2 Pita 3:17 - U Bulunagana U Niga

¹⁷ Kaba a matsi hahatoulana i tar, alimiou u atei sil hakapeiam a ka teka. Na limiou go haneiam, u katuun u omi e tatei gamo rari limiou a man markato a man tutu ba limiou tema tuol hatagala lel moi turu nihamana i tamilimiou

2 Pita 3:17 Referans Kwoze

Hibru 3:14

Tegi hamana hatagala nitöa uu ra tere Sunahan ti mar hamana mam uu ra, ara e ka uara tere Kristo.

Kolosi 2:8

Kaba haneiam, ta katuun ena gamo ranei limiou tu ranga pinopino. Hanei sil raiam u katuun te hihatuts ner a niatei turu tuburen bate poeier e lama tere Sunahan. Nori e hihatuts ner a mankana i puta, u spirit na lo na i manasa, kaba ema ranga uanei tere Kristo.

Epesis 4:14

Ba i murimuri bara tema here lele roi a galapien. Taraha, a galapien e hamana ria tara man hihatuts turu katuun u gamogamo hoboto te butu rima, u katuun te gamo raren ba nori te katoeier a man markato a man omi. Esi te hengo ranen bate hula hakatsina e here nei a ka te hula hapouseina i tasi, tsi a ka te söatena a lomolomo bate hula tapana. Kaba ara gima markato uai tara katuun teka.

1 Korin 15:58

E markato uana teka a matsomi koru i tar, tuol hakarapotoiam, bate tagala miou, möa tu hasula ba naiam e Sunahan. Kui hatagala nitöa mia tara Tsunono, taraha alimiou e atei silemiou a toukui te katoe mia limiou tara Tsunono ema lala puku noi.

1 Korin 10:12

A katuun te poeiena e kukute hatagalena a markato a niga ega hanei sil tego kato homi uaien.

Matiu 7:15

Be Iesu e rangana me poeiena, “Hanei sil raiam u propet u gamogamo. Nori e hererari u muki u hie, kaba nori e gamor bate kato here nari a peisaren u sipsip u alena.

U pas te koloto menai e Pol turu kristenira i Rom 16:18

Taraha, nori u katuun teka ema kui beri a Tsunono i tarara e Kristo. E möa. Nori e kui siler u ngilngilina i puta i taren. Nori e roron angoso rer u katuun bate gamo rer u katuun tema atei sileri a ka tema mana nei.

2 Timoti 4:15

Alö go peito kap has naien, taraha nonei e rama hatagala korunena u raranga i tarara.

2 Korin 11:3

Kaba lia e matoutegu, alimiou ena mots heremi e Eva te hengo sila nai u gamo tere Satan a kökötsi, batema hakats sil lenemi e Kristo puku lahas a töa.

Matiu 16:6

Be Iesu e poeiena i taren, “Alimiou go tarakap hanigaiam bate hanei silemou u is turu Parasi na u Sadiusi.”

Aposol 2:42

Nori i ha hengo hanigan töaia turu hihatuts turu aposol bate singo gono meraren tere Sunahan, na nori i nou gono has mer u aposol.

Matiu 16:11

E ha koruna ba limiou tema atei sile mulei, alia ema ranga silegulei a beret? Kaba hanei sileiam u is turu Parasi na u Sadiusi!”

Revelesin 2:5

Hakats kap tala naiam a markato a nigana i manasa tu rus ba naiam limiou. Paliseiam a man markato a man omi i tamilimiou bate markato haniga pouts uamiou tu kato uaiam limiou i manasa. Te möa nen, alia e la guma romana batemi luba ragi limiou u lam tara makum i tanen.

1 Pita 5:9

Ka hatagala mia turu nihamana i tamilimiou bate tuol kakap nemiou e Satan, taraha u toulamilimiou u kristen te ka ria tara mamana han i puta e sagoho haser a mar nikamits te sagohe milimiou.

Kolosi 2:5

E manana, u tuenrei i tar e ka halehana ba ranou limiou, kaba u hakhakats i tar e ka gonon töa mera noulimiou. Na lia e sasaala megu te atei sil mena gilia te tuol hakarapoto uami limiou bate hamana hatagala mia tere Kristo.

Pilipai 3:2

Hanei sil raiam u katuun u omi te kato homieier u tuenrei, na te kato here rari u muki, bate poeier alimiou go hapöiam.

U Bulungana u Niga tere Iesu Kristo te kolotein e Jon 16:4

Alia e hatei ragi limiou a manka teka ba tara pöata te butu nouen, ba limiou te hakats kap namou u raranga tu hala mam ra ii lia alimiou.” Be Iesu e pei lelena, “Alia uma hatei mam railimiou a manka teka, taraha alia u ngilin gamon ka gono meraiou limiou.

Galesia 5:4

A katuun te kukute sile nei a Lo turu Jiu tega matskö uaien i matana e Sunahan, nonei e luba nena a peisanen tere Kristo. E Sunahan ema antunan hanige neien.

2 Pita 2:7

Kaba a töa katuun a niga te kaia i Sodom a solonen e Lot. Turu mamanu lan nonei e hengoen a man raranga a man omi na te tara menaien a man markato a man omi bate kato hatiama korueiena a torinen batema mala matskö nei. Na e Sunahan e haka hanigeien tara pöata te kato homieien nonei a taun.

2 Pita 3:1

A man hahikapien i tar, alia e koloto menagi u hahuoluna u pas teka i tamilimiou. Turu huol hoboto u pas teka alia e torohanan hatakeiegu u hakhakats u niga i tamilimiou bate hatei lel ragi limiou a manka ti atei sil hakapa haseiam limiou.