2 Korin 7:2 - U Bulunagana U Niga

² Alimiou go ngil koru pouts ramou lam. Alam uma kato homie ii ta töa ta katuun i tamilimiou. Alam uma habirits ba nai ta töa ta katuun, tere Sunahan. Alam uma angöngose ii ta töa.

2 Korin 7:2 Referans Kwoze

2 Korin 11:9

Na pöata tu ka gono meraia lia limiou ba moni i tar e makmakumuna, alia uma singoe ii ta moni i tamilimiou. Taraha, a matsi hahatoulana ti lama i Masedonia i mi pioue ii lia a manka tu ngili lia. Alia uma mala singoe ii ta moni i tamilimiou, na lia ema antunan hatiama ragi limiou bate singoe gou ta moni tara man pöata te la nama.

Aposol 20:33

Alia uma kato sile ii tego lu menai ta moni tsi tu hasobö tara tana katuun.

2 Jon 1:10

Temi hihatuts nena ta katuun u raranga tema matskö neia turu hihatuts tere Kristo, ba limiou tema tatei lu mena mien i luma i tamilimiou, batema tatei ranga hatami has mia i tanen.

U pas te koloto menai e Pol turu kristenira i Rom 16:18

Taraha, nori u katuun teka ema kui beri a Tsunono i tarara e Kristo. E möa. Nori e kui siler u ngilngilina i puta i taren. Nori e roron angoso rer u katuun bate gamo rer u katuun tema atei sileri a ka tema mana nei.

Matiu 10:40

E Iesu e ranga lel me poeiena, “A katuun te nigana i tamilimiou e niga hasna i tar. Na katuun te nigana i tar, nonei e niga hasna tere Tamar te hale moulia.

Matiu 10:14

Tema hala narien ta niniganiga i tamilimiou na tema hengo haserien u raranga i tamilimiou ba limiou te tohu ba namiou u köahu i pitapitana a moumilimiou tara pöata te la ba ramien limiou.

Pilimon 1:17

Na te tara here tala namilö alia a hahikapien i tamölö, bara, mar lu tala menai e Onesimus tego mar lu has menailö alia.

Pilimon 1:12

Noahasina te ngil koru menagien lia, kaba lia e hala pouts mena goien i tamölö.

1 Tesalonaika 2:10

Alimiou na e Sunahan has, alimiou u tareiam alam u kato haniga na u kato hamatskö tara pöata tu ka gono meraia lam alimiou. Alam uma katoei taka ta omi.

Kolosi 4:10

E Aristakus, te karabus gono menou lia, e hala has ranoui limiou u hanhaniga, na e Mak has a hatoulana tere Banabas. Alimiou u lu hakapeiam u raranga te poeiena, tega la men romana i tamilimiou ba limiou te hanige men.

Pilipai 2:29

Alimiou go sasaala memen bate soloseie men tara solona a Tsunono. Na limiou go soloseiam a mar katuun teka.

2 Korin 11:16

Alia e ranga leligu, alimiou goma poeiemi alia e tutugu. Kaba te pei mia limiou alia e tutugu, bara, lu here tala namilia a katuun a tutu balia te solosei hasegu a peisar.

2 Korin 4:2

Alam e rama nem a markato a omi te hamouseier, na markato a gamo, na lam ema hapone mi, nema luba nami ta pala turu raranga tere Sunahan. E möa. Alam e ranga nem u ranga hamatskö na u raranga hamana tere Sunahan i matar u katuun hoboto ba nori te tatei oneier a markato i tamulam i matana e Sunahan.

2 Korin 1:12

U mana nitöa, alam e tatei sasaalam bate ranga mem u hakats u gogoso nitöa ti marka uu lam tara niniganiga te hala railam e Sunahan, ba lam te kato hamatsköm bate kato haniga mia tara han i puta teka na i mata milimiou has. Alam uma kato mei a manka teka a niatei i tamulam, kaba tara niatei tere Sunahan.

U Bulungana u Niga tere Iesu Kristo te kolotein e Luk 10:8

Pöata tena butu moua limiou tara töa taun ba u katuun te lu mera rilimiou i luma i taren, alimiou go noueiam a saha kannou te hanou rarien limiou.