2 Pita 3:14 - U Bulunagana U Niga

¹⁴ Na man hahikapien i tar, tara pöata te hahalose mia limiou nonei u Lan, torohana hatagala sileiam tego gogoso uaia limiou i matana e Sunahan bate katoemiou a markato tara masalohana.

2 Pita 3:14 Referans Kwoze

1 Tesalonaika 5:23

E Sunahan e tatei kato hagogoso nitöanena a torimilimiou, e Sunahan te hala nenama a masalohana i torirara. Alam e ngil hasem e Sunahan e tatei tara kap nena u namnamei i tamilimiou na torimilimiou na u tuenrei i tamilimiou, ba limiou te tatei niga nitöamiou tara pöata te la pouts nama romana e Iesu Kristo a Tsunono i tarara.

1 Tesalonaika 3:13

Taraha, a Tsunono e ngilena a torimilimiou ega gogoso nega matsköia i matana e Tamarara e Sunahan, tara pöata tena la pouts nama romana a Tsunono i tarara e Iesu na u katuun hoboto i tanen.

Pilipai 1:10

Ba limiou te tatei ngile miou a ka te niga bala koruna. Bate tatei na gogosomiou romana batema ka memi ta markato ta omi tara pöata te butu nama romana u Lan u Kapan tere Kristo.

1 Korin 15:58

E markato uana teka a matsomi koru i tar, tuol hakarapotoiam, bate tagala miou, möa tu hasula ba naiam e Sunahan. Kui hatagala nitöa mia tara Tsunono, taraha alimiou e atei silemiou a toukui te katoe mia limiou tara Tsunono ema lala puku noi.

1 Jon 3:3

U katuun hoboto te hahanei siler e Kristo bate sasaalar, nori e markato hagogoso has uaier temar gogoso has uana e Kristo.

1 Korin 1:8

Nonei e kato hatagala ranou limiou, bate hamana hatagala mia i tanen ba limiou tema kame moi ta töa ta ka ta omi i tamilimiou tara pöata temi tuol moua limiou i mata nen.

Pilipai 2:15

Alimiou go ka halehana ba neiam a manka man omi. Alimiou u katuun tere Sunahan ego niga nitöaiam, noahasina te ka uami limiou i gusur u katuun u omi te katoeier a markato a tutu. Alimiou e ka heremi u ualesala i gusuren te alesala uana tara mamana han i puta.

Hibru 9:28

Na e markato has uana iesana, e Kristo e halan a peisanen tara töa puku a pöata tega luba menaien a man markato a man omi turu katuun u para. Na nonei emi butu hahuol nou romana. Nonei ema la hahuol sile namei romana tegomi luba lel menaien a man markato a man omi. E möa. Nonei e la sile nama romana tegomi taguhu meraien u katuun te hahalose ren.

U Bulungana u Niga tere Iesu Kristo te kolotein e Luk 12:43

A mar tson mammam teka e tatei sasaalana tega mi sabe menai a katuun pan i tanen te markato uanen teka tara pöata tego la pouts men i han.

Jemis 1:27

A katuun te niga hamanana na te matsköna i matana e Sunahan e Tamarara e markato uana teka: nonei egona taguhir u binai na u amoaba tara pöata te omina a nikaka i taren, na nonei e ka halehana ba nena a manka a man omi tara han i puta.

Pilipai 3:20

Kaba a han i tarara e kana i Kolö, na ra e hahalosera a Tsunono i tarara e Iesu Kristo tega koul men i Kolö batemi lu pouts ranoura.

Matiu 24:26

“Bora e markato uana teka, te hatei raia limiou u katuun, ‘E Mesaia e kana tara makum a palaka,’ möa tu la uaiam nonei tara makum. Tsi tegi poeien, ‘Nonei e mousuna iahana luma,’ möa tu hamana raiam.

1 Pita 1:7

A man torohana teka, e torohana tuneri u nihamana i tamilimiou, bate haröto nena a nimana i tanen. A goul has e tatei omina, kaba nori e nas haramune ren turu tula bate sakeier tega goul hamana uaien. Na e kato has uana iesana, u nihamana i tamilimiou e niga bala nena a goul, kaba e Sunahan ega torohaleien ba limiou te hamana hatagala koru lel miou. Ba pöata te butu nama romana e Iesu Kristo, be Sunahan te haniga ranou limiou bate solosei ranou limiou bate hapan ranou limiou.

2 Pita 3:1

A man hahikapien i tar, alia e koloto menagi u hahuoluna u pas teka i tamilimiou. Turu huol hoboto u pas teka alia e torohanan hatakeiegu u hakhakats u niga i tamilimiou bate hatei lel ragi limiou a manka ti atei sil hakapa haseiam limiou.

Matiu 25:7

Ba touhaliou u kukubei hoboto e taker be pilits sei hobotoner a man lam i taren.