2 Korin 7:7 - U Bulunagana U Niga

⁷ Na e Taitus e kato hasasaala has raiou lam te habulungana menaien tu markato hasasaala has mena mien limiou. Nonei e pei alimiou i ngilin tara korue moulia bate taatagi korumiou bate tagala sil hase moulia. Ba pöata tu hengo naia lia a ka teka ba lia e sasaala korugu.

2 Korin 7:7 Referans Kwoze

U pas te kolotein e Jut 1:3

A matsi hahikapien, alia e ngilin koloto menagi u pas i tamilimiou bate hatei ragi limiou ime temar lu pouts meraira e Sunahan. Kaba lia e hakats koru negu tego koloto uu lia i tamilimiou bate hatei hatagala ragi limiou tego pile kap hatagala mena milimiou u nihamana i tamilimiou ti hapilepile kap mam burai u katuun tere Kristo. E Sunahan e hala raira a markato turu nihamana na ema antunan palis menarien.

2 Korin 5:2

Pöata te ka mia lam tara luma na i puta, a torimulam e tiama koruna. Alam e ngil koruem go lu menai lam a luma na i Kolö.

2 Jon 1:4

Alia e sasaala koru megu te sabe mena gilia, te kukute menari a palair a galapien i tamölö u raranga u mana te hatei raira e Tamarara e Sunahan.

Jemis 5:17

E Ilaitsa a töa propetina i manasa nonei a katuun tuun te kato has uara ra i romana. Na nonei e singo hatagala uu tere Sunahan tegoma hapolo menaien a langits. Ba langits ema polo nei e antunaia turu topisa hiningal na tönomo a tsihou!

Hibru 2:1

Nonei tegi pile hakarapoto beira u raranga u mana ti hengoen ra. Ara ena mots hapolasa susul ba naren.

1 Tesalonaika 3:8

Na te kato nitöa uamou limiou teka, ba torimulam te niga nitöa hasi nou.

1 Tesalonaika 3:6

E Timoti e tuku poutsia i tamulam te laba mera meien limiou. Nonei e piou nema u bulungana u niga te hamana hatagala noahas uami limiou tara Tsunono bate hiangilngil noa hasmiou. Na nonei e hatei has railam alimiou ema solopala rami lam, kaba limiou e ngilin tara koru ramou lam temar ngilin tara koru has merami lam alimiou.

Kolosi 2:5

E manana, u tuenrei i tar e ka halehana ba ranou limiou, kaba u hakhakats i tar e ka gonon töa mera noulimiou. Na lia e sasaala megu te atei sil mena gilia te tuol hakarapoto uami limiou bate hamana hatagala mia tere Kristo.

Pilipai 1:20

A torir e ngil hatagala koruena na e hamana koru hasena alia ema katoe goi ta ka tego kato hamatsingole ioulia. Na tara mamana pöata alia ema ngilin matout gi. Na lia e ngilegu a peisar hoboto ega hapani e Kristo, te töatöa noa gialia tsi tena mate goalia.

2 Korin 8:16

Alam e haniga koru uaiem tere Sunahan te hala menaien e Taitus u tori u niga ba nonei te ngilin taguhu koru ranou limiou temar ngilin taguhu has meragi lia limiou.

2 Korin 2:9

Tara mar niatei teka ba lia te koloto uagu i tamilimiou, bate taregu tego hehengo uaiam limiou, tsi e möa.

2 Korin 1:14

Tema lu hanige moien limiou tara pöata teka, ba tara pöata tena kopis pouts nama romana e Iesu a Tsunono, alimiou na sasaala mera moulam temar sasaala has mera moi lam alimiou.

U pas te koloto menai e Pol turu kristenira i Rom 1:12

U raranga i tar e mar mouna uana teka: alia e ngilegu aragi taguhu mei a tai u nihamana te kamerara.

Aposol 11:23

Pöata tena tukuien, ba nonei e tarena a nihitaguhu tere Sunahan e ka gono meraien, ba nonei e sasaalana. Na nonei e kato hatagali u hakats turu katuun hoboto tegi hatagala menaien a toriren bate hamana nitöa uaier tere Sunahan.

Matiu 26:75

Be Pita e hakats pouts nena u raranga te hateien e Iesu, “I mamina te kekeretskö noa a keriou alö e holis topisa namou tego atei sil menai lö alia.” Ba nonei e lakasana mena tabe hohomi koru mena a nitaatagi pan koru.

Matiu 5:4

Na u katuun te taatagir egi sasaala. E Sunahan e ngö raneien u katunun sasaala, taraha nonei e kato hagigaha poutse nou a nitaatagi i taren.

1 Korin 5:2

Alimiou e masa koru las memiou a markato teka te kana i tamilimiou? Alimiou go tabe meiam a nimatsingolo. A tson te kato homina egi tsuga banaia tara han i tamilimiou.

2 Korin 1:4

Nonei te hasokolei ranou ra tara mamana nomi te butuna i tarara bara tena tatei hasokolei has raiera u katuun te kamer a nomi. Alam e tatei mar hasokolei has mera mien temar hasokolei has mera neira e Sunahan.

2 Korin 7:6

Kaba e Sunahan e roron kato hasasaala rena u katuun te kamer a nitaatagi, na nonei e kato hasasaala has raiou lam tara pöata te tukuia e Taitus.

2 Korin 7:8

Alia e atei silegu u pas i tar e kato hataatagi raiou limiou. Alia ema hakats nagi a ka teka, noahasina te kato hataatagi meraien limiou. Alia u taatagi mam mei tu kato hataatagi merai limiou tara tsitabubun pöata.