Aposol 12:24 - U Bulunagana U Niga

²⁴ Kaba u ranga tara Tsunono e butu hapan me tasata uana tara han a parpara.

Aposol 12:24 Referans Kwoze

Aposol 6:7

U raranga tere Sunahan e tasata susul noahas. Na u hihase turu katunun tsitsilo i Jerusalem e para susul koru hamanasa tala, na para koru has a man pris turu Jiu i hengo koru talei u nihamana teka.

2 Tesalonaika 3:1

A matsi hahatoulana, alimiou go singo bera moulam ba u raranga tara Tsunono te tasata boroboro nou bate pan noua i matar u katuun u parpara, te kato has uaien i tamilimiou.

Aposol 19:20

Tara markato teka, ba u raranga tara Tsunono e sata uana tara han a parpara me tagala saluhena.

Matiu 16:18

Na lia e hateie goulö, alö e Pita, a hatu. Na ieluna a hatu teka alia e hatakeiegoa a luman lotu i tar i tanen. Na nitagala tara tou mate ema antunan tagala saluhe ba na nouien.

Kolosi 1:6

U Bulungana u Niga teka e kato haniga rena u katuun bate kato hasasaala ranen, bate la uana tara mamana han hoboto. Te kato has uaien i gusu milimiou tara pöata ti hengo tutuun namia limiou a nihitaguhu tere Sunahan me atei sil haniga korue men.

Aposol 11:21

A nitagala tara Tsunono e kaia i taren, ba katuun a parpara e hamanar be habirits uaier tara Tsunono.

Aposol 5:39

Kaba te taniama a toukui teka tere Sunahan, alimiou ema antunan luba ramoien. Alimiou e namots hiatatung gono me miou e Sunahan!” Ba pal kapan e hengoer u ranga tere Gamaliel.