1 Timoti 4:1 - U Bulunagana U Niga

¹ Hengo! U Namnamei u Göagono e ranga halesalana bate poeiena, a palair u katuun e laba nariou romana u lotu hamana tara kapakapana a pöata. Nori e ngilin hengo rariou u katuun u gamogamo bate kukutier u hihatuts turu liliahanei u omi.

1 Timoti 4:1 Referans Kwoze

2 Pita 2:1

Kaba u propet u gamogamo i butu hasia i gusur u katuun, na e kato has uanou iesana, u tson hihatuts u gamogamo e butu has ria romana i gusumilimiou. Nori e la momous merima romana u hihatuts u gamo te antunan kato homi korueiena u hakhakats turu katuun. Na nori e holis has ner romana a Tsunono te sakahis pouts raien, ba nori te taia boroboro pouts has mer romana a man markato a man omi i taren.

U pas te kolotein e Jut 1:18

Nori i hatei mam raiou limiou me poeier, “Tara kapakapana pöata, u katuun e sigale riou romana a markato tere Sunahan bate katoe riou a manka man omi te ngilin kato naren.”

2 Pita 3:3

Alimiou go atei mam sileiam a ka teka: tara kapakapana pöata i murimuri, u katuun te kukutier u ngilngil u omi i peisaren e butur romana. Nori e hahakos rariou romana limiou bate ranga ner a Tsunono bate poeier, “Nonei e ranga mamin tega la pouts uamen, ga ime te ka nen, gega la talama. U tamarara i mate hakapa, ga mamanaka e marka noahas uana te ka uaien tara pöata te habuteia e Sunahan a han i puta!”

U pas te kolotein e Jut 1:4

Taraha, a palair u katuun u omi i mous ma i gusu milimiou. U mar katuun teka i tus merai turu mar nihahuna te ka noua turu kout tere Sunahan, ba nori tena tia riou, ti mar ranga uu propet tere Sunahan. Nori e roron paliseier u raranga u niga tere Sunahan bate katoerien u rarangana tara markato a omi. U katuun teka e roron tori tsuga naier a töa puku a Tsunono i tarara, e Iesu Kristo.

2 Korin 11:3

Kaba lia e matoutegu, alimiou ena mots heremi e Eva te hengo sila nai u gamo tere Satan a kökötsi, batema hakats sil lenemi e Kristo puku lahas a töa.

2 Timoti 3:13

U katuun u omi na u katuun u gamogamo e omi koru riou bate omi susul lasir. Na nori e gamo rariou a palai, ba nori tena gamo lel has riou.

1 Jon 4:6

Kaba ara u katuun tere Sunahan. Na u katuun te atei siler e Sunahan nori e hahengo rima i tarara. Na a katuun tema pien uanei tere Sunahan ema hahengo neia i tarara. Nonei teka temar atei sil menaroira u Namnamei u mana na u namnamei u gamo.

U Bulungana u Niga tere Iesu Kristo te kolotein e Jon 16:13

A pöata te la nama romana u Namnamei u Göagono na tara nimana, nonei emi haröto ranoui limiou a mamanaka te manana. Taraha, nonei ema la mena mei romana u raranga i tanen. E möa. Nonei e hatei nanou a man raranga te hengoe nen tere Tamar. Na nonei u Namnamei u Göagono e hatei ranoui limiou a manka tena butu nou romana i murimuri.

1 Jon 2:18

A matsi galapien, nonei i romana a kapakapana pöata. Alimiou u hengo noahas neiam tega butu uama romana a ka te korupaköni e Kristo. Na u katuun u parpara te korupakö ner e Kristo i butu hakapa. A ka teka e haröto raneira a pöata i romana a kapakapana pöata.

Revelesin 2:11

“Esi te ka mena u talinga ega hengo haniga korui a ka te hatei nena u Namnamei tere Sunahan tara man hun katuun tere Kristo. “A hahuoluna a tou mate ema antunan kato homie noi a katuun te tagala saluhena.”

2 Timoti 4:4

Ba nori te habirits ba ner tegi hengo menaien u raranga u mana, bate habirits siler tegi hengo menaien u ranga pinopino.

Revelesin 20:10

Be Satan, te gamo raien, te lapo töatöa naroua iahana kiou pan te saputena u pannen tula u ahiin tuun. Tara makum teka e lapo mam raroua a ka a omi a töatöa na propet a gamogamo, be muriren be Satan te töan lapo naier. Ba nori te kamits homi korur romana tara lan na bong tara mamana pöata i murimuri.

Revelesin 3:6

“Esi te ka mena u talinga ega hengo haniga korui a ka te hatei nena u Namnamei tere Sunahan tara man hun katuun tere Kristo.”

Revelesin 2:29

“Esi te ka mena u talinga ega hengo haniga korui a ka te hatei nena u Namnamei tere Sunahan tara man hun katuun tere Kristo.”

1 Pita 1:20

E Sunahan e hopö kap naien i mam noa te habuteien a han i puta, kaba nonei e hagou haröto naien tara kapakapana pöata tega taguhu meraien limiou.

Revelesin 18:2

Ba nonei e ku hapanina me poeiena: “Tarura! A taun a kapan i Babilon e tarura hakapa! U liliahanei u omi na mamana mar liliahanei a korkoriana e ka ria i tanen, na mamana mar apena a omi has.

Kolosi 2:18

A palair u katuun e poeier nori e pan ria i matana e Sunahan bate poeier, nori i sinasohi a manka teka tegi haka puta menaira a peisarara bate hatsunono raier u angelo. Alimiou goma hengo ramien te pei mena rien alimiou e kato homimiou. Nori e kato hapan pinopinoer a peisaren te hakats mena rien a markatona i puta.

1 Korin 10:20

E möa! Alia e poegu a manka te haatse ria tara makumun haats turu tematan e haats uaier turu liliahanei u omi. Nori ema haats uari tere Sunahan. Na lia ema ngilegi tego hatsunono uaiam limiou turu liliahanei u omi.

Revelesin 20:8

Ba nonei tena gamo ranou u katuun hoboto tara han i puta, i Gok na man hun katuun i tanen i Megok. E Satan e gono hoboto mera noien tara hiatatung, u hihase i taren e para hapopona romana turu kotolana.

Revelesin 19:20

Na katuun te osaia tara hos na u ami i tanen i pile kapiin a ka a omi a töatöa na propet a gamogamo has te kato mami a man mirakol i matana ka a töatöa. Nonei e gamor u katuun ti ka mei a hatöatongo tara ka a omi a töatöa na ti hatsunono uu turu kesa i tanen. Na ka a omi te töatöa na propet a gamogamo has i lapo raia iahana kiou pan te saputena u tula u hiski koru.

Revelesin 18:23

Na e möa lel tegi tara menai u ualesala turu lam iahana taun teka. Na e möa lel tegi hengo menai u ranga turu mun tahol u hitöl tsimus iahana taun teka. U katunun hahol i tanen i ka mei a solo pan i puta, kaba u katuun tara taun teka i gamoer u katuun turu hun katuun hoboto i puta tara matuna na tara hirakö i taren.

Revelesin 13:14

Nonei e gamoer u katuun ti kaia i puta a man mirakol te katoeien i matana a ka tutuun a töatöa. Na hahuoluna a ka e ranga mer u katuun i puta tegi kui menaien u kesa te mata here ii a ka tutuun ti ngats hamati kaba e töatöa pouts.

Revelesin 9:20

Na palair u katuun hobotora i puta tima atung hamate rai a manka a man omi teka, nori ima tori tsuga ba noa has nai a man markato a man omi i taren bate hatsunoner e Sunahan. Nori i hatsunono noa hasir u liliahanei u omi na manka ti kato peiseien u kesa ti kuieien a goul na u silva na u bras na a hatu na u ruei, a manka teka tema antunan tara nei na tema hengo nei na tema la nei.

Revelesin 3:22

“Esi te ka mena u talinga ega hengo haniga korui a ka te hatei nena u Namnamei tere Sunahan tara man hun katuun tere Kristo.”

Revelesin 3:13

“Esi te ka mena u talinga ega hengo haniga korui a ka te hatei nena u Namnamei tere Sunahan tara man hun katuun tere Kristo.”

Revelesin 2:17

“Esi te ka mena u talinga ega hengo haniga korui a ka te hatei nena u Namnamei tere Sunahan tara man hun katuun tere Kristo. “A katuun te tagala saluhena, alia e hale goien a palaina a kannou te ngöeri u Mana ti hamousi. Na lia e hala hase goien a hatu a hiaka ti koloto naia a solo a tsimus i tanen. Nonei puku lahas a töa te atei sile nou a solo teka.”

Revelesin 2:7

“Esi te ka mena u talinga ega hengo haniga korui a ka te hatei nena u Namnamei tere Sunahan tara man hun katuun tere Kristo. “Na tara katuun te tagala saluhena, alia e haniga negou tego na nouaien turu rueina tara nitöatöa, te kana iahana kui tere Sunahan.”

1 Korin 12:11

A mamanaka teka, u töa puku u Namnamei te katoenen. Nonei e halana tara man tötöa man katuun hoboto turu ngil peisa i tanen.

Aposol 28:25

Ba nori ema hiahanhaniga ri, ba pöata ti katsin taruraien be Pol e hala lel raneien ien u tana u raranga. Ba nonei e poeiena, “U Namnamei u Göagono tere Sunahan e ranga hamana i manasa tara pöata te harangeien e Aisaia a propet tere Sunahan me ranga gono mena u tubumilimiou.

Aposol 17:18

Nonei e hiararanga gono has mer u tson hihatuts turu huol u mar hihatuts ti ngöe ii u Epikurian na u Stoik. Ba palai e poeier, “Aha nonei te ranga nena a katuun a borera teka?” Ba palai e poeier, “Nonei e ranga toum nena a tana got halhal.” Nori i mar ranga uu teka, taraha e Pol e hatei raien e Iesu me poeiena nonei e takei poutsia tara tou mate.

Aposol 13:2

Tara pöata ti singou u kristen tara Tsunono me agono has ner a kannou, ba u Namnamei u Göagono e poeiena, “Alimiou go hopö kap gono memi ere Banabas mere Sol a toukui tu ngö meraien lia egi katoeien.”

Revelesin 16:14

Nori u liliahanei u omi koru ti tatei kato a man mirakol. A topisa liliahanei teka i la uu turu tsunono turu han hoboto i puta. Nori i la sil tegi gono hoboto sil menaien a hiatatung turu Lan u Kapan tere Sunahan te tagala saluhena.

Matiu 18:7

A nomi pan e butu noa romana turu han i puta, taraha a katuun a omi e gono te kato homiena u nihamana turu katuun. Kaba a nomi pan e butu noa romana tara katuun te habute nen!

U Bulungana u Niga tere Iesu Kristo te kolotein e Luk 17:1

Be Iesu e poeiena turu katunun tsitsilo i tanen, “Mamanaka a omi e roron las rena u katuun bate kato homir, kaba a nomi pan e butu noua romana tara katuun te las mena a katuun tara tou hiamus!

Aposol 20:23

A ka lasi teka te atei sile gulia: tara mamana taun u Namnamei u Göagono e roron hatei halesaleiou lia bate poeiena, ‘Alö ena sabie mou a kamits ba nori tena haka hase roua lö tara karabus.’

Aposol 21:11

Nonei e la uama i tamulam be mi lueiena a lete tere Pol, be kitse nei a lete a peisanen, a man mounen na man limanen has. Ba nonei e poeiena, “U Namnamei u Göagono tere Sunahan e mar ranga uana teka, ‘U Jiu i Jerusalem ena markato has uariou teka ba nori te kitseriou a katuun terena lete teka. Ba nori te hala mena rouien turu katuun tema Jiu ri.’”

1 Korin 2:10

A mamanaka teka e Sunahan e haröto sila raien ra turu Namnamei i tanen. Taraha u Namnamei e tara sabiena a mamanaka tara mamana makum na e tara sabe hasena a mouna a manka tere Sunahan te mousuna.

1 Korin 11:19

Alia e atei silegu ega kamei u kats kilkil i gusumilimiou, ba ra te atei sileriou esi i gusumilimiou te kukutena a markato te ngilena e Sunahan.

Jemis 3:15

U mar hakats teka ema butu nameia iasa. E möa. E butuna i puta. Ema markato uanei te hakats uana u namnamei u niga. E kato uana te hakats uana e Satan.