Aposol 1:14 - U Bulunagana U Niga

¹⁴ U katuun hoboto teka i gono hoboto bate singo nitöa uaier tere Sunahan. Nori i ka gono has mer a touhaliou, ne Maria e tsinana e Iesu, na u toulana e Iesu has.

Aposol 1:14 Referans Kwoze

Epesis 6:18

Alimiou go singo nitöa mia tara nitagala turu Namnamei tara mamana pöata te singo mia limiou tere Sunahan, ba limiou te katoemiou u mamana u mar singo. Na katuun te singona egoma tatei hanöa bana ii te singo uanen, ba nonei te singo sil has raiena u katuun hoboto tere Sunahan.

Aposol 6:4

Ba lam te kui nitöa moua tego singo u lam tere Sunahan na tego taguhu has merailam u katuun turu raranga tere Sunahan.”

Kolosi 4:2

Alimiou go pile hakarapoto naiam a markato turu singo i tamilimiou bu hakhakats i tamilimiou tema tatei tianei, ba limiou te haniga uamiou tere Sunahan.

Aposol 2:42

Nori i ha hengo hanigan töaia turu hihatuts turu aposol bate singo gono meraren tere Sunahan, na nori i nou gono has mer u aposol.

U pas te koloto menai e Pol turu kristenira i Rom 12:12

A ka te hamana sile milimiou e tatei hasasaala ranou limiou. Te butuna u tori tiama, ba limiou te tuatamimiou. Alimiou go singo nitöa uaiam tere Sunahan.

U Bulungana u Niga tere Iesu Kristo te kolotein e Luk 18:1

Be Iesu e hatei ranei u katunun tsitsilo u haharuei teka, u hihatutsuna tegi singo nitöa uaien tere Sunahan batema sökanari.

Matiu 21:22

Na te hamana mia limiou, tara pöata te singo mia limiou ba limiou te lue mou a saha ka te singo silemi limiou.”

Aposol 2:1

Pöata te butuma u Lan u Göagono ti ngöei u Pentikos, u katuun tere Iesu Kristo i ka hoboto ia tara töa makum.

U Bulungana u Niga tere Iesu Kristo te kolotein e Luk 11:13

Alimiou u katuun u omi e atein hala noa has namiou a manka man niga tara galapien i tamilimiou. Na e Tamarara i Kolö te niga balana e hala has nanou u Namnamei u Göagono turu katuun te singor bate harangata ria i tanen!”

Aposol 2:46

Turu mamana u lan nori i la hoboto uu tara Luman Lotu Pan tina singo hoboto uaien na nori i nou hoboto mei u hakats u niga na nisasaala pan.

U Bulungana u Niga tere Iesu Kristo te kolotein e Luk 24:53

Na tara mamana pöata nori i kaia i Luman Lotu Pan bate haniga uaier tere Sunahan.

Matiu 12:46

Pöata te ranga noaia e Iesu turu katuun, be tsinanen na u toulanen te tukur. Ba nori e tuol ria ielesala me rangata ner tegi ranga uaien tere Iesu.

U Bulungana u Niga tere Iesu Kristo te kolotein e Luk 24:10

A touhaliou teka ere Maria Matalina mere Joana ne Maria, e tsinana e Jemis. Nori mera palair a touhaliou ti ka gono meraien ti ranga merai u aposol a manka teka.

U Bulungana u Niga tere Iesu Kristo te kolotein e Luk 23:55

Ba touhaliou ti la gono mema e Iesu i Galili e la gono meier e Josep mena tarer a kiou na ime timar hopö menai a tuenreina e Iesu iogana.

U Bulungana u Niga tere Iesu Kristo te kolotein e Luk 23:49

A man hahikapien tere Iesu na man touhaliou ti kukutie men i Galili i tuol halehana me tarer a mamanaka teka.

U Bulungana u Niga tere Iesu Kristo te kolotein e Mak 16:1

Pöata te kapaia u Lan u Göagono, bere Maria Matalina mere Salome ne Maria e tsinana e Jemis e holer a man uapi a man masi hanigantöa tegina sapeien u tuenrei tere Iesu.

U Bulungana u Niga tere Iesu Kristo te kolotein e Mak 15:40

E ka has mei a touhaliou ti tara ma i lehana, ere Maria Matalina mere Salome ne Maria e tsinana e Jemis a tetenei ne Josep.

Matiu 27:55

U touhaliou u parpara ti kukutie ma e Iesu i Galili na ti taguhe men i tuol ma i lehana bate taratara kap has rima.

U Bulungana u Niga tere Iesu Kristo te kolotein e Luk 24:33

Ba nori e takei hobotor me la pouts uar i Jerusalem mena sabe rer a maloto na töa katunun tsitsilo na palai has ti ka gono meraien.

U Bulungana u Niga tere Iesu Kristo te kolotein e Luk 8:20

Ba töa katuun e poeiena tere Iesu, “E tsinamölö na u toulamölö e tuol ria ielesala, nori e ngilin tare rioulö.”

1 Korin 14:13

A katuun te rangana turu tana u mar ranga e tatei singo silena a nitagala tego hatarare menaien u ranga i tanen.