2 Korin 3:9 - U Bulunagana U Niga

⁹ Te kamei a markatona tara nimate a niniganiga, kaba markato te kato hamatskö ranoura tere Sunahan te kamena a niniganiga te pan balana.

2 Korin 3:9 Referans Kwoze

2 Korin 5:21

E Sunahan e hasöatei e Kristo, tema ka korumei ta markato ta omi, a man markato a man omi i tarara. Ba tara markato teka e Kristo e hagogoso beraira tegi matskö uu ra tere Sunahan.

2 Pita 1:1

Alia e Saimon Pita, a katunun kui na aposol tere Iesu Kristo. Alia e hala menagi u pas teka i tamilimiou u katuun te hamana gono mera moulam. Ara e ka hoboto mera a nihamana te hala raira e Iesu Kristo na e Sunahan a Tson Hitaguhu i tarara. Nonei tara markato a matskö tere Iesu Kristo ba nonei te hala ranei ra u nihamana u niga.

Pilipai 3:9

Alia e ngilegu a peisar ega ka nitöa uu tere Kristo tara mamana nikaka tar i puta. Alia ema tatei pei lenegi alia a katuun a matskö te kukute mena gilia a Lo turu Jiu. E möa. Alia e tatei poeiegu e Sunahan te kato hamatsköe ialia i matanen, taraha alia e hamana uagu tere Kristo.

Galesia 3:10

U katuun te hasola ria tara Lo turu Jiu bate poeier nonei lasi a maroro tena butu sila roien tere Sunahan, nori u katuun te korupakö raiena e Sunahan. Taraha, u rarangana turu Buku u Göagono e poeiena, “U rangan korupakö tere Sunahan e hake ria tara katuun tema kukute hanige nei a man raranga hoboto ti koloto naia turu bukuna tara Lo.”

1 Korin 15:41

A pitala e ka mena u ualesala peisa i tanen, na tsihou e ka has mena u ualesala peisa i tanen, na pitopito has e ka mena u ualesala peisa i tanen. Na u ualesala tara man tötöa a man pitopito e halhal hasina.

1 Korin 1:30

Tere Sunahan lahas bara te ka ria tere Iesu Kristo, na nonei e habutu sileien tego hala meraien ra a niatei. E Kristo nonei te sakahis raioura bara te katuun uara tere Sunahan. Nonei lasi a maroro a matskö na nonei te kato hagöagono raioura bara te katuun uara tere Sunahan.

U pas te koloto menai e Pol turu kristenira i Rom 4:11

E Abraham e hapö hamurimurin a hatöatongo tere Sunahan, bate hatei tala nena e Sunahan e ngöeien a katuun a matskö te hamana uaien, ba nonei e töan hapö nena a hatöatongo tere Sunahan. E Sunahan e kato sile ii a ka teka tegi ngö menai e Abraham e tubur u katuun hoboto te hamaner e Sunahan be Sunahan te ngö raneien u katuun u matskö i matanen, noahasina tema ka merien a hatöatongo tere Sunahan.

2 Korin 3:8

Kaba a markato turu Namnamei e ka mena u ualesala te pan bala nena u ualesala tara Lo.