Aposol 21:3 - U Bulunagana U Niga

³ Ba lam e tarem a tolo i Saiprus me la karasa ba mena mien tara pal keruka me lam. Ba lam e la uaiem tara provins i Siria mena sung mia tara taun i Taia. A tolaala ega hakouleia a kakö tara han teka.

Aposol 21:3 Referans Kwoze

Aposol 27:4

Ba lam e takei ba pouts nem a han teka be seil uaiem i hapalana tolo i Saiprus te oho, taraha alam u lagi lalaia tara lomolomo.

Aposol 21:16

A palair u katunura i Sisaria ti hamanaia tere Iesu i la gono has meraiou lam. Ba nori ena piou raria lam i luma tere Nason, a katununa tara tolo i Saiprus. Nonei e kaia turu katuun ti hamanaia tere Iesu i manasa noa, ba lam ena ka mia i luma i tanen.

Aposol 12:20

Tara pöata teka e Herot a King e raharaha korur u katunur tara taun i Taia na i Saidon. Ba nori e gono hobotor me la mam uaier tere Blastus, a töa tson pepeito tere Herot. Nori i hamatskö gono mam mei e Blastus u ranga me töan la uaier tere Herot. Ba nori e rangata siler tegi hia taratara pouts gono meien e Herot. Taraha, u katunur tara han i taren i roron holeia a kannou turu katuun tere Herot.

Aposol 4:36

Hena, a töa katuun a solonen e Josep te tuhanaia tara tolo i Saiprus na te hatubunaia tere Livai. U aposol i ngöeien e Banabas. A mouna solo teka e poeiena, “A katuun te katoena u rangan hitaguhu.”

Matiu 4:24

Ba u katunura tara mamana han hoboto tara provins i Siria e hengo ner a toukui na u hihatuts te katoe e Iesu. Ba nori e la merarima u katuun hoboto ti ka mei a mamana mar siki, u katuun ti sagohi a mamana mar kamits, na u katuun u popolöana, nu katuun u kotskotsibong, nu katuun u matekata. E Iesu e kato haniga hoboto pouts raien.

Aposol 18:18

E Pol e gamon ka lel ia i Korin, ba nonei e raranga haniga merena u kristen, me töan lana. Ba nonei e osana tara tolaala tega la uaien tara provins i Siria. E Prisila mere Akuila i la gono meien. Tara taun i Senkria nonei e kuli ban a hulunen, te mar ranga hamana uaien tere Sunahan.

Aposol 15:41

Ba nori e sila ria tara provins i Siria na i Silisia, mena hatagala raier u kristen tara man makum teka.

Aposol 15:39

A hiaraharaha taren e tagala koru ba nori e hialala kalakalar be Banabas e peigeiena e Mak be na osa ria tara tolaala me lauaier tara tolo i Saiprus.

Aposol 15:23

Nori i hala gono meraien u pas temar ranga uu teka: “Alam u aposol na pal kapan, alam a töa pala has i tamilimiou te hamana uaiem tere Iesu. Alam e koloto menami u pas teka i tamilimiou a matsi hahatoulana tu tuhana ma tara pala tema Jiu ri, te ka mia tara taun i Antiok na tara provins i Siria na i Silisia.

Aposol 13:4

Ba u Namnamei u Göagono e hala ranen ba nori e gala uaier tara taun i Selusia, tina osaien tara tolaala me lauar tara tolo pan a solonen i Saiprus.

Aposol 11:19

U kristen ti sata noahasia ti titi hatu hamateia e Stiven na ti kato homi merai u katuun ti hamana uu tere Iesu. A tou la kalakala i taren e noan töa ma i Pinisia na i Saiprus na i Antiok. Nori i hala puku naia u Bulungana u Niga turu Jiu.

U Bulungana u Niga tere Iesu Kristo te kolotein e Luk 10:13

E Iesu e hihatuts me poeiena, “A nomi pan koru e butuna romana i tamilimiou u katunura i Korasin na i Betsaida! Sanena a man mirakol ti katoeia i gusumilimiou ti kato mameia i Taia na i Saidon i iomin, nori sanena i tori tsuga ban a man markato a man omi i taren bate ka ria turu gum.

U Bulungana u Niga tere Iesu Kristo te kolotein e Luk 2:2

Nonei a pöata tutuun ti katoeien u nihakoloto teka, a pöata te gamman hasia e Kuirinias tara provins i Siria.

Matiu 11:21

Ba nonei e poeiena, “A nomi pan koru e butu noua i tamilimiou u katunura tara taun i Korasin na i Betsaida! Sanena e Sunahan te katoeia a man mar mirakol teka tara taun i Taia na i Saidon, nori sanena i solon harötein tegi tori polasa ba menaien a man markato a man omi i taren, bate hasoger u hasobön mou bate göagöaeier u köahu.

Aposol 21:2

Ba lam ena sabeiem a töa tolaala te katsin la uu tara provins i Ponisia, ba lam e osa mia i tanen me lam.

Aposol 21:7

Alam u osaia tara tolaala mena tuku mia tara taun i Tolemes. Ba lam e tara rem u kristen, be ka gono mera men u töa u lan.