Aposol 11:21 - U Bulunagana U Niga

²¹ A nitagala tara Tsunono e kaia i taren, ba katuun a parpara e hamanar be habirits uaier tara Tsunono.

Aposol 11:21 Referans Kwoze

Aposol 2:47

Nori i solosei nitöani e Sunahan bate ka mer a niniganiga turu katuun ti ka hoboto meraien. Na turu mamana u lan a Tsunono e halasei susuli u hihase turu katuun u tsimus ti hamanaia tere Iesu Kristo.

U Bulungana u Niga tere Iesu Kristo te kolotein e Luk 1:66

Ba u katuun hoboto ti hengoeien e hakhakatsir me poeier, “A pien teka e katuun pan nou romana! Taraha? A nitagala tara Tsunono e kana i tanen.”

1 Tesalonaika 1:5

Taraha a pöata tu hala naia lam u Bulungana u Niga i tamilimiou, alam uma ranga papala ii. E möa. A nitagala tere Sunahan na u Namnamei u Göagono i tanen e taguhema u raranga i tamulam, na e haröto hasiin u raranga i tamulam e manana. Alimiou e atei silemiou a markato a niga i tamulam e taguhu has raiou limiou ba limiou te hamana miou.

Aposol 9:35

Ba u katuun hoboto tara huol a taun i Lida na i Seron e tare ren ba nori e töan habirits hoboto uaier tara Tsunono.

Aposol 11:24

E Banabas a katuun a niga, na u Namnamei u Göagono e saputeien, na nonei e ka has mei u nihamana u tagala. Ba u katuun u parpara e la uaier tara Tsunono.

Aposol 6:7

U raranga tere Sunahan e tasata susul noahas. Na u hihase turu katunun tsitsilo i Jerusalem e para susul koru hamanasa tala, na para koru has a man pris turu Jiu i hengo koru talei u nihamana teka.

Aposol 5:14

Kaba a para tson na tahol i hamana mena tapo raier a pala tara Tsunono.

Aposol 4:4

Kaba a katuun a parpara koru ti ka me hengoeier u raranga i taren me hamana korur, me hapara lel raier a pala ti hamana mamia tere Iesu. Na u hihase tara pal tson hoboto e sukusukuia turu 5,000.

Aposol 15:19

“Bora: aragi ma tatei kato homi rai u katuun tema Jiu ri te habirits menarien a toriren tere Sunahan.