2 Pita 3:10 - U Bulunagana U Niga

¹⁰ Kaba u Lan Pan tara Tsunono e songots butu hasingoto tuun nama romana, temar butu hasingoto uana a katuun a kopkop. Nonei turu Lan, u kolö e taia mena romana u gururu u kapan, na manka i kolö e kulupu hakapa riou, na han i puta na mamanaka te kana i tanen e ats hakapa nitöa riou.

2 Pita 3:10 Referans Kwoze

Revelesin 21:1

Ba lia e taregu u kolö na u puta u tsimus. U kolö na u puta tutuun i tia hakapa, na e möa lel has tu tasi.

Matiu 24:35

U kolö nu puta e taia riou, kaba u raranga i tar ema antunan taia koru nei romana.”

2 Pita 3:7

Ba turu töa u mar raranga noahas u kolö na u puta e hahaloser a pöata tega kato homi lel meraien u tula. A han i puta na i kolö e hahaloser a pöata te kout mera noi e Sunahan u katuun u omi bate kato hataia ranen.

Revelesin 16:15

“Hengo iam! Alia e songotei la hasingoto guma romana. A katuun te kalatan töana ega sasaala. Alimiou go heremi a katuun te tara kap haniga nena u hasobö i tanen batema tatei beloso neia i matar u katuun.”

1 Tesalonaika 5:2

Taraha, alimiou u atei hakapa sileiam a Tsunono e songots butu nama romana. A Tsunono e la here namei romana a kopkop tara bong. E möa ta katuun tega atei sil a pöata te butu namen romana.

U Bulungana u Niga tere Iesu Kristo te kolotein e Mak 13:31

U kolö na u puta e taia hakapariou romana, kaba u raranga i tar ema antunan tia noi romana.”

2 Pita 3:12

Alimiou go hahaloseiam u Lan tere Sunahan bate kato silemiou tega butu boroboro uamen. Nonei u Lan te ats hakapa noua romana u kolö, ba mankana i kolö te ramun mena romana u hiski pan koru.

Revelesin 3:3

Hakats kap tala naiam a manka ti hatuts rai limiou na u raranga tu hengoe iam limiou. Kukute iam bate tori tsuga namiou a man markato a man omi i tamilimiou. Esi tema tagule nou ii, alia ena la hasingoto here guma romana a kopkop ba limiou tema atei sile moi a saha mar pöata tena la guma lia romana.

U Bulungana u Niga tere Iesu Kristo te kolotein e Luk 12:39

Alimiou go hakats naiam a ka teka: Sanena tega atei sil mameia a katuun terena luma i hangisa koru tega lama a katuun a kopkop, ba nonei te hatongo kap nena a katuun teka bate ma heleie nei a luma i tanen bate tasuna.

Revelesin 20:11

Na lia u tari u gumgum u hiaka u göagono te gum ia e Sunahan. U kolö na u puta e hatalis ban a matanen, me möa lenina ta makum i taren.

1 Korin 5:5

Na limiou go hakei mia a katuun teka i limana e Satan tegi kato homi menai a peisanen na markato a omi i tanen, be Sunahan te tatei lu poutsena romana u namnamei i tanen turu Lan Pan tara Tsunono i murimuri.

U pas te koloto menai e Pol turu kristenira i Rom 8:20

Taraha, a mamanaka te kui e Sunahan e ka uana tara tou mate. A tou mate ema butuia turu ngil i taren. E möa. E butuia turu ngil tere Sunahan. Kaba e Sunahan e hopö kapiin a pöata te kapana romana a markatona tara tou mate.

U pas te kolotein e Jut 1:6

Na u angelo tima tuol ia iahana nipepeito te halarien e Sunahan, ba nori te hipus ba ner a han i taren i Kolö, e Sunahan e kits kap raien a man tsien, be haka ranen tara makum a kuhil koru e antunana turu lanin hahuna pan.

2 Korin 1:14

Tema lu hanige moien limiou tara pöata teka, ba tara pöata tena kopis pouts nama romana e Iesu a Tsunono, alimiou na sasaala mera moulam temar sasaala has mera moi lam alimiou.

1 Korin 1:8

Nonei e kato hatagala ranou limiou, bate hamana hatagala mia i tanen ba limiou tema kame moi ta töa ta ka ta omi i tamilimiou tara pöata temi tuol moua limiou i mata nen.

1 Tesalonaika 5:4

Kaba limiou a matsi hahatoulana ema ka mia turu kuhil, ba limiou te asingoto namou nonei u lan teka.

2 Pita 3:11

Na temar taia tala uana romana a mamanaka tara markato teka, ba limiou te kato hatagala sil talemiou tego niga koru uaiam limiou bate hala nemiou a peisa milimiou tere Sunahan.

Revelesin 6:14

Ba u kolö e tia hakapana me here nei a ka te pitseier. Bu mamana u pokus na mamana tolo has e hasula ba naier a man makum i taren.