2 Korin 8:19 - U Bulunagana U Niga

¹⁹ Na nonei i hala lel hase ii a toukui tega peigi meraien lam, te lu la mena milam a monin hitaguhu teka bate soloseie nou a Tsunono. Na e haröto has nanou ara e ngilin hiatagtaguhura.

2 Korin 8:19 Referans Kwoze

2 Korin 4:15

A mamanaka hoboto teka te butunou, e taguhu ranou romana limiou. Na te para ria romana u katuun te hengo ner romana a nihitaguhu tere Sunahan, bu katuun u parpara te tatei singor bate haniga uaier tere Sunahan bate soloseie ren.

2 Korin 9:8

Be Sunahan te tatei hala ranei limiou a mamanaka a niga, ba limiou tema makmakum ba namoi ta ka. Ba limiou te ka memou a mamanaka te antunan kate moa limiou a mamana toukui a niga.

Aposol 15:25

Alam u hengo u ranga teka ba lam e ka mem u töa u tori me kitsem u raranga tego hopö kap menai a huol katuun bate hala mera muleien i tamilimiou, nori mera taina huol a katuun te ngil koru remuma lam, ere Banabas mere Pol.

Aposol 15:22

Ba u aposol na pal kapan na palair u kristen hoboto e kitseier u ranga ba nori e hopö kap naier a huol katuun i taren, tego la gono mer ere Banabas mere Pol i Antiok. Nori i halani ere Judas (a tana solo i tanen e Basabas) mere Sailas u tson mammam has turu kristen.

Aposol 14:23

Tara mamana taun i murina ti hopö kap hakapa raien u katunun pepeito kap i taren ti hamana uu tara Tsunono. Ba nori e agono ner a kannou me singo sil raren, me haka rarien tara nipepeito kap tara nitagala tara Tsunono tega tatei tara kap raien.

Aposol 19:22

Ba nonei e tula rena a huol a katunun hitaguhu i tanen, ere Timoti mere Irastas, ba nori e la mam uaier i Masedonia. E Pol e gamon ka noa buia tara provins i Eisia.

Aposol 19:29

Ba u katuun hobotora i Epesis e hiagetagetar. Nori i takei hoboto me piata uaier tara makumun hagum. Ba nori e las raier ere Gaius mere Aristakus be la gono mera ren. Nori a huol a katununa i Masedonia ti roron lala gono mei e Pol.

U pas te koloto menai e Pol turu kristenira i Rom 5:3

Na ra e tatei sasaala has mera a manka man omi te butuna i tarara. Taraha, e hatagala ranoura na e hatuts has ranei ra tegi hahaloso menaira a pöata a niga.

U pas te koloto menai e Pol turu kristenira i Rom 5:11

Ba ra te soloseiera e Sunahan bate sasaalara, taraha a Tsunono i tarara e Iesu Kristo te putin tegi ka haniga pouts gono menaira e Sunahan.

2 Korin 8:11

Bora, na hakapa taleiam a ka tu hatanie muma limiou. Ba nimaniata i tamilimiou te la gono mena te hala hakapa mena milimiou a ka tu mar ngilin hala uaiam limiou.

2 Korin 8:12

Taraha, te kana a nimaniatan hala, e Sunahan e lu has me noien a nimaniata te antunana tara ha te ka memi limiou. Nonei ema ngile nei alö go halani a ka tema ka memilö.

2 Korin 8:20

Alam u kato mei a ka teka, u katuun ena mots hahatu merari lam a monin hitaguhu pan koru ti lu la ni lam.

2 Korin 9:2

Alia e atei silegu alimiou e ngilin taguhu ramen. Pöata tena ranga goua lia tara tei Masedonia, alia ena ranga sesei nitöa ragou limiou bate poeiegu, “A matsi hahatoulana tere Kristo tara provins i Gris i ngilin hala noa hasiin a monin hitaguhu turu hiningal te la hakapa.” U ngilin hitaguhu i tamilimiou e kato has ranen ba nori te ngilin hitaguhu hasir.