2 Korin 8:23 - U Bulunagana U Niga

²³ E Taitus nonei a tson te kui gono menou lia na te taguhu has ranou limiou. Na palair u hahatoulana te la gono merouen, nori has u katunun tataala tara man hun katuun tere Kristo, na nori e solosei haseier e Kristo.

2 Korin 8:23 Referans Kwoze

Pilipai 2:25

Kaba lia e hakats negu e hahankana tegi hala mam pouts menai e Epaprodaitus i tamilimiou. Nonei a hahatoulana i tarara ti hala nemuma limiou tegomi taguheiou lia. Nonei e kui hatagala gono meiou lia turu Bulungana u Niga.

Pilimon 1:17

Na te tara here tala namilö alia a hahikapien i tamölö, bara, mar lu tala menai e Onesimus tego mar lu has menailö alia.

2 Korin 8:6

Ba lam e ranga hatagala mia tere Taitus tego kato noa menaien a toukui te hatanieien, te hala menari a monin hitaguhu.

3 Jon 1:8

Aragi taguhir u mar katuun teka, bara te kui hoboto silera tegi hatagala menaira u raranga u mana.

Pilimon 1:24

Na palair u katuun te kui gono mere gulia ere Mak mere Aristakus na e Demas na e Luk e hala has neruma u rangan haniga i tamölö.

1 Tesalonaika 2:2

Alimiou e atei miou, nori i kato homi raia lam tara taun i Pilipai. Kaba e Sunahan e kato ha ongolo raioulam ba lam e la noahas uaiem i tamilimiou mena hatei rami limiou u Bulungana u Niga tere Sunahan, noahasina ti hapiou u katuun u parpara.

Kolosi 1:7

E Epapras te hatuts railimiou u Bulungana u Niga, a tsi katunun kui papala i tarara te kui gono mera noulam bate taguhu ranoulam tara toukui tere Kristo te katoe mulam.

Pilipai 4:3

Na lia e rangate goulö ti ron kui gono meiou lia, alia e ngilegu alö go taguhir a huol a tahol teka. Taraha, nori i kui hatagala koru me ti hahatei lamenien u Bulungana u Niga, nori mere Klemen na palair a man hahikapien hoboto i tar ti kui gono meioulia, na man solo i taren e kana turu bukuna tara nitöatöa.

2 Korin 12:18

Pöata tu hala ne la lia e Taitus na palair u hahatoulana, nori i a angoso has raiou limiou? E möa. Taraha alia na e Taitus, alam e tataala mem u töa puku u Namnamei na markato i tamulam e hihinatuena.

2 Korin 8:19

Na nonei i hala lel hase ii a toukui tega peigi meraien lam, te lu la mena milam a monin hitaguhu teka bate soloseie nou a Tsunono. Na e haröto has nanou ara e ngilin hiatagtaguhura.

2 Korin 8:16

Alam e haniga koru uaiem tere Sunahan te hala menaien e Taitus u tori u niga ba nonei te ngilin taguhu koru ranou limiou temar ngilin taguhu has meragi lia limiou.

2 Korin 7:6

Kaba e Sunahan e roron kato hasasaala rena u katuun te kamer a nitaatagi, na nonei e kato hasasaala has raiou lam tara pöata te tukuia e Taitus.

U Bulungana u Niga tere Iesu Kristo te kolotein e Luk 5:10

Ti markato has uu ere Jemis mere Jon, a galapien tere Sebedi ti kukui gono mei e Saimon. Be Iesu e poeiena tere Saimon, “Ma matout ii. Alö a katuun a sosooho iena. Kaba tara man pöata te la nama, alö e na lu mera mumei u katuun i tar!”

U Bulungana u Niga tere Iesu Kristo te kolotein e Luk 5:7

Ba nori e ku raier a palai i taren tara tana tolaala egi lama batemi taguhu raren. Ba nori e la rima memi ongo hasaputeri a huol a tolaala u iena me katsin rukur.

U Bulungana u Niga tere Iesu Kristo te kolotein e Jon 13:16

U mana koru alia e ranga hamana mera goulimiou, a katunun kui ema pan nanei a katuun pan i tanen. Na tson hibus ema pan has nanei a katuun te hale neien u ranga.

1 Korin 11:7

A tson ema tatei kope nei a bakunen tara pöata turu lotu, taraha a tson u hiharöto tara nikapan tere Sunahan. Na tahol u hiharöto tara nikapan tara tson.

2 Korin 8:18

Na lam e hala gono has memien u hahatoulana i tarara te tara marei hoboteier a hun katuun tere Kristo tara toukui te katoe nen te habulungana haniga mena neien u Bulungana u Niga.

2 Korin 8:22

Na lam e hala gono has mera mien a hahatoulana i tamulam. Alam u torohana hakapeien a parpara pöata me sabeiem nonei e ngilin hitaguhu koruna tara mamanaka. Na nonei e ngilin hitaguhu koru hasina tara toukui teka, taraha nonei e hamana koru ranou limiou.

2 Timoti 4:10

Taraha, e Demas e ngil koruena a han i puta teka. Nonei e laba hakapa naiou lia me lauana tara taun i Tesalonaika. E Kresens e la uu tara provins i Galesia na e Taitus e la uu tara provins i Dalmesia.

Taitus 1:4

O Taitus, alö a pien tson i tar, te hamana hoboto uarara tere Sunahan. E Sunahan e Tamarara na e Iesu Kristo te taguhu raioura e tatei taatagi nariou lö na e tatei hala hase rilö a masalohana.