Aposol 16:5 - U Bulunagana U Niga

⁵ Ba u nihamana turu kristen e butu hatagala koruna, na u hihase i taren e butu hapan susul turu mamana u lan.

Aposol 16:5 Referans Kwoze

Aposol 9:31

Ba u katuun hobotor i Judia na i Galili na i Samaria ti hamanaia tere Iesu i ka hanigar tara pöata tara masalohana. Ba niateina tere Sunahan e pan susuluna i taren. Ba nori e hapan nitöaner a Tsunono bu Namnamei u Göagono tere Sunahan e taguhu ranen. Ba nori e para susulur.

Aposol 2:47

Nori i solosei nitöani e Sunahan bate ka mer a niniganiga turu katuun ti ka hoboto meraien. Na turu mamana u lan a Tsunono e halasei susuli u hihase turu katuun u tsimus ti hamanaia tere Iesu Kristo.

Aposol 6:7

U raranga tere Sunahan e tasata susul noahas. Na u hihase turu katunun tsitsilo i Jerusalem e para susul koru hamanasa tala, na para koru has a man pris turu Jiu i hengo koru talei u nihamana teka.

1 Pita 5:10

Alimiou e gamon sagoho lele mou a kamits, kaba i murinen e Sunahan e kato haniga pouts ranou u katuun u niga i tanen bate hatagala ranou limiou na u nihamana i tamilimiou tara mamana pöata. Nonei a Sunahan te roron taatagi ranou limiou bate ngö sil ranoui limiou tego na lu gono menami limiou e Kristo a nikapan i tanen te ka nitöana.

Aposol 15:41

Ba nori e sila ria tara provins i Siria na i Silisia, mena hatagala raier u kristen tara man makum teka.

Kolosi 2:6

Bara, ti lu hakapa tala mena milimiou e Iesu Kristo a Tsunono i tamilimiou, tataala nitöa talamia turu ualesala i tanen.

1 Korin 15:58

E markato uana teka a matsomi koru i tar, tuol hakarapotoiam, bate tagala miou, möa tu hasula ba naiam e Sunahan. Kui hatagala nitöa mia tara Tsunono, taraha alimiou e atei silemiou a toukui te katoe mia limiou tara Tsunono ema lala puku noi.

U pas te koloto menai e Pol turu kristenira i Rom 16:25

Aragi solosei e Sunahan! Nonei te antunan hatagalena u nihamana i tamilimiou ba limiou te hamana mia i tanen, te hengo mena milimiou u Bulungana u Niga te rararie gulia, na turu raranga te hatei nena e Iesu Kristo. Nonei u raranga teka e solon mous i manasa.

Aposol 12:24

Kaba u ranga tara Tsunono e butu hapan me tasata uana tara han a parpara.

Hibru 13:9

U hihatuts tema atei sileri te las ba ranoui limiou a maroro tere Sunahan egima kukute ii. A torimilimiou ema antunan lu nanei ta nitagala tara mamana mar lo na tara kannou. A man lo teka ema taguhu ranei u katuun te kukutie ren. E möa. A tori milimiou ega tagala mei a nihitaguhu tere Sunahan.

2 Tesalonaika 2:16

E Sunahan e Tamarara e tatei taatagi ranoura bate tami nitöana i tarara bate taguhu ranoura tegi hamana sil menaira a ka a nigana i murimuri. Nori mere Iesu Kristo a Tsunono i tarara e tatei kato hatamie ier a torimilimiou bate kato hatagala ranou limiou ba limiou te katoemiou a man toukui a man niga hoboto na man raranga man niga has.

1 Tesalonaika 3:13

Taraha, a Tsunono e ngilena a torimilimiou ega gogoso nega matsköia i matana e Tamarara e Sunahan, tara pöata tena la pouts nama romana a Tsunono i tarara e Iesu na u katuun hoboto i tanen.

1 Tesalonaika 3:2

Ba tara markato tala teka ba lam e tula namula e Timoti a hahatoulana i tarara te kui gono mera noulam tara toukui te habulungana menari u Bulungana u Niga tere Kristo. Nonei e la silela tegona hatagala meraien limiou na tegona kato hatagala menien u nihamana i tamilimiou.

Galesia 5:1

E Kristo e purese ba raia ra tara Lo turu Jiu. Na limiou go tagala tala iam batema katunun kukui puku lel uami tara Lo turu Jiu.

Aposol 11:21

A nitagala tara Tsunono e kaia i taren, ba katuun a parpara e hamanar be habirits uaier tara Tsunono.

Aposol 5:14

Kaba a para tson na tahol i hamana mena tapo raier a pala tara Tsunono.

Aposol 4:4

Kaba a katuun a parpara koru ti ka me hengoeier u raranga i taren me hamana korur, me hapara lel raier a pala ti hamana mamia tere Iesu. Na u hihase tara pal tson hoboto e sukusukuia turu 5,000.