Aposol 12:19 - U Bulunagana U Niga

¹⁹ Pöata te lagi sakesakeia e Herot e Pita ba nonei e rangrangata raiena u soldia ti taratara kapiin e Pita, ba nonei e kitsena u ranga tegi atung hamate meraien. Be Herot e laba nena i Judia me gala uana tara taun i Sisaria tena kaien.

Aposol 12:19 Referans Kwoze

Aposol 16:27

Ba tson pepeito kap e supakatana me tagulena. Ba pöata te tareien u tamana i takalata hakapa, ba nonei e lousena u kilatan hiatatung i tanen me katsin ngats hamate iena a peisanen, taraha nonei e pei u karabus i bus hakapa.

Aposol 21:8

Ba turu hamahö ba lam e la uaiem i Sisaria tina tuku ia lam i luma tere Pilip, a katuun te hahabulunganein u raranga tere Sunahan. Nonei a töa tara tohit a katuun ti hopö kapir i Jerusalem ba lam e ka gono memen.

Aposol 12:6

Tara bong i mamina u lan tega la uu e Pita turu kout, e Pita e opöia i gusuna a huol a soldia. Nori i kitseien a huol a tsien, na u soldia i tuol hasia tara tamana bate tara kap ner a luman karabus.

Aposol 12:4

Herot e hapile kapiin e Pita me hala mena neien tara karabus. Nori i hakeien i limana a tohats a hun soldia tegi tara kap naien. A man töa man hun soldia hoboto teka i ka mei a man tohats a man soldia ti roron tara kapiin e Pita. E Herot egami piou naien turu katuun i murina u Paska.

Aposol 8:40

E Pilip ena butuia tara taun i Asdot te tataala silaien ba nonei e hatei lanena u Bulungana u Niga tara mamana taun, antunaia te na butuien tara taun i Sisaria.

Matiu 2:13

Pöata ti la hakapaia u tson atei, ba töa angelo tara Tsunono e butuna turu sinasoho tere Josep me poeiena i tanen, “Alö go takei ba lö te lu rem u mun tsinana, ba limiou te bus uamiou tara han i Itsip. Ba limiou tena ka möa i Itsip e antunana tara pöata te ranga lel goa lia i tamölö. Taraha, e King Herot e sake la nanou a pien bate atung hamatie nouen.”

Aposol 27:42

U soldia i hakatsin tegi atung hamate meraien u karabus, taraha nori e namots ape sungor bate bus hakapar.

Aposol 25:13

I murina u lahisa u lan e la hakapa be Agripa a King na e hahinanen e Benis e tuku ria tara taun i Sisaria tegina tara menaien e Pestus.

Matiu 2:16

Pöata te atei sil hamanaseia e Herot u tson atei tara pala te roron butu nama a pitala i gamoeien, ba torinen e raharaha koruna. Ba nonei e hala meranei u soldia i Betlehem, na tara man han i sukusuku, ba nori ena atung hamate rer a galapien tson hoboto ti kamei u huol u hiningal, temar bobo uen tara pöata ti hateien u tson atei.

Matiu 2:1

E Iesu i poseia i Betlehem i Judia tara pöata te king ia e Herot. Na tara pöata ti posa hakapeia e Iesu, ba palair u tson atei tara pala te butu nama a pitala e la uarima i Jerusalem memi rangatar, “Ime te kana a pien ti posa sile ii ega kingir u Jiu? Alam u tarema a pitopito i tanen tara makum te roron butu nama a pitala, ba lam e la sile muma tegomi hatsunono uu lam i tanen.”

Aposol 12:18

Ba tara bongbong, ba u soldia e asingoto korur, me poeier, “Pua, e Pita e taia?”