2 Korin 6:8 - U Bulunagana U Niga

⁸ A palair u katuun e hapan rariou lam bate solosei rariou lam. Ba palai te sigala rariou lam bate ranga hohomi rariou lam. U katuun e poeier alam u gamogamo, kaba u raranga i tamulam e mana nitöana.

2 Korin 6:8 Referans Kwoze

Matiu 27:63

Ba nori e poeier, “O Tsunono, alam e hakats kap nem u raranga te kati e Iesu a katuun a gamogamo tara pöata te töatöa noa ien ba nonei e poeiena, ‘I murina u topisa u lan ba lia te takei pouts gou.’

1 Pita 4:14

Alimiou go sasaalaiam tegi ranga homi merai limiou te kukute mena milimiou e Kristo, taraha a ka teka e poeiena u Namnamei u tagala tere Sunahan e kana i tamilimiou.

Revelesin 3:9

Na pal katuun tere Satan te gamor bate poeier nori u Jiu kaba ema Jiu ri, alia e kato ragoien, ba nori tena hatukun roua i matamilimiou bate tara marei riou alia e ngil koru ragou limiou.

1 Timoti 4:10

Tara a nimanamana nen, ara e kui hatagala sil noahasera a ka a niga teka, taraha ara e hakera u nihamana i tarara tere Sunahan te töatöana. Nonei te taguhu rena u katuun hoboto bate lu pouts rena u katuun te hamana uaier i tanen.

Aposol 28:22

Kaba alam e ngilem alö peisa tego hatei rameilam a ka te hamana mia lö. Taraha, alam e atei silem u katuun tara han hoboto ema ngileri u lotu teka.”

Aposol 24:5

“Alam u sabe a tson teka e Pol a katununa tara markato a omi. Nonei e roron habutena a raharaha na hiatatung i gusur u Jiu tara han hoboto i puta. Na nonei a töa tson mammam has turu katuun ti lukater a pala i tamulam me ka uaier tara tana pala te ngö rari a hun katunura i Nasaret.

3 Jon 1:12

A mamana katuun hoboto e hanigeiena e Demitrias. Nonei a katununa turu raranga u mana. Alam e haniga hase men, na lö e atei silem u raranga i tamulam e manana.

Hibru 13:13

Aragi laban a han te ka rara bate la uara tere Iesu ielesala, bara tena söata haseiera a nimatsingolo timar hamatsingolo has menai u katuun e Iesu.

U pas te koloto menai e Pol turu kristenira i Rom 3:8

A palair u katuun e mar gamo uar teka bate poeier, “Aragi markato uu teka, ‘Aragi kato homi sil tega butu uu ta ka ta niga.’” Nori e ranga homi nariou lia bate poeier nonei a man raranga i tar teka. Kaba e möa. E Sunahan e hala ranouien a nihahuna te matsköna i taren.

Aposol 22:12

“A töa tson a solonen e Ananias e la uama i tar. Nonei a katuun te hatsunonei e Sunahan bate kukutiena a Lo i tarara, na u Jiu hoboto ti kaia i Damaskus i haniga korueien.

Aposol 16:39

Ba nori ena ranga hataatagi koru ria i taren ba nori e lakasa gono mera ren tara luman karabus be tahul raren egi laban a taun.

Aposol 10:22

Ba nori e poeier, “A töa tsunono tara ami, a solonen e Konilius, e tula rena moulam. Nonei a katuun a niga na nonei e hatsunono hasena e Sunahan, u Jiu hoboto e hanige ren. A töa angelo tere Sunahan e butuia i tanen me poeiena, ‘Alö gona ngöeiema e Saimon Pita ba nonei te la uanama i luma i tamölö, balö te hengo mia turu ranga i tanen.’”

Aposol 6:3

Alimiou go hopö kap raiam a tohit a katuun i gusumilimiou te ka mer a solo a niga i matar u katuun, na u Namnamei u Göagono ega saputuia i taren bate ka meier a niatei a niga. Ba ra te haka raiera u katuun teka egi tara kapiin nonei a toukuin kannou teka.

Aposol 5:13

U katuun tima hamana ii ima la ua ii ti kaien kaba nori i hala raien u pannen koru u tara marei.

Aposol 4:21

Ba pal kapan e ranga hatagala lel mera ren me töan hapurese raren. Nori ima sabe ii ta markato tegi mar hahuna sila meraien, taraha u katuun hoboto i ranga me soloseier e Sunahan tara ka te butu.

U Bulungana u Niga tere Iesu Kristo te kolotein e Jon 7:12

Iahana u gonogono u katuun i hahasi sil hoboti e Iesu. A palai i taren i pei, “Nonei a katuun a niga,” ba palai te poeier, “E möa. Nonei e gamo rena u katuun.”

U Bulungana u Niga tere Iesu Kristo te kolotein e Mak 12:14

Ba nori e la uarima i tanen memi poeier, “Tson Hihatuts, alam e atei silem alö a katununa turu mana. Alö ema hakats silemi a ka te ranga ner u katuun, taraha alö ema hakats nami a nitsunono tara katuun. Alö e hihatuts hamana nem a maroro tere Sunahan. Bara, a Lo i tarara e hapiou nena tegi hala menai ra a takis tere Sisa a gamman pan, tsi e möa?

Matiu 22:16

Ba nori e hala ralila u katunun tsitsilo i taren na palair u katuun tere Herot tere Iesu mena poeier, “Tson Hihatuts, alam e atei silem alö a katununa turu mana. Alö e roron hihatuts hamana nem a maroro tere Sunahan, taraha alö ema hakats nami a manka te hakats ner u katuun tsi a nikapan i taren.

Matiu 10:25

E nigana te kato here mena nei a katunun tsitsilo a peisanen a tson hihatuts i tanen. Na e niga hasina te kato here mena nei a katunun kukui puku a peisanen a katuun pan i tanen. Alia a katuun pan tara pal katuun i tar. Na a palair u katuun e ngö tsipone rilia e Belsebul. Te markato tala uaren teka, ba nori te ngö raroui limiou u katuun u omi koru, taraha alimiou e pala uamiou i tar.”

1 Timoti 3:7

A katunun pepeito kap turu lotu ega markato uu tegi tara marei u katuun tema hamanari. Nonei e namos kurapa mena a nimatsingolo, bate tanga noa tara tanga tere Satan.

2 Korin 1:18

Alia e ranga mera gou limiou i matana e Sunahan, a pöata te hatangana gia lia, a torir ma tatei poenei, E möa

2 Korin 4:2

Alam e rama nem a markato a omi te hamouseier, na markato a gamo, na lam ema hapone mi, nema luba nami ta pala turu raranga tere Sunahan. E möa. Alam e ranga nem u ranga hamatskö na u raranga hamana tere Sunahan i matar u katuun hoboto ba nori te tatei oneier a markato i tamulam i matana e Sunahan.

2 Korin 11:21

Alia e ranga here noa hasegi a katuun a tutu. Tema matoutun ranga sesei narien ta ka, alia e ranga heregi a katuun a tutu, ema matoutun ranga sesei has goi.

2 Korin 12:16

A palai i tamilimiou e hatanganar bate poeier alia uma gulei ta moni i tamilimiou. Kaba palai i tamilimiou e poeier alia u angöngoso raiou limiou bate gamo ragou limiou.

1 Tesalonaika 2:3

Alam ema katoemi u ranga te katoeier u katuun u omi na u gamogamo. E möa. Na lam ema hakats homi mi nema gamo has rami u katuun. E möa.