2 Pita 3:11 - U Bulunagana U Niga

¹¹ Na temar taia tala uana romana a mamanaka tara markato teka, ba limiou te kato hatagala sil talemiou tego niga koru uaiam limiou bate hala nemiou a peisa milimiou tere Sunahan.

2 Pita 3:11 Referans Kwoze

1 Pita 1:15

E möa. E Sunahan e ngö hakapa raiou limiou, nonei e göagonona na e niga koruna. Na e markato uana teka, a mamana markato i tamilimiou ega niga koru has.

Pilipai 1:27

A markato i tamilimiou ega matskö gono mei u Bulungana u Niga. Alia ena tara lel toum ragou limiou tsi e möa? Kaba alia e ngilin hengo noahas nagou tego tuol hatagala uaiam limiou bate ka memiou u töa puku u hakats, ba limiou te tagala hoboto silemiou u hihatutsina turu Bulungana u Niga.

1 Pita 2:12

Alimiou go kato haniga koru las mia i gusur u katuun te hahamanar. Ba pöata te ranga homi rien i tamilimiou bate poeier alimiou e katoemiou a markato a omi, ba nori te tatei tarer a markato a niga tego katoeiam limiou, bate soloseier e Sunahan tara pöata te la namen romana.

2 Pita 3:12

Alimiou go hahaloseiam u Lan tere Sunahan bate kato silemiou tega butu boroboro uamen. Nonei u Lan te ats hakapa noua romana u kolö, ba mankana i kolö te ramun mena romana u hiski pan koru.

1 Timoti 6:11

Kaba lö o Timoti, alö a katuun tere Sunahan, ka halehana ban a manka teka. Torohanan tagala sil tego kato hamatskö uu lö bate kato haniga mia i matana e Sunahan bate hamane men. Alö go ngilir u katuun hoboto bate tuatami mia i taren na lö goma sökana has ii.

Jemis 3:13

Te kana a katuun te hakats hanigana i gusumilimiou, nonei ega kato haniga has. Nonei e tatei kato hateteneiena a peisanen bate haröto nena a markato a niga i tanen te butu nama turu hakats u niga.

Pilipai 3:20

Kaba a han i tarara e kana i Kolö, na ra e hahalosera a Tsunono i tarara e Iesu Kristo tega koul men i Kolö batemi lu pouts ranoura.

2 Pita 1:3

Tara nitagala pan i tanen nonei e hala raira a mamanaka te hantuna ranou ra tegi kato menai ra a markato a niga i tanen. Nonei e taguhu mera neira te atei sil mena reien ra, na te atei sil mena reira nonei te ngö meraira tegina lu gono menaien ra a nikapan na niniganiga hamatskö i tanen.

1 Timoti 6:3

A katuun te hihatuts nena u hihatuts u gamo ema tahongo neia turu hihatuts tere Iesu Kristo a Tsunono i tarara, u hihatuts u niga na u mana.

1 Timoti 4:12

Alö a katuun a hitots, ego möa ta katuun tega pita putputeiou lö. Harötein ta markato ta niga turu katuun te hamanar te markato uana a katuun a kristen turu hihatuts i tamölö, na tara markato i tamölö na te ngil mera milö u katuun hoboto na te hamana ua mölö tere Sunahan, bate ka mem a markato a gogoso.

Matiu 8:27

Nori i asingoto koru me poeier, “A saha a mar katuun koru teka? A lomolomo na u ramun e hengo korueren!”

Jemis 1:24

Nonei e tarena a polenen bate lana, ba nonei te solopalena ime temar tara uana a polenen.

1 Timoti 3:16

Na ra hoboto e hia hanhaniga ner u lotu i tarara e ka mena a mamanaka a niga koru te haröto halakasa ner: E Kristo e butun Katunuma. U Namnamei u Göagono e harötein te matskö uanen. U angelo i tareien. U katuun i habulungana naien turu han hoboto. U katuun e hamana uaier i tanen. E Sunahan e lu pouts menaien i Kolö.

1 Tesalonaika 1:5

Taraha a pöata tu hala naia lam u Bulungana u Niga i tamilimiou, alam uma ranga papala ii. E möa. A nitagala tere Sunahan na u Namnamei u Göagono i tanen e taguhema u raranga i tamulam, na e haröto hasiin u raranga i tamulam e manana. Alimiou e atei silemiou a markato a niga i tamulam e taguhu has raiou limiou ba limiou te hamana miou.

1 Timoti 6:6

A hihol pan e tatei lue mialö te hapan mena mi lö e Sunahan bate sasaala mem a manka te ka memölö.

Hibru 13:5

E möa tu ngil korueiam a moni, ba limiou te sasaala memiou a manka te ka memi limiou. Taraha, e Sunahan e pei, “Alia ema antunan laba ragi limiou tsi ema antunan solopala ragi limiou.”

2 Korin 1:12

U mana nitöa, alam e tatei sasaalam bate ranga mem u hakats u gogoso nitöa ti marka uu lam tara niniganiga te hala railam e Sunahan, ba lam te kato hamatsköm bate kato haniga mia tara han i puta teka na i mata milimiou has. Alam uma kato mei a manka teka a niatei i tamulam, kaba tara niatei tere Sunahan.

U pas te koloto menai e Pol turu kristenira i Rom 13:11

A hapalana a ka teka, alimiou e atei silemiou a mar pöata teka. Möa tu sohoiam, a pöata te lu pouts ranoa ra e Sunahan e sukusuku nena a pöata ti hamana tania iara tere Kristo.

U pas te koloto menai e Pol turu kristenira i Rom 13:12

A pöata a omi teka te here nei a bong e katsin kapana, na pöatan pepeito kap tara nitsunono tere Kristo te here nei a lan e sukusukuna. Aragi hanöa a markato a omi te ka uana turu kuhil bate katoera a markato a niga te ka uana turu ualesala.

2 Pita 3:10

Kaba u Lan Pan tara Tsunono e songots butu hasingoto tuun nama romana, temar butu hasingoto uana a katuun a kopkop. Nonei turu Lan, u kolö e taia mena romana u gururu u kapan, na manka i kolö e kulupu hakapa riou, na han i puta na mamanaka te kana i tanen e ats hakapa nitöa riou.