1 Tesalonaika 4:3 - U Bulunagana U Niga

³ E Sunahan e ngilena a torimilimiou na markato i tamilimiou ega gogoso. E markato uana teka ba limiou te ka halehana ba namiou a markatona te tsikolo uar na te lulu tson has uar.

1 Tesalonaika 4:3 Referans Kwoze

1 Pita 4:2

Te markato tala uanen teka ba limiou tema tatei kato lenemi a markatona turu ngilngilina i puta. E möa. Na turu mamana u lan alimiou go markato las uaiam temar ngil uana e Sunahan.

1 Tesalonaika 5:23

E Sunahan e tatei kato hagogoso nitöanena a torimilimiou, e Sunahan te hala nenama a masalohana i torirara. Alam e ngil hasem e Sunahan e tatei tara kap nena u namnamei i tamilimiou na torimilimiou na u tuenrei i tamilimiou, ba limiou te tatei niga nitöamiou tara pöata te la pouts nama romana e Iesu Kristo a Tsunono i tarara.

U pas te koloto menai e Pol turu kristenira i Rom 12:2

Alimiou goma kukutiemi a markato tara han i puta teka. E möa. E Sunahan e ngilin hala ranei limiou u hakats u tsimus bate habiritsena a torimilimiou ba limiou te atei sile mou u ngil tere Sunahan bate hanigei men, a ka te nigana na ka te sasaala mena e Sunahan na ka te matskö nitöana.

Hibru 13:4

Alimiou hoboto ego hagöagoneiam a markatona tara hitöl bate hiahamhamana namiou a peisa milimiou. A tson na tahol egima sake lel lanai ta taina ta tahol tsi ta taina ta tson gi soho gono meien. Taraha e Sunahan e hahunei nou a tson na tahol temar kato uaier teka.

Epesis 5:17

Alimiou goma kato here rami u katuun u tutu, kaba limiou go torohanan atei sileiam a ka te ngilena e Sunahan.

Kolosi 3:5

Alimiou go hanöan töa baneiam u ngilngilina i puta te kana i peisa milimiou: te tsikolo uaier na te hiakaka gono uaier, na markato a korkoriana, na markato na turu ngil u omi. Na limiou goma ngil bemi a peisamiou a manka tara palair u katuun. A markato teka e here nei a katuun te hatsunonena u kesa.

1 Tesalonaika 4:4

Alimiou goma hengoemi u ngil turu tuenrei, ba limiou te kukute miou a markato a niga tere Sunahan. Alimiou e marka noa las uamou tara nikaka a niga. E kato uana teka ba pöata te töl ramia limiou a touhaliou i tamilimiou ba limiou te niga mia i matana e Sunahan.

Galesia 5:19

U ngilngilina i puta e kato raiena u katuun bate katoeier a man markato a man omi: a markato te tsikolo uaier, na te kaka gono pinopino merari a pal tson na touhaliou, bate ronga taleria a peisaren tara markato a omi.

1 Jon 2:17

A markato na u ngilngil u omina i puta e tia hobotona romana, kaba a katuun te kukuteiena u ngilngil tere Sunahan e töatöa nitöana romana.

Matiu 7:21

Be Iesu e rangana me poeiena, “Ema katuun hoboto nei te ranga ria i tar bate poeier ‘O Tsunono, O Tsunono,’ tena tasu roa tara Nipepeito tere Sunahan. Kaba u katuun puku lasi te kukuteier u ngilngil tere Tamar te kana i Kolö tena tasu riou.

Revelesin 21:8

Kaba u pata bulbulu, na pala te hahamanar, na u katuun te hakats homir, na u hihipuli, na u tsiktsikolo na u lulu tson, na u matmatuna, na u gamogamo na u katuun te hatsunoner u kesa, a han i taren e kana romana iahana kiou pan te kulupuna u tula u ahiin u hiski koru. A ka teka nonei a hahuoluna tou mate.”

2 Tesalonaika 2:13

Alam e roron haniga bera mou limiou tere Sunahan, alimiou a pala te taatagi sil rena a Tsunono. Taraha, e Sunahan e hopö kap raiou limiou i mam noa tego lu pouts meraien limiou i tanen. Pöata tu hamana mia limiou turu ranga hamana, u Namnamei i tanen e kato hagogosi a torimilimiou.

Hibru 10:36

Alimiou go hamana hatagala koruiam bate kukute miou u ngil tere Sunahan ba limiou te lue miou a ka a niga te ranga hamana naien.

Epesis 6:6

Alimiou goma tatei kui sil tuun nemi a toukui teka tegi haniga merai limiou u katuun te pepeito kap rariou limiou. E möa. Kaba limiou go kui memien u tori u niga bate kukutie miou u ngilngil tere Sunahan.

1 Korin 7:2

Kaba te katoe ria u katuun a markaton tsikolo, a mamana tson ega ka hamanasa mei a tahol i tanen na mamana tahol ega ka hamanasa mei a tson i tanen.

1 Tesalonaika 5:18

Haniga nitöa uaiam tere Sunahan tara mamanaka hoboto te butuna. Taraha, alimiou u katuun tere Iesu Kristo, na e Sunahan e ngilena alimiou go haniga nitöa uaiam i tanen.

U Bulungana u Niga tere Iesu Kristo te kolotein e Mak 3:35

Eresi te markato uaier turu ngil tere Sunahan, nori u toular na u hahinar na u tsinar.”

1 Pita 1:2

E Sunahan e Tamarara e atei sil hakapa raiou limiou me hopö kap mera nei limiou i tanen ba u Namnamei i tanen e kato ranei limiou u katuun u göagono i tanen. Tara markato ti maniata memien limiou, ba limiou te galus raroui u rahatsing tere Iesu Kristo. E Sunahan ega hala rai limiou a nitaatagi na masalohana pan koru.

Taitus 2:14

Nonei e hala sile ii a peisanen tego sakahis meraien ra tara mamana markato a omi. Na nonei e mate sil tego kato hagogoso meraien ra, u katuun i tanen, bara te hun katuun uara i tanen bate kato hatagalera a man markato a man niga.

Kolosi 1:9

Nonei koru a ka, te taniama tara pöata tu hengo naien limiou, alam uma hanöan singo sil rai limiou, tu rangata menai lam e Sunahan ega hatuts raiou limiou bate atei haniga sile miou u ngilngil i tanen. Alam u singo sil hasi tega hala menai u Namnamei i tanen u hakhakats u niga, ba limiou te antunan kato uamou temar ngil uana a Tsunono bate kato hasasaale men. Ba limiou te katoe mou a mamana markato a niga bate atei susul sile miou e Sunahan.

2 Korin 12:21

Aa, alia e matoutegu tena la pouts romana guma lia i tamilimiou, e Sunahan toum e hamatsingolo menoi lia a markato i tamilimiou. Balia te tabe me gou, a parpara i tamilimiou ema hapolasa noahaseri a man markato a man omi i taren. U katuun ti tsikolo na te lulu tsonir na ti kato a man palaina a man markato a man omi i manasa ema hapolasa noahaseri a man markato a man omi teka.

1 Korin 1:30

Tere Sunahan lahas bara te ka ria tere Iesu Kristo, na nonei e habutu sileien tego hala meraien ra a niatei. E Kristo nonei te sakahis raioura bara te katuun uara tere Sunahan. Nonei lasi a maroro a matskö na nonei te kato hagöagono raioura bara te katuun uara tere Sunahan.

Aposol 26:18

Alia e hala sile goui lö tegona hatuts meraien lö u raranga i tar na tegi habirits ba menaien a man markato a man omi te here nei u kuhil. Alia e hala mena goui lö i taren tegi habirits uaien tara markato a niga te here nei u ualesala, ba lö tena habirits ba ramien a nitagala tere Satan ba nori te habirits uaier tere Sunahan. Ba lia te luba negou a man markato a man omi turu katuun te hamana ria i tar, ba nori te lue riou a makum i taren i gusuna u katuun te hopö kap berai e Sunahan a peisanen.’”

U Bulungana u Niga tere Iesu Kristo te kolotein e Jon 4:34

Be Iesu e ranga uana i taren me poeiena, “Alia e kato begu a toukui tere Sunahan te tula na moulia, e antunana tena kapa nen. Nonei a kannou i tar teka.

Matiu 15:19

Na manka man omi teka e la nama tara katuun: u hakats u omi na hipöli na tsikolo na kop na u ranga u gamo, na u tuts.

Matiu 12:50

Eresi te kukutieier u ngilngil tere Tamar i Kolö nori u toular na u hahinar nu tsinar.”

Kolosi 4:12

Epapras e hala has mena nei u hanhaniga i tanen i tamilimiou. Nonei e pala has uana i tamilimiou na nonei a katunun kui has tere Iesu Kristo. Nonei e singo hatagalan töa sil ranou limiou, ba limiou te katoe miou a ka te ngilena e Sunahan.

U pas te koloto menai e Pol turu kristenira i Rom 6:22

Kaba i romana alimiou e hapolasa ba namiou a man markato a man omi, bate kui hatagala muma tere Sunahan. Na markato teka e habutena a markato a göagono tere Sunahan i tamilimiou, ba nonei te hala ranoui limiou a nitöatöa te ka nitöana.

Aposol 20:32

“Na lia e haka tala ragia limiou tara nipepeito tara Tsunono, na turu rangana tara nihitaguhu i tanen. Nonei e antunan hatagala nena a nihamana i tamilimiou bate hala ranei limiou a manka man niga hoboto, te roron hala ranei e Sunahan u katuun hoboto te hopö kap meraien i tanen.

Aposol 15:20

Aragi koloto uu i taren, bate hatei rarien nori egi agonein a mamanaka te haats ba naria turu kesa na nori gima tsikolo ii. Ba nori tema tatei noueri a haröete te kepa hamate naria i totongolo nen, na egima tatei nou hase ii u rahatsing.

U Bulungana u Niga tere Iesu Kristo te kolotein e Jon 7:17

A katuun te ngilin kukuteiena u raranga tere Sunahan e atei sil peise nou u hihatuts teka e la nama tere Sunahan tsi e la peisa nama i tar.

Hibru 12:16

Alimiou go tara kap hanigaiam, batema tsikolo mi. Na limiou goma sigalemi e Sunahan te markato uu e Iso. Nonei a pien tson a hamua te ka mei a nikapan, kaba nonei e halan a nikapan i tanen tere toulanen a tetenei me hol tune neien a tsi kannou tuun.

U pas te koloto menai e Pol turu kristenira i Rom 1:29

Ba nori e saputu mer a mamana a markato a omi: nori u katuun u gulgulka, na u hihiomi bate tori homi ner a taina katuun bate hiatungur bate hipölir. Na te gamo uaren bate hakats homir bate tuts sil has raier a palair u katuun.

Revelesin 22:15

Ielesala tara taun te ka ria u mar katuun teka: u katuun u omi, na u matmatuna, na u tsiktsikolo na u lulu tson, na u hihipuli, na u katuun te hatsunoner u kesa, na u katuun hoboto te gamogamor na te kukutier u raranga u gamo.

Matiu 5:32

Kaba alia e hatei ragou limiou, a tson te laba nena a tahol i tanen kaba tahol ema lue ii ta taina ta tson, a ka teka e kato here nanei a tahol teka a tahol a omi. Na tson te tölena a tahol a hitöl te laban a tson i tanen, a tson teka e here hase nei a tson te tsikolona.”

1 Tesalonaika 4:2

Alimiou e atei silemiou u raranga tu hala railam alimiou, u raranga te hala has nema a Tsunono e Iesu i tamulam.