2 Timoti 4:8 - U Bulunagana U Niga

⁸ A pöata e tuku hakapa hamanasa tega hala menai e Sunahan a hihol tu kato hasasaala menaien lia. A tson onuna hamatskö koru, nonei a Tsunono e Sunahan, tena hale noien lia nonei turu Lan u Kapan. Nonei ena hale noien lia na u katuun hoboto te ngile ren bate hahaloser tena la pouts uanamen romana.

2 Timoti 4:8 Referans Kwoze

Jemis 1:12

A katuun te hamana hanigana tara pöata te butuna a manka man omi i tanen ega sasaala. Taraha, pöata te tagala saluhe nanen a manka man omi, ba nonei tena lue nou a nitöatöa te ka nitöana te ranga hamanein e Sunahan turu katuun te ngil korue ren.

Revelesin 2:10

Möa tu matouteiam a nikamits na u tori tiama te sagohe mou limiou. Hengoiam. E Satan ena haka ranoua limiou tara karabus ba limiou te torohana rariou. A niomi teka e antunana romana turu maloto u lan. Kaba limiou go tagala sil noa hase moulia, antunana tara pöata te atung hamate rarouen limiou, ba lia te hala ragoui limiou a nitöatöa hamana.

1 Pita 5:4

Ba tara pöata te butu nama romana a katuun a kapan turu katunun taratarakap, ba limiou te luemiou romana a praisina i Kolö tema tatei taia nei.

2 Timoti 1:12

Na nonei a ka te sagoho sila nagia lia a kamits. Kaba alia ema matsingologi, taraha, alia e atei silegu esi te hamana gia lia, na lia e atei sil hasegu nonei e antunan tara kap haniga nena a mamanaka te hataratara kap naien lia, e antunana turu Lan Pan tere Sunahan.

1 Korin 9:25

A katuun a hirhirata e tagala nena u ngil turu tuenrei i tanen tara mamanaka bate torohana silena a prais tena tia nou. Kaba a prais te piata sile rara ema antunan tia nei, e ka nitöana.

Kolosi 1:5

Taraha e Sunahan e haka berai limiou a nitöatöa a niga i Kolö te hamana sile milimiou. Alimiou tu hengo tutuneiam a manka teka tara pöata te la uama u raranga u mana i tamilimiou.

Revelesin 1:7

Taraiam! Nonei e la gono me nama u köasi. U katuun hoboto e tare rouen, na u katuun has ti sakeien u saka. A man hun katuun hobotora i puta e hakats narouen bate tonur. Aa, u mana.

Taitus 2:13

Tara pöata te hahalose riara a nisasaala te hamana sile rara, nonei a pöata te butu noua u hiharöto pan tere Sunahan a kapan i tarara, nonei e Iesu Kristo temi lu pouts ranou ra.

Revelesin 19:11

Na lia u tari u Kolö e takalata ba töa hos a hiaka te tuolina. Na katuun te osaia i tanen a solo i tanen i ngöe ii A Katunun Hihipakoko, na tana solo i tanen A Katuun te Ranga nena u Mana. Tara pöata turu kout nonei e ona hamatsköna, na tara pöata te habute nen a pula nonei e kato hamatskö hasina.

2 Timoti 2:5

Na e kato has uana tara katuun te pipiatana turu resis, ega kukute hanigei a lo turu resis.

2 Timoti 4:1

U mana koru alia e ranga hatagala koru me gialö i matana e Sunahan na e Iesu Kristo temi ona rarouen u katuun hoboto te töatöar na ti mate hakapa, ba nonei te hatakeie nou a Nipepeito i tanen.

1 Timoti 6:19

Te kato uarouen teka ba nori te haputu beri a peisaren a manka man niga hamana, a man kana i Kolö te taguhu ranouen i murimuri. Ba nori te antunan lue riou a nitöatöa hamana.

1 Korin 2:9

U Buku u Göagono e mar ranga uana teka: “A ka ti namala tare ii u katuun na tima hengo naien na tima hakats has naien, nonei a ka te kato hahaloso berai e Sunahan u katuun ti ngileien.”

Revelesin 22:20

E Iesu, te hatei nena te mana uana a manka teka, nonei e poeiena, “U mana koru, ema manasa noi ba lia te la guma romana!” U mana. Lama, o Iesu a Tsunono!

Revelesin 4:10

Tara mamana pöata ti markato uaien teka, ba u huol u maloto na tohats a tsunono te hopöe ria a peisaren i puta i matana e Sunahan te töatöa nitöana ba nori te hatsunone ren. Nori i lapo naia u hatan tsunono i taren i matana u gumgum u göagono bate poeier, “O Tsunono i tamulam, O Sunahan, E matsköna tego ka menai lö a solo pan na nikapan na nitagala. Taraha? Alö tu habuti a mamanaka hoboto. Turu ngilngil i tamölö ti butu silaien bate kar.”

Revelesin 4:4

Na u huol u maloto na u tohats u gumgum u göagono i gum hahisi u gumgum u göagono tere Sunahan, na u huol u maloto na tohats tara pal kapan i gum ia tara man gumgum teka. U hasobö i taren e hiaka na nori i ka has mei u hatan tsunono u goul i bakuren.

Hibru 9:28

Na e markato has uana iesana, e Kristo e halan a peisanen tara töa puku a pöata tega luba menaien a man markato a man omi turu katuun u para. Na nonei emi butu hahuol nou romana. Nonei ema la hahuol sile namei romana tegomi luba lel menaien a man markato a man omi. E möa. Nonei e la sile nama romana tegomi taguhu meraien u katuun te hahalose ren.

2 Timoti 1:18

Na lö e atei haniga sil hasem temar taguhu menaien lia i Epesis. A Tsunono e tatei hanige nen tegona sabe menaien a nitaatagi tara Tsunono turu Lan Pan te la nama.

1 Tesalonaika 1:10

Nori e hatei has rari lam, alimiou e hahalosemiou a Pien Tson i tanen, tena kopis pouts namen romana i Kolö. Nonei e Iesu, e Sunahan te hatakei poutseien tara tou mate i tanen. Nonei te hatongo kap ranoua ra romana tara pöata tara nihahuna, te butuna romana a raharaha pan tere Sunahan.

U pas te koloto menai e Pol turu kristenira i Rom 8:23

Ema nori peisari. Ara has, te ka mera u Namnamei tere Sunahan a tantania tara mamanaka a niga tena lue riou romana. Ara e har hasira bate hahalosera a pöata tena lu ranoua ra e Sunahan, ba ra te galapien hoboto uarou i tanen, na tuenreirara na u namnamei has i tarara.

U pas te koloto menai e Pol turu kristenira i Rom 2:5

Alimiou e hipus koru miou, na limiou ema antunan palisemi u hakats. Na limiou e kato hapan koru lele miou a nihahuna te lue moa limiou tara pöatan hahuna tere Sunahan, tara pöata te haröto nanouen temar raharaha uanen na te ona hamatskö uanen.

Matiu 24:36

Be Iesu e poeiena, “Kaba e möa ta töa tega atei sileiou u lan tsi a aua te butu nama romana a manka teka. U angelo ri Kolö has ema atei roi, na lia has tu butun Katunuma ema atei has goi. E Tamar puku lasi te ateina.

Matiu 7:22

Nonei turu Lan teka, a parpara a katuun e poeiena romana i tar, ‘O Tsunono, o Tsunono. Alam u hihatuts silaia tara solomölö na lam u tsuga ba has raia u liliahanei u omi tara solomölö, na lam u kato sila has naia a man hiharöto tara solomölö.’

1 Tesalonaika 5:4

Kaba limiou a matsi hahatoulana ema ka mia turu kuhil, ba limiou te asingoto namou nonei u lan teka.

2 Korin 5:2

Pöata te ka mia lam tara luma na i puta, a torimulam e tiama koruna. Alam e ngil koruem go lu menai lam a luma na i Kolö.

U Bulungana u Niga tere Iesu Kristo te kolotein e Luk 10:12

Alia e ranga mera goulimiou, turu lanin hahuna tere Sunahan, u katuun tara taun teka e lue riou a nihahuna te pan bala nanou a nihahuna turu katuun u omi ra i Sodom.”

1 Korin 3:13

Taraha, turu Lan Pan tere Kristo, ba toukui turu katuun hoboto te haröto naria romana turu ualesala. U tula te haröto nanou a toukui turu katuun hoboto, na u tula noahas te torohane nou a saha mar toukui ti katoi a man tötöa man katunun kui.

Pilipai 3:11

Na lia e ngilin takei pouts hasigu romana tara tou mate i tar bate töatöa poutsugu.

2 Tesalonaika 2:8

Ba nonei tara pöata teka, a katuun a omi e butu nou. Ba tara pöata te la pouts nama romana e Iesu a Tsunono, nonei e butu menama romana a nitagala i tanen bate husa hamatie nen.

2 Timoti 1:10

Kaba a ka teka i halakasa sila nama te butuma e Iesu Kristo te lu pouts meraien ra. Nonei e poki a nitagala tara tou mate me hala raneira a nitöatöa. Turu Bulungana u Niga teka te hala sila namen u ualesalana tara nitöatöa te ka nitöana.

Hibru 12:11

Pöata te hahuna rariara, ara e kamitsira batema ka haniga rei. Kaba i murina u nikamits ara e ka haniga rou ba torirara te sasaala nitöa nou.