Aposol 11:1 - U Bulunagana U Niga

¹ Tara pöata teka u aposol na u kristen ti kaia i Judia i hengoen u raranga te pei u katuun tema Jiu ri i lu hakapi u raranga tere Sunahan me hanige ren.

Aposol 11:1 Referans Kwoze

Aposol 15:3

Ba u kristen e tula merarien i Jerusalem ba nori e sila ria i gusuna i Pinisia na i Samaria. U kristen tara huol a han teka i sasaala koru mei ti hatei meraien, e Sunahan e habiritsir a torir u katuun tema Jiu ri.

Aposol 14:27

Temi butu talaien i Antiok ba nori e gono hoboto raier u kristen, ba nori e hahatei naier a mamanaka hoboto te kato be raien e Sunahan, me poeier, “E Sunahan e kalati a maroro turu katuun tema Jiu ri, ba nori te hamanar.”

U Bulungana u Niga tere Iesu Kristo te kolotein e Luk 2:32

Nonei e here noi romana u ualesala, bate haröto nena a maroro i tamölö turu katuun tema Jiu ri, na nonei e hala seie nou a solona a pala i tamölö a tei Israel.”

U Bulungana u Niga tere Iesu Kristo te kolotein e Mak 16:5

Pöata ti tasuien tara kioun mate ba nori e tarer a töa tson a hitots te kamei u hasobö u hiakan töa e gumia tara pal matou. Ba nori e asingotor me matout korur.

Matiu 8:11

Na lia e hatei ragou limiou, u katuun u parpara koru e la rima romana tara mamana han. Batemi gum gono mera nou ere Abraham mere Aisak ne Jekop tara kannou iahana a Nipepeito tere Sunahan.

Matiu 2:1

E Iesu i poseia i Betlehem i Judia tara pöata te king ia e Herot. Na tara pöata ti posa hakapeia e Iesu, ba palair u tson atei tara pala te butu nama a pitala e la uarima i Jerusalem memi rangatar, “Ime te kana a pien ti posa sile ii ega kingir u Jiu? Alam u tarema a pitopito i tanen tara makum te roron butu nama a pitala, ba lam e la sile muma tegomi hatsunono uu lam i tanen.”

Aposol 1:15

Tara pöata teka u katunun tsitsilo tere Iesu ti gono hoboto i antunaia turu 120 a katuun. Be Pita e takeina me tuol na i mataren me poeiena, “A matsi hahatoulana i tar, u raranga te kana turu Buku u Göagono ega butu hamana koru. U Namnamei u Göagono tere Sunahan e ranga silama tere tuburara e Devit i manasa me ranga nena e Judas, a katuun te las rema u katuun ti pile kapiin e Iesu.

Aposol 11:29

Ba man tötöa man kristen hobotor i Antiok e kitser u ranga tegi hala hapopo naien u monin hitaguhu turu kristenira i Judia.

Aposol 28:15

U katuun ti hamanaia tere Iesu i Rom i hengoin tu la uama lam, ba palai e taatago mera rimei lam tara taun te kaia i gusuna kalana a solonen a Hanin Töana i Apias. Na palai i taatago mera mei lam tara taun ti ngöei a Topisa Taven. Pöata te tara raien e Pol ba nonei e haniga uana tere Sunahan ba peisanen e tagala poutsuna.