2 Korin 9:8 - U Bulunagana U Niga

⁸ Be Sunahan te tatei hala ranei limiou a mamanaka a niga, ba limiou tema makmakum ba namoi ta ka. Ba limiou te ka memou a mamanaka te antunan kate moa limiou a mamana toukui a niga.

2 Korin 9:8 Referans Kwoze

Epesis 3:20

Alia e soloseiegu e Sunahan, te antunan kato saluhe nena a mamanaka hoboto tara nitagala te kuina i torirara, a manka tima singo sil hasei ra na tima hakats has nai ra.

Taitus 3:14

Na u katuun i tarara egi kato sil tegi lu menaien a man markato a man niga, bate taguhu raier u katuun te makmakum ner a mamanaka. U katuun i tarara ena mots ka pinopinor.

2 Korin 8:7

Kaba te kato haniga mia limiou tara mamanaka, turu nihamana na tara niatei, na temar takei uami limiou temar ngil mena mi lam alimiou, alam e ngilem alimiou go markato haniga has uaiam teka tara toukui te hala naria a monin hitaguhu.

1 Korin 15:58

E markato uana teka a matsomi koru i tar, tuol hakarapotoiam, bate tagala miou, möa tu hasula ba naiam e Sunahan. Kui hatagala nitöa mia tara Tsunono, taraha alimiou e atei silemiou a toukui te katoe mia limiou tara Tsunono ema lala puku noi.

2 Korin 9:11

Aa, e Sunahan e hala ranei limiou a mamanaka ba limiou te antunan hala hapara has ramou a palair u katuun. Ba tara toukui te katoemulam, te hala mena milam a monin hitaguhu te hala na milimiou ba u katuun te haniga uariou tere Sunahan.

2 Korin 8:2

Tara pöata ti kameien u nikamits na u tori tiama u para, nori i sasaala noa has. Nori ima ka mei ta ka, kaba nori i maniata noa hasiin tegi hala menaien ta monin hitaguhu.

Taitus 3:8

U raranga teka e manana. Na lia e ngileg alö go hihatuts hatagalein a manka teka, ba u katuun te hamana uaier tere Sunahan bate ka siler tegi kato menaien a man markato a man niga. A manka teka e niga koruna na e taguhu has ranou u katuun.

Epesis 2:10

E Sunahan e kato raira u katuun u tsimus ti hamana uu ra tere Iesu Kristo. Nonei e kato hatsimus sil raira tegi kato menaira a man markato a man niga te hopö kap mam sil raien ra.

1 Pita 4:10

Alimiou a man tötöa hoboto u lu hakape muma a nitagala a niga tere Sunahan. Na limiou go tarakap haniga naiam a man nitagala teka bate taguhu ramiou a palair u katuun.

Taitus 2:14

Nonei e hala sile ii a peisanen tego sakahis meraien ra tara mamana markato a omi. Na nonei e mate sil tego kato hagogoso meraien ra, u katuun i tanen, bara te hun katuun uara i tanen bate kato hatagalera a man markato a man niga.

2 Korin 8:19

Na nonei i hala lel hase ii a toukui tega peigi meraien lam, te lu la mena milam a monin hitaguhu teka bate soloseie nou a Tsunono. Na e haröto has nanou ara e ngilin hiatagtaguhura.

Aposol 9:36

Tara taun i Jopa e kamei a tahol te hamana uu tere Iesu a solonen e Tabita, turu HaGrik nori i ngöeien e Dokas. Tara mamana pöata nonei e roron kato a markato a niga, bate taguhu has rena u katuun ti möa ta ka.

2 Timoti 3:17

Be Sunahan te hala ranoira a niatei te antunan kui haniga koru meroi a mamana toukui a niga.

2 Korin 13:3

Alimiou e hahamana namiou te ranga silana e Kristo i tar? Bara. Alia e haröto ragoui limiou, e Kristo ema pata ba ranei limiou. E möa. Nonei ena haröto nanou a nitagala i tanen i gusu milimiou.

Pilipai 4:11

Alia ema makmakum nagi ta ka ba lia temar ranga uagu teka. E möa, alia e sasaala megu a man saha manka te ka megu lia.

2 Timoti 2:21

Te luba nemia lö a markato a omi, ba lö te here moi a kaan hongo te ka mena a toukui pan. Alö e gogoso mou bate hahalosem a saha toukui a niga te hopö kap benoi lö a Tsunono.