2 Pita 1:5 - U Bulunagana U Niga

^5-7 Nonei tego spana bemi limiou a man palaina man markato tere Sunahan tara markato te hamana uaier. E markato uana teka, alimiou go hamana hanigaiam bate katoemiou a markato a niga bate luemiou u hakhakats u niga. Ba limiou te hala putemiou u ngilngil i peisa milimiou bate kato haniga noahas mia i gusuna a pöata a omi. Ba limiou te katoemiou a man markato a man niga tere Sunahan, bate taatagi ramiou a palair u katuun bate ngil koru ramen.

2 Pita 1:5 Referans Kwoze

Pilipai 4:8

Na töa patu a ka, a man hahatoulana. Alimiou go hakats nitöa neiam a manka a man mana, na manka a man niga, na manka te matsköna, na manka te gogosona, na manka te hanigeier u katuun. Alimiou go hakats siliam a mamanaka te tatei ranga haniga ner u katuun.

2 Pita 3:18

Kaba limiou u katuun ego tagalaiam bate atei silemiou a Tsunono i tarara e Iesu Kristo te lupouts raioura bate hitaguhuna i tarara. Aragi solo sei nitöa naien i romana na tara mamana pöata i murimuri. U mana. Nonei talasi. Alia e Pita

2 Pita 1:10

E markato uana teka, a matsi hahatoulana, alimiou go kato hatagala sileiam tego kato mena milimiou a man markato a man niga te haröto nena e Sunahan, nonei e ngö hamana raiou limiou me hopö kap ranou limiou. Te markato uamou limiou teka, alimiou ema antunan rus ba namoien.

Hibru 6:11

Na lam e ngilem alimiou a man tötöa ego markato haniga noahas uaiam teka, antunana te butu hamana noa romana a manka te hamana silemi limiou.

Pilipai 1:9

Na lia e singo silegu a markatona turu hiangilngil i tamilimiou ega la haniga nitöa lasi, ba niatei i tamilimiou te tatei pan susuluna, ba limiou te tatei atei silemiou a ka te nigana na a ka tema niga nei.

2 Pita 3:14

Na man hahikapien i tar, tara pöata te hahalose mia limiou nonei u Lan, torohana hatagala sileiam tego gogoso uaia limiou i matana e Sunahan bate katoemiou a markato tara masalohana.

Hibru 11:6

Te möa rara tu nihamana tere Sunahan, nonei ema antunan sasaala mera neira. Taraha, esi te ngilin la uanama tere Sunahan ega hamani e Sunahan e kana, bate hala nena a manka man niga turu katuun te sakie ren.

Epesis 5:17

Alimiou goma kato here rami u katuun u tutu, kaba limiou go torohanan atei sileiam a ka te ngilena e Sunahan.

Pilipai 2:12

A man hahikapien i tar, alimiou u roron hengoe moulia tu kaia lia i tamilimiou. Kaba limiou go hengo hatagala lel noahase moulia tara pöata te ka halehana bara gia lia limiou. E Sunahan e lu pouts merai limiou i tanen. Na limiou go matout iam bate kui hatagala silemiou tego hakapa haniga mena milimiou a toukui a niga tere Sunahan.

Kolosi 2:3

A mamanaka a niga na niatei na nigumgum a niga e ka hanigan töana i tanen.

U Bulungana u Niga tere Iesu Kristo te kolotein e Jon 6:27

Alimiou goma kui silemi a ka te tatei putakana. E möa. Alimiou go kui sileiam a ka te niga nitöana, a ka te hala nena a nitöatöa te ka nitöana. Alia tu butun Katunuma e hala ragoui limiou a ka teka, taraha e Tamar e Sunahan e hanige noulia.”

U Bulungana u Niga tere Iesu Kristo te kolotein e Luk 24:21

Alam u hamani: ‘Nonei a katuun temi sakahis poutsir u katunura i Israel.’ Aa, na u lan i romana u hatopisana u lan has i murina te butuia a manka teka.

Kolosi 1:9

Nonei koru a ka, te taniama tara pöata tu hengo naien limiou, alam uma hanöan singo sil rai limiou, tu rangata menai lam e Sunahan ega hatuts raiou limiou bate atei haniga sile miou u ngilngil i tanen. Alam u singo sil hasi tega hala menai u Namnamei i tanen u hakhakats u niga, ba limiou te antunan kato uamou temar ngil uana a Tsunono bate kato hasasaale men. Ba limiou te katoe mou a mamana markato a niga bate atei susul sile miou e Sunahan.

1 Pita 3:7

Alimiou has a pal tson, alimiou go hakats haniga raiam a touhaliou i tamilimiou, taraha a tahol ema mar tagala uanei temar tagala uana a tson. Na limiou go hapan has ramen, taraha nori has e lu gono mera roi limiou a nitöatöa tere Sunahan. Alimiou go markato uaiam teka, bate möa nou taka tega antunan hatu kap naiou a man singosingo i tamilimiou.

Hibru 12:15

Tara kap haniga raiam a palai bate moa nou ta töa tega habirits ban a nihitaguhu tere Sunahan. Ta töa ena mots tori homina i gusumilimiou bate hatakeiena ta raharaha bate kato homiena u hakats tara palai.

1 Korin 14:20

A matsi hatoulana, möa tu hakats here mi a pien. Kato here rami a galapien u tetenei te tutu ba ner a markato a omi. Kaba tara man palaina manka, mar hakats uaiam te hakats uana a katuun pan.

U Bulungana u Niga tere Iesu Kristo te kolotein e Luk 16:26

Na tana ka, a töa pannen a sia e ka kap ranou ra. Eresi te karia tara pala teka ema antunan aroho ri, na eresi te karia tara pala i tamölö ema antunan aroho has uarumei i tamulam.’

2 Pita 1:11

Be Sunahan te haniga koruna romana tego tasu uaiam limiou tara Nipepeito tere Iesu Kristo a Tsunono i tarara te lu pouts raiou ra, a Nipepeito tema antunan kapa nei.