2 Korin 8:21 - U Bulunagana U Niga

²¹ Taraha, alam e torohanan kato hamatskö mia i matana a Tsunono na i matar u katuun has.

2 Korin 8:21 Referans Kwoze

U pas te koloto menai e Pol turu kristenira i Rom 12:17

Te kato homina a katuun i tamölö, möa tu palisi. Kato sil a markato a niga te hanigeier u katuun hoboto.

1 Pita 2:12

Alimiou go kato haniga koru las mia i gusur u katuun te hahamanar. Ba pöata te ranga homi rien i tamilimiou bate poeier alimiou e katoemiou a markato a omi, ba nori te tatei tarer a markato a niga tego katoeiam limiou, bate soloseier e Sunahan tara pöata te la namen romana.

Pilipai 4:8

Na töa patu a ka, a man hahatoulana. Alimiou go hakats nitöa neiam a manka a man mana, na manka a man niga, na manka te matsköna, na manka te gogosona, na manka te hanigeier u katuun. Alimiou go hakats siliam a mamanaka te tatei ranga haniga ner u katuun.

1 Tesalonaika 5:22

Na limiou go hatalis ba naiam a manka man omi hoboto.

2 Korin 2:17

Taraha, alam ema here rami a palair u katuun te kato here nari u raranga tere Sunahan a toukuin moni i taren bate hahol sile rien tegi lu menaien ta moni. E möa. Tara solona e Kristo alam e ranga hamana mia i matana e Sunahan, taraha, nonei te hala raiou lam ba lam te habulungana hamatskö nem u raranga te hala namen.

U pas te koloto menai e Pol turu kristenira i Rom 14:18

Na katuun te kui beiena e Kristo tara markato teka, e Sunahan na u katuun has e hanige ren.

1 Timoti 5:14

Na lia e ngil taleiegu u amoaba u kukubei gi hitöl bate posaposar bate tara kap rer a galapien na mamanaka i taren, bu katuun tema ngileri e Kristo tema antunan ranga hohomi rarien.

Matiu 6:4

E markato uana teka, alö go hala hamousin a monin hitaguhu i tamölö. Be Tamamölö te tarena a mamanaka, bate hala hasenoi lö u hamatana.”

Matiu 5:16

Na u ualesala i tamilimiou ega kato has uu iesana bate alesala uana turu katuun. Ba nori te tare riou a markato a niga i tamilimiou bate soloseier e Tamamilimiou i Kolö.”

Matiu 23:5

“A mamanaka te roron katoe ren e kato silerien tegi tara meraien u katuun. Hena, nori e roron hakits naria a matsi bokis i poleren na i limaren te kamena u raranga tere Sunahan iahanen. Na nori e kato hanigan töa ner a man runguna a man hasobö a man ngahangaha i taren bate tataabala koruna.

Matiu 6:1

Be Iesu e ranga lenina me poeiena, “Haneiam, möa tu hatara naiam a markato a niga i tamilimiou i matar u katuun, tegi tara meraien limiou bate haniga rariou limiou. Te kato uamou limiou teka be Tamamilimiou te kana i Kolö tema hamatana ranoui limiou.

2 Korin 8:20

Alam u kato mei a ka teka, u katuun ena mots hahatu merari lam a monin hitaguhu pan koru ti lu la ni lam.

2 Korin 8:22

Na lam e hala gono has mera mien a hahatoulana i tamulam. Alam u torohana hakapeien a parpara pöata me sabeiem nonei e ngilin hitaguhu koruna tara mamanaka. Na nonei e ngilin hitaguhu koru hasina tara toukui teka, taraha nonei e hamana koru ranou limiou.

1 Timoti 3:7

A katunun pepeito kap turu lotu ega markato uu tegi tara marei u katuun tema hamanari. Nonei e namos kurapa mena a nimatsingolo, bate tanga noa tara tanga tere Satan.