Aposol 25:10 - U Bulunagana U Niga

¹⁰ Kaba e Pol e pei, “A luma teka te tuol gia lia i romana nonei a luman kout tara gamman pan e Sisa. A luma lasi teka nonei a makum te tatei hengoe ria u kout i tar. Alö u atei hakapa, alia uma katoe ii ta töa ta ka ta omi turu Jiu.

Aposol 25:10 Referans Kwoze

2 Korin 4:2

Alam e rama nem a markato a omi te hamouseier, na markato a gamo, na lam ema hapone mi, nema luba nami ta pala turu raranga tere Sunahan. E möa. Alam e ranga nem u ranga hamatskö na u raranga hamana tere Sunahan i matar u katuun hoboto ba nori te tatei oneier a markato i tamulam i matana e Sunahan.

Aposol 28:18

Pöata ti rangrangatei lia ba nori e katsin hapurese riou lia, taraha nori ima sabie mei ta töa ta ka tegi atung hamate sile ien lia.

Aposol 26:31

Ba pöata ti lakasaien ba nori e poeier, “A katuun teka ema katoe ii ta ka tegi atung hamate meien tsi tegi karabus meien.”

Aposol 25:25

Kaba alia uma sabei ta töa ta ka te tegi atung hamate meien. Na nonei peisa e kato silena tega lauaien turu kout tere Sisa, balia e hanigagu tegi hala menaien.

Matiu 27:18

Nonei e atei sil a saha ka tina hala sileien e Iesu i tanen, taraha nori i hiomi.

Aposol 25:17

“Ba tara pöata ti gono hobotoien teka ba lia e haseseigu turu hamahö ba lia e gum gia turu gumgum tara tsonun hahamou turu ranga be ngö regu u soldia tegi la mena meien e Pol i tar.

Aposol 25:6

Pöata te ka hakapa gono meraien e Pestus u töal tsi u maloto u lan, ba nonei e töan gala uana i Sisaria. Ba u hamahö ba nonei e gumna tara luman kout, ba nonei e hangö na lala e Pol.

Aposol 23:29

Alia u sabe ti kout sil menaien a man kana tara lo peisa i taren, kaba nori ima kout sil meien ta ka tega antunaia tegi atung hamate menaien tsi tegi karabus menaien.

Matiu 27:19

Tara pöata te gum noaia e Pailat turu kout, ba tahol i tanen e hale neien u raranga me poeiena, “Alö goma katoei ta ka tara katuun teka. Alia e tare gulen turu sinasoho i tar i bong, balia e toku korugu. Taraha nonei e möa ta töa taka ta omi i tanen.”