amoaba na palair u kristen, ba nonei e hala pouts raneien e Dokas.

Aposol 9:32

E Pita e hula laia tara mamana han teka, ba nonei e gala has uana tara taun i Lida mena ka gono meraiena u kristen i Lida.