Aposol 2:39 - U Bulunagana U Niga

³⁹ U Bulungana u Niga teka e la uana i tamilimiou na tara galapien has i tamilimiou i murimuri. Na nonei e la has uana turu katuun hoboto te ka ria turu han i lehana na turu katuun hoboto te ngö rena e Sunahan.”

Aposol 2:39 Referans Kwoze

U pas te koloto menai e Pol turu kristenira i Rom 8:30

Nonei e hopö kap mam raien me ngö has ranen. E ngö raien me kato hamatskö has ranen i matanen noa has. E kato hamatskö raien me hala sei hasena a soloren.

Epesis 4:4

E ka mena u töa u tuenrei na u töa u namnamei, na e Sunahan e ngö sil has railimiou tego hahaloso mena milimiou a töa ka a niga tena la nama i murimuri.

Aposol 15:8

E Sunahan e atei silena a torir u katuun hoboto, bate haröto ranei ra nonei e haniga has rena a pala tema Jiu ri. Nonei e hala raneien u Namnamei u Göagono i tanen, e kato has uana temar hala mera neien ra.

1 Pita 5:10

Alimiou e gamon sagoho lele mou a kamits, kaba i murinen e Sunahan e kato haniga pouts ranou u katuun u niga i tanen bate hatagala ranou limiou na u nihamana i tamilimiou tara mamana pöata. Nonei a Sunahan te roron taatagi ranou limiou bate ngö sil ranoui limiou tego na lu gono menami limiou e Kristo a nikapan i tanen te ka nitöana.

Revelesin 19:9

Ba nonei a angelo e poeiena i tar, “Alö go kolotein a ka teka: U katuun ti hangö merai tara kannouna tara hitöl tara Tunan Sipsip egi sasaala!” Ba nonei e pei hasena, “Nonei u raranga hamana tere Sunahan teka.”

2 Pita 1:3

Tara nitagala pan i tanen nonei e hala raira a mamanaka te hantuna ranou ra tegi kato menai ra a markato a niga i tanen. Nonei e taguhu mera neira te atei sil mena reien ra, na te atei sil mena reira nonei te ngö meraira tegina lu gono menaien ra a nikapan na niniganiga hamatskö i tanen.

Hibru 9:15

E Kristo te habutu u rangan kits u tsimus tere Sunahan na u katuun, ba u katuun te ngöri e Sunahan te tatei lueier a manka a man niga te ranga hamanein e Sunahan bate ka nitöar. Taraha, e Kristo te mate, na tou mate i tanen te sakahis ba rai u katuun a man markato a man omi ti katoeien tara pöata turu rangan kits mam.

Revelesin 17:14

Nori e hiatatung gono meriou a Tunan Sipsip, kaba nonei e tusaluhe ranouen. Taraha? Nonei a Tsunono te tusaluhena turu tsunono hoboto na nonei a katuun a kapan tara pal kapan hoboto, na pala i tanen nori u katuun te ngöri e Sunahan me hopö kap ranen ba nori e kukutie ren.”

2 Pita 1:10

E markato uana teka, a matsi hahatoulana, alimiou go kato hatagala sileiam tego kato mena milimiou a man markato a man niga te haröto nena e Sunahan, nonei e ngö hamana raiou limiou me hopö kap ranou limiou. Te markato uamou limiou teka, alimiou ema antunan rus ba namoien.

2 Timoti 1:9

Nonei te lu pouts raiou ra na te ngö has raioura tegi katuun uu ra i tanen. Nonei ema kato mei a ka teka ti kato haniga uu ra. Emoa, kaba turu ngilngil peisa i tanen ba nonei e taatagi koru ranoura me ngö ranoura i mamuna pöata.

Epesis 1:18

Alia e singo silegu e Sunahan ega kalati a baku milimiou ba limiou te atei sile mou a ka te ngö sil meraien limiou tego hamana sileiam limiou, ba limiou te atei sil hase mou temar niga koru uana a manka te ranga hamana naien turu katuun i tanen.

U pas te koloto menai e Pol turu kristenira i Rom 11:29

Taraha, e Sunahan ema palise ii u hakats i tanen turu katuun te hopö kap raien na te kato hasasaala raien.

Hibru 3:1

A matsi hahatoulana, e Sunahan e ngö sil railimiou tego katuun uaiam limiou i tanen. Na limiou go hakats naiam e Iesu. E Sunahan e hala sile mei e Iesu tegomi aposol uen turu lotu i tarara na tegomi tsunono pan meraien u pris turu lotu i tarara.

1 Korin 7:14

Taraha, a tson tema hamana nei e kato hagöagono sila naria tara tahol te hamanana na tahol tema hamana nei e kato hagöagono sila naria tara tson te hamanana. A galapien i tamilimiou ena mots ma gogoso ri, kaba tara markato teka ba galapien i tamilimiou te göagono hasir.

2 Tesalonaika 1:11

Ba lam te singo nitöa bera moulimiou. Alam e singo silem e Sunahan te hopö kap raiou limiou e tatei haniga ranou limiou, bate hala ranei limiou a nitagala tego kato memi limiou a ka a niga hoboto te ngilin katoe milimiou, na tego hakapa haniga mena milimiou a toukui te hamane milimiou be Sunahan te taguhu ranou limiou.

U pas te koloto menai e Pol turu kristenira i Rom 9:24

Na ra noa has u katuun te ngö ramen turu Jiu na turu katuun tema Jiu ri.

U pas te koloto menai e Pol turu kristenira i Rom 9:4

Nori u katunura i Israel, u Jiu, a hun katuun te hopö kapiin e Sunahan. E Sunahan e hahahu beraien u katuun i tanen, bate haröto nena a nikapan i tanen. Nonei e kato gono meraien a man rangan kits bate hala raneien a Lo i tanen. Na nonei e haröto raien tegi mar hatsunono menaien, bate hala raneien u raranga u mana i tanen.

Aposol 15:14

E Saimon e ranga hakapa mera lo limiou me hatei nena temar la tutuun uama e Sunahan turu katuun tema Jiu ri, memi hopö kap bera neien a peisanen i gusura u katuun.

Aposol 15:3

Ba u kristen e tula merarien i Jerusalem ba nori e sila ria i gusuna i Pinisia na i Samaria. U kristen tara huol a han teka i sasaala koru mei ti hatei meraien, e Sunahan e habiritsir a torir u katuun tema Jiu ri.

Aposol 14:27

Temi butu talaien i Antiok ba nori e gono hoboto raier u kristen, ba nori e hahatei naier a mamanaka hoboto te kato be raien e Sunahan, me poeier, “E Sunahan e kalati a maroro turu katuun tema Jiu ri, ba nori te hamanar.”

Aposol 10:45

U Jiu ti la gono mema e Pita u katunun tsitsilo tere Iesu i asingoto koru, taraha e Sunahan e hala nema u Namnamei u Göagono i tanen turu katuun has tema Jiu ri.

Epesis 2:12

Alimiou go hakats pouts naiam nonei tara pöata alimiou u ka halhal ba naiam e Kristo. Alimiou tu ka halehana ba naiam u katuun tere Sunahan. A man rangan hiahanhaniga te kits gono meraien u Jiu ema la uai i tamilimiou. Alimiou u möa ta Sunahan tara han i puta teka, batema ka memi ta ka tego hamana sileiam limiou.