2 Korin 5:15 - U Bulunagana U Niga

¹⁵ Nonei e mate sil raiora hoboto, bu katuun te töatöar, tema töatöa sileri a peisaren peisa, kaba egi töatöa sil hasi e Kristo, nonei te mate sil raien me takei pouts sil has ranen.

2 Korin 5:15 Referans Kwoze

Kolosi 3:1

E Sunahan e hatakei pouts gono mera ii limiou e Kristo tara tou mate i tanen. Bara! Alimiou go kato sil taleiam a manka ni Kolö, te gumna e Kristo tara pal matou tere Sunahan.

Kolosi 3:17

Na tara mamanaka hoboto te katoe milimiou na te ranga namilimiou, kato mena mi tara solo tere Iesu a Tsunono ba limiou te haniga sila mia i tanen tere Sunahan e Tamarara.

1 Jon 4:9

E Sunahan e ngil koru raioura me haröto nena te taatagi koru meraien ra tara pöata te hala namen a töa koru a Pien Tson i tanen i puta. Nonei e la silema tegi lu menai ra a nitöatöa i tanen.

Taitus 2:14

Nonei e hala sile ii a peisanen tego sakahis meraien ra tara mamana markato a omi. Na nonei e mate sil tego kato hagogoso meraien ra, u katuun i tanen, bara te hun katuun uara i tanen bate kato hatagalera a man markato a man niga.

Galesia 5:25

U Namnamei tere Sunahan e hala ranei ra a nitöatöa, na ragi kukutie ien tara man markato hoboto i tarara.

U pas te koloto menai e Pol turu kristenira i Rom 12:1

A matsi hahatoulana, e Sunahan e taatagi koru ranoura. Na lia e ranga hataatagi mera goulimiou, alimiou go hala koru naiam a peisa milimiou bate here nei u haats u tötöa tere Sunahan bate herenei a ka a gogoso te haleri e Sunahan ba nonei te hanigeie nen. Nonei a maroro te tatei mar hatsunono sila mena milimiou e Sunahan.

1 Pita 4:6

Nonei a ka ti habulungana bei u Bulungana u Niga turu katuun ti mate, u tuanrei i taren ti onari bate mater, kaba u namnamei i taren te tatei töatöar temar töatöa uana e Sunahan.

1 Tesalonaika 5:10

Nonei e mate sil tegi ka nitöa gono menaien ra, noahasina te töatöa noa roa ra tsi te mate hakapa mam rouara tara pöata te la pouts namen romana.

U pas te koloto menai e Pol turu kristenira i Rom 6:6

Ara e atei silera a markato a omina i tarara na i manasa i hakute gono mei e Kristo tara kuruse, ba ra tema tatei kukute lel narei a markato a omi.

Revelesin 1:18

Na lia te töatöagu. Alia u mate, kaba lö go tara! Alia u töatöa poutsuma na lia e töatöa nitöa gou tara mamana pöata. Na lia te pan saluhe ba negu a tou mate na te tsunono negu a han turu mate.

2 Korin 5:16

Be ni tala, alam ema tara lel here nami a katuun temar tara uaier u katunura i puta. E möa. I manasa alam u mar hakats uu teka tere Kristo, kaba i romana e möa.

1 Korin 10:33

Nonei teka te torohanan markato has uagou lia. Tara mamanaka te katoe gulia, alia e torohanan kato haniga gia i matar u katuun hoboto. Alia ema hakats nagi a ka te niga peisana i tar. E möa. Alia e hakats has negu a ka te nigana i taren. Alia e kato silegu nori egi haniga be Sunahan te lu pouts ranen.

Kolosi 3:23

Tara mamanaka te katoe milimiou, kui hatagala koruiam. E here na alimiou ema kui mia turu katuun pan i tamilimiou kaba tara Tsunono pan i Kolö.

Kolosi 2:12

Pöata ti lueia limiou a baptais, e here ii alimiou i kaho gono merai e Kristo. Na pöata tu hamanaia limiou tara nitagala tere Sunahan, te hatakei poutseia e Kristo tara tou mate i tanen, e here nei e Sunahan e hatakei pouts gono merai limiou e Iesu Kristo.

U pas te koloto menai e Pol turu kristenira i Rom 8:2

Taraha, a lo turu Namnamei tere Sunahan, te hala ranei ra a nitöatöa tere Iesu Kristo, e purese hakapa raioura. Ara i here ii u katuun ti kitsir na ti roron kaia tara lo tara markato a omi na tara tou mate. Kaba e möa lel tala.

U Bulungana u Niga tere Iesu Kristo te kolotein e Jon 6:57

E Tamar te töatöa nitöana te tula na moulia. Na lia e töatöa sila has gia tere Tamar. Bara! Esi te noue noulia ena töatöa sila has noa i tar.

Epesis 4:17

Na tara solona a Tsunono alia e hatei ragi limiou a ka teka, na lia e ranga hatagala koru nagien i tamilimiou. Alimiou goma marka lel uami te markato uaier u katuun tema hamanari.

2 Korin 3:6

Nonei te kato hantue ranou lam ba lam te hatei la rem u katuun u rangan kits u tsimus. Ema ka uanei tara man Lo ti koloto tunini. E möa, a ka turu Namnamei tere Sunahan. A man Lo ti koloto tunini e hala nena a tou mate, kaba u Namnamei tere Sunahan te hala nena a nitöatöa.

Epesis 5:14

A mamanaka te hahankana tegi tara menaien e tatei butun ualesalana. Nonei te ranga beiena u Buku u Göagono bate poeiena: “Alö te sohom, tagule! Takei ba poutsin a tou mate i tamölö. Be Kristo te hale noi lö u ualesala.”

U pas te koloto menai e Pol turu kristenira i Rom 8:10

U tuenrei i tamilimiou e mate nou romana, taraha a markato a omi e kato homieien. Kaba te kana e Kristo i tamilimiou, ba namnamei milimiou te ka mena a nitöatöa tere Sunahan, taraha e Sunahan e kato hamatskö raia limiou i matanen.

U Bulungana u Niga tere Iesu Kristo te kolotein e Jon 5:24

Be Iesu e poeiena, “Alia e hatei hamana ragou limiou, a katuun te hengoena u raranga i tar na te hamana hasena e Sunahan te tula namoulia e ka mena a nitöatöa te ka nitöana. Nonei ema la noi turu kout tere Sunahan. E manana, nonei e ka halhal ba mamin a nitöatöa tere Sunahan na e herei a katuun a mate. Kaba nonei e laba nema a tou mate teka na e aroho hakapa uu tara nitöatöa tere Sunahan.

U pas te koloto menai e Pol turu kristenira i Rom 6:2

E möa koru! A markato a omi ema pan lel neia i tarara. Ara e hererari u katuun u mate te ka hatalis ba nera a markato a omi. Na ra ema antunan lu lelnaroi a markato teka.

U pas te koloto menai e Pol turu kristenira i Rom 4:25

E Iesu e mate sil a man markato a man omi i tarara me takei pouts silena tego kato hamatskö meraien ra i matana e Sunahan.

2 Korin 12:10

Aa, alia e sasaala megu tema tagala uagi lia na te ranga hohomi menarilia u katuun i tar, na te hakamits menari lia, na nomi na u tori tiama te butu has ria i tar. Te butu silana a manka teka tema tagala uagilia tara solona e Kristo, alia e sasaalagu. Taraha, a pöata te haröto nena a manka teka alia ema tagalagi, nori e haröto has naier a nitagala tere Kristo.