Aposol 17:25 - U Bulunagana U Niga

²⁵ E möa ta katuun ga kui beien, nori e mar taguhu mena roien ime? E möa. Nonei peisa te hala nena a nitöatöana i puta turu katuun hoboto bate hala raneien a mamanaka hoboto teka meren.

Aposol 17:25 Referans Kwoze

U pas te koloto menai e Pol turu kristenira i Rom 11:35

Na u Buku u Göagono e pei hasena: “Esi te hala mamei a Tsunono ta ka bate poeiena a Tsunono ega paliseien? E möa nitöa tala.”

Aposol 17:28

Taraha, i tanen puku bara te töatöara, bara te tataalara, na i tanen puku bara te kara. Na palaina u tson atei i tamilimiou i pei hasi, ‘Ara has i tuhanama i tanen.’

1 Timoti 6:17

Hateir u katuun te ka mer a mamanaka a para i romana gima solose ii a peisaren. Nori gima hasolaia tara moni tuun te antunan taia boroborona. E möa. Nori gi hasolaia tere Sunahan a tatangana koru te hala raneira a mamanaka te kato hasasaala ranoura.

Aposol 14:17

Kaba nonei e haröto has nena temar kato haniga uanen i tamilimiou. Nonei e roron hapolena a langits, na e hahua hanigeiena u kui i tamilimiou. Nonei e hala hantue nena a kannou i tamilimiou bate kato hasasaala has ranou limiou.”

Matiu 9:13

Alimiou gona lue mia ta niatei temar mouna uana u raranga teka turu Buku u Göagono: ‘Alia ema ngilegi u haats tuun. Alia e ngilegu u katuun egi taatagin a taina katuun.’ Alia uma la silemei tegomi ngö merai u katuun u niga. Alia u la silema tegomi ngö merai u katuun u omi.”

Matiu 5:45

Te kato uamou limiou teka, ba limiou te haröto namou alimiou a galapien tere Tamamilimiou te kana i Kolö. Taraha, nonei e roron hapirena a pitala i tanen tara katuun a niga na tara katuun a omi has, na nonei e roron hapolena a langits tara katuun te kato hamatsköna na tara katuun tema kato hamatskö has nei.