2 Pita 1:4 - U Bulunagana U Niga

⁴ Tara markato teka nonei e hala mam raira a man raranga a man mana na man kapan i tanen te niga koruna. Na u raranga u mana teka e taguhu ranou ra bara te tatei ka has mera u mar hakats tere Sunahan, bate ka haniga ba nera a man markato a man omina i puta te butu nama turu ngilngil u omi.

2 Pita 1:4 Referans Kwoze

2 Korin 3:18

Ara hoboto ti luban u kopo i matarara bate haröto nera u ualesala tara Tsunono. Na Tsunono nonei u Namnamei te hala raneira u ualesala teka. Nonei te hapalis mera neira tegi mar butu susul here menaien ra bate ka lel mera u ualesala pan.

Kolosi 3:10

Na limiou e ka tala memiou u hakhakats na u ngilngil u tsimus u niga. E Sunahan te habutu raiou limiou e kato here ranei limiou a peisanen. Na nonei e taguhu ranou limiou tego atei haniga sil mena mien limiou.

Hibru 12:10

U tamarara i puta i hahuna merai ra a tsitabubun pöata temar niga uaien turu hakhakats i taren. Kaba e Sunahan e hahuna sil ranei ra ega taguhu raiou ra bara temar niga has uara, te markato has uanen.

1 Jon 3:2

A man hahikapien, ara a galapien hamanasa tala tere Sunahan. Nonei ema haröto noa raneira tegina markato uu ra romana. Kaba ara e atei silera a ka teka: pöata te butu halesala nama romana e Kristo bara te tare rou a peisanen bate here hase roien.

2 Korin 6:17

E kato uana teka ba Tsunono te pei hasena, “Alimiou go laba ramen bate ka halhal ba ramen. Alimiou go rama koru naiam a ka a korkoriana, balia te töan lu ragou limiou.”

Galesia 6:8

Na e kato has uana iesana, te kukutiena a katuun u ngilngilina i puta, a tou mate lasi te palise nou a markato teka. Kaba te kukutie nen u ngilngil turu Namnamei tere Sunahan, be Sunahan te palise noien a nitöatöa te ka nitöana.

1 Jon 2:25

Na nonei a ka te ranga hakapein e Kristo, tego hala rien ra, nonei a nitöatöa te ka nitöana.

2 Pita 1:1

Alia e Saimon Pita, a katunun kui na aposol tere Iesu Kristo. Alia e hala menagi u pas teka i tamilimiou u katuun te hamana gono mera moulam. Ara e ka hoboto mera a nihamana te hala raira e Iesu Kristo na e Sunahan a Tson Hitaguhu i tarara. Nonei tara markato a matskö tere Iesu Kristo ba nonei te hala ranei ra u nihamana u niga.

Hibru 9:15

E Kristo te habutu u rangan kits u tsimus tere Sunahan na u katuun, ba u katuun te ngöri e Sunahan te tatei lueier a manka a man niga te ranga hamanein e Sunahan bate ka nitöar. Taraha, e Kristo te mate, na tou mate i tanen te sakahis ba rai u katuun a man markato a man omi ti katoeien tara pöata turu rangan kits mam.

2 Korin 1:20

U mamana u ranga hamana hoboto tere Sunahan e butun mana sila ma tere Iesu, te pei sila na rira “U mana” tara pöata te singo ria ra. Bara te ranga sila narien tara solona e Iesu bate soloseiera e Sunahan.

Galesia 3:16

Na e kato has uana iesana, e Sunahan e hale ii e Abraham na u hatutubunei i tanen u ranga hamana. U raranga teka ema ranga nanei a katuun a parpara. E möa. E ranga nena a töa puku a katuun, nonei e Kristo.

U pas te koloto menai e Pol turu kristenira i Rom 9:4

Nori u katunura i Israel, u Jiu, a hun katuun te hopö kapiin e Sunahan. E Sunahan e hahahu beraien u katuun i tanen, bate haröto nena a nikapan i tanen. Nonei e kato gono meraien a man rangan kits bate hala raneien a Lo i tanen. Na nonei e haröto raien tegi mar hatsunono menaien, bate hala raneien u raranga u mana i tanen.

Epesis 4:13

Na toukui teka e la lasnou e antunana tara pöata tena hamana hoboto rouara bate ka mera u töa u nihamana. E antunanoa tara pöata tena atei sil haniga hobote rouara a Pien Tson tere Sunahan bate here nei a töa a niatei. Ba ra tena butu here roi a katuun te ka mena u nihamana na markato a niga a tangoho, te markato uana e Kristo.

Jemis 1:27

A katuun te niga hamanana na te matsköna i matana e Sunahan e Tamarara e markato uana teka: nonei egona taguhir u binai na u amoaba tara pöata te omina a nikaka i taren, na nonei e ka halehana ba nena a manka a man omi tara han i puta.

2 Pita 3:9

A Tsunono ema hamokomoko nei tega kato menaien a manka te ranga hamana naien tega katoeien, temar hakats uaier a palair u katuun. E möa. Nonei e hahaloso ranou limiou, taraha nonei ema ngile nei ta töa ta katuun ega taia, kaba e ngilena u katuun hoboto egi habirits ban a man hakats na man markato a man omi i taren.

2 Pita 3:13

Kaba ara e hahalosera u kolö na u puta u tsimus te ranga hamanein e Sunahan, a han te ka noua romana a markato a matskö peisa.