2 Korin 8:4 - U Bulunagana U Niga

⁴ Nori i singo hatagala sil korui tego haniga uu lam ba nori te taguhu raier u katuun tere Sunahan i Judia.

2 Korin 8:4 Referans Kwoze

Aposol 24:17

Be Pol e ranga lenina me poeiena, “Tara man hiningal te la hakapa alia u kaia tara palaina u han, ba lia e töan la pouts uagu i Jerusalem. Alia u la mema u moni tegona taguhu merai lia u katuun ti möa ta ka, na lia u la sil hasi tegona haats uu lia tere Sunahan.

Galesia 6:10

Na man pöata te antuna rara bara te tatei taguhu raiera a pala te hamanar, bate taguhu has raiera u katuun hoboto.

2 Korin 9:1

Alia ema antunan koloto nagoi tu raranga tu para i tamilimiou tara nihitaguhu teka te ngilin hala rami limiou turu kristen.

Hibru 6:10

E Sunahan ema solopale nei a toukui i tamilimiou na niniganiga na u ngilngil ti taguhu merai limiou u katuun i tanen te la noahasina i romana.

1 Korin 16:15

Bara a matsi hahatoulana alimiou e atei silemiou e Stepanas na pal katuun i tanen. Nori u katunura i Gris ti hamana tutuun uu tere Kristo. Turu ngil peisa i taren ba nori te taguhu koru rer u katuun tere Sunahan.

Galesia 2:10

Nori i hatei puku railam tego taguhu merai lam u katuun tima kamei taka na ti kaka puku, na nonei koru has u ngilngil i tar.

1 Timoti 5:10

Na nonei has a amoaba teka te kamena a solo a niga tara man markato a man niga te kato mameien. Hena, te hatuts haniga raien a galapien i tanen bate tara kap haniga ranen, a solonen e tatei kana tara man solo. Na te taguhu haniga raien u katuun ti tuku ti lama tara tana han, bate galus hasena a mour u katuun u kristen na te taguhu raien u katuun te ka mer a siki bate torohanan katoena a mamana markato a niga, nonei e tatei hakoloto nena a solonen tara man solo.

1 Korin 16:1

Turu rarangana tara moni tegi taguhu merai u katuun tere Kristo, alimiou e markato uamou tu mar ranga merai lia u katuun tere Sunahan i Galesia.

U pas te koloto menai e Pol turu kristenira i Rom 15:31

Singo sileiam tegima kato homi menai lia u katuun i Judia te hahamanar, na tegi haniga menai u katuun tere Sunahan i Jerusalem a monin hitaguhu teka te söata mena goi lia i taren.

Aposol 16:15

Ba nonei na u katuun ti sösohoia i luma i tanen e habaptaisir. Ba nonei a tahol e ranga hataatagina me poeiena, “Te atei sile mia limiou alia e hamana hatagala koru uagu tara Tsunono, ba limiou temi ka bumia i luma i tar.” Ba nonei e tagala sil koru ranou lam ba lam e lam i luma i tanen.

Aposol 11:29

Ba man tötöa man kristen hobotor i Antiok e kitser u ranga tegi hala hapopo naien u monin hitaguhu turu kristenira i Judia.

U Bulungana u Niga tere Iesu Kristo te kolotein e Mak 14:7

U katuun ti möa ta moni e ka gono nitöa mera riou limiou, ba limiou te tatei taguhu ramen tara pöata te ngil mia limiou. Kaba lia ema ka gono nitöa mera goi limiou.

Matiu 25:40

“Ba lia te ranga palis ragouen bate peigou i taren, ‘Na lia e hatei hamana koru ragou limiou, tu katoe mia limiou a markato teka ta töa tara man hahatoulana i tar, alimiou u kato be mien lia.’

Matiu 12:50

Eresi te kukutieier u ngilngil tere Tamar i Kolö nori u toular na u hahinar nu tsinar.”

Matiu 10:42

Na lia e hatei hamana nitöa ragou limiou, a katuun te tarena a tsi katuun papala koru i tar bate haue nen a tsi ramun, nonei ena lu korue nou u hamatana u niga tema antunan taia nei.”