2 Pita 2:9 - U Bulunagana U Niga

⁹ E Sunahan e tatei haka haniga rena u katuun u niga tegi torohana meraien, bate haka rena u katuun u omi tara nihahuna e antunana te butuna romana u Kout Pan i tanen.

2 Pita 2:9 Referans Kwoze

1 Korin 10:13

U mamana u torohana te butuna i tamilimiou e roron butu hasna turu katuun hoboto. Kaba e Sunahan a katuun a hihipakoko na nonei ema haniga na noi u torohana te tagala bala na nou a nitagala i tamilimiou. Kaba, e Sunahan e kato bera noi limiou a maroro tego bus ba sila na milimiou u torohana ba limiou te antunan tagala na moien.

Revelesin 3:10

“A pöata a omi e butu noua romana tara man han hoboto i puta, ba nonei te torohana rena romana u katuun hoboto. Kaba lia e hatongo kap romana ragou limiou tara niomi teka. Taraha? Alimiou e roron hengoe miou u raranga i tar bate tuol hakarapoto namiou te omi merari limiou u katuun.

2 Timoti 3:12

Na lia e hatei goulö, u katuun e kato homi puku rariou u katuun te pala uaier tere Iesu Kristo.

2 Pita 3:7

Ba turu töa u mar raranga noahas u kolö na u puta e hahaloser a pöata tega kato homi lel meraien u tula. A han i puta na i kolö e hahaloser a pöata te kout mera noi e Sunahan u katuun u omi bate kato hataia ranen.

Taitus 2:14

Nonei e hala sile ii a peisanen tego sakahis meraien ra tara mamana markato a omi. Na nonei e mate sil tego kato hagogoso meraien ra, u katuun i tanen, bara te hun katuun uara i tanen bate kato hatagalera a man markato a man niga.

2 Pita 2:4

E Sunahan ema taatagi rai u katuun u omi i manasa, na nonei ema tatei taatagi has ranei romana u tson hihatuts u gamogamo teka. Nonei ema taatagi has rai u angelo ti kato homi. E möa. Nonei e lapo ba raien i hel me haka ranen tara man kiou a man kuhil koru i puta e antunana te butuna romana u lanin hahuna.

U pas te koloto menai e Pol turu kristenira i Rom 2:5

Alimiou e hipus koru miou, na limiou ema antunan palisemi u hakats. Na limiou e kato hapan koru lele miou a nihahuna te lue moa limiou tara pöatan hahuna tere Sunahan, tara pöata te haröto nanouen temar raharaha uanen na te ona hamatskö uanen.

Matiu 6:13

Alö goma hala merai lam tara tou hiamus, kaba lö go luba nema a man niomi i tamulam. U mana.’

Matiu 10:15

Alia e hatei hamana koru ragou limiou, a nihahuna tara taun teka e pan bala koru nanou a nihahuna tara taun i Sodom na i Gomora.”

U pas te kolotein e Jut 1:6

Na u angelo tima tuol ia iahana nipepeito te halarien e Sunahan, ba nori te hipus ba ner a han i taren i Kolö, e Sunahan e kits kap raien a man tsien, be haka ranen tara makum a kuhil koru e antunana turu lanin hahuna pan.