1 Pita 3:11 - U Bulunagana U Niga

¹¹ Nonei ega habirits ban a man markato a man omi bate kato hanigana. Na nonei ega ngil korui a markato tara masalohana bate kukute hatagala korue nen.

1 Pita 3:11 Referans Kwoze

Matiu 5:9

Na u katuun te nolo pouts rer a pala te hiaraharahar egi sasaala. E Sunahan e ngö ranoien u katunun sasaala, taraha nonei e ngö has ranoien romana a galapien i tanen.

Hibru 12:14

Alimiou go torohana hatagala sileiam tego ka haniga gono mera milimiou u katuun hoboto. Taraha, a katuun tema göagono nei ema antunan tara nanei a Tsunono.

U pas te koloto menai e Pol turu kristenira i Rom 14:19

Na ragi kute sil korui a markato te hagumena a niniganiga na te hatakei hanigeiena a katuun na te hagum haniga rena ra hoboto.

Kolosi 3:15

Na a masalohana tere Kristo ega mammam nitöani a nitöatöa i tamilimiou. E Sunahan e ngö gögono hoboto raiou limiou tego kato menai limiou a töa a katuun bate hiakaka haniga hoboto miou. Ba limiou te haniga nitöa uamiou i tanen.

U pas te koloto menai e Pol turu kristenira i Rom 14:17

Taraha, a Nipepeito tere Sunahan ema kannou nei na ema kaan ua nei. E möa. A Nipepeito tere Sunahan a mouna a markato a matskö i matana e Sunahan na masalohana na nisasaala te hala ranei ra u Namnamei u Göagono.

U pas te koloto menai e Pol turu kristenira i Rom 12:18

Torohana hatagala sil tego ka haniga koru merai lö u katuun hoboto.

3 Jon 1:11

A hahikapien i tar, alö goma kukute ii a markato a omi. E möa. Alö go kukutie a markato a niga. A katuun te kato haniga nitöana, e pala uana tere Sunahan. Na katuun te kato homi nitöana ema katuun uanei tere Sunahan.

Jemis 4:17

E markato uana teka, a katuun te atei silena a markato a matskö batema katoe neien, a katuun teka e kato homina.

Hibru 13:16

Alimiou goma solopalemi tego kato haniga mera milimiou a palair u katuun bate hiatagtaguhu miou. A markato teka e ngil korue nen na e kato hasasaalena e Sunahan.

1 Timoti 6:18

Hateiri egi kato haniga bate katoeier a mamana markato a niga. Nori egi tatangana bate hia halhala ner a manka i taren.

Galesia 6:10

Na man pöata te antuna rara bara te tatei taguhu raiera a pala te hamanar, bate taguhu has raiera u katuun hoboto.

Galesia 5:22

Kaba u Namnamei tere Sunahan e roron hatakei ranoura, bate katoera a markato te hiangilngil uaier na te taguhu merari a palaier u katuun na te sasaala uaier, na te hiakaka haniga uaier, na tegima raharaha boroboro uai, na te ngil menari a tana katuun bate kato hanigeier, na markato tegi kato hamana menaira a ka te ranga nerara tsi a ka te hakats nerara.

U pas te koloto menai e Pol turu kristenira i Rom 7:21

Na ka te sabeiegu lia te kuina i peisar e markato uana teka: pöata te katsin katoe gia lia a markato a niga, ba markato a omi te butu kapina.

U pas te koloto menai e Pol turu kristenira i Rom 5:1

A Tsunono i tarara e Iesu Kristo e kato beraira a masalohana tegi ka gono menai ra e Sunahan. Na ra e matskö tala ria i matana e Sunahan, taraha ara e hamana ria tere Iesu.

U Bulungana u Niga tere Iesu Kristo te kolotein e Jon 17:15

Alia ema rangata silegi alö go luba raien tara han i puta teka. E möa. Alia e rangata silegu tego hatongo kap meraien lö tara nitagala tere Satan.

Matiu 6:13

Alö goma hala merai lam tara tou hiamus, kaba lö go luba nema a man niomi i tamulam. U mana.’

Matiu 5:45

Te kato uamou limiou teka, ba limiou te haröto namou alimiou a galapien tere Tamamilimiou te kana i Kolö. Taraha, nonei e roron hapirena a pitala i tanen tara katuun a niga na tara katuun a omi has, na nonei e roron hapolena a langits tara katuun te kato hamatsköna na tara katuun tema kato hamatskö has nei.

U pas te koloto menai e Pol turu kristenira i Rom 7:19

Alia ema katoegi a ka a niga te ngilin katoe gulia. E möa. Alia e katoegu a ka a omi tema ngile gilia.

U Bulungana u Niga tere Iesu Kristo te kolotein e Luk 6:35

Kaba limiou go ngil raiam u pakö i tamilimiou bate kato haniga ramen. Alimiou go hala pukpukuiam, kaba ma hakats nami tego lu pouts menami ta ka. Ba limiou te lue miou romana u hamatana pan, bate haröto has namiou alimiou a galapien tere Sunahan Iasa Koru. Taraha? Nonei e niga has na turu katuun u omi tena mala haniga uari tere Sunahan.

U Bulungana u Niga tere Iesu Kristo te kolotein e Luk 6:9

Be Iesu e poeiena i taren, “Alia e rangata ragou limiou, aha te hatangana nena a Lo i tarara tegi kati ra turu Lan u Göagono? A niniganiga tsi a niomi? Aragi taguhu a katuun bate töatöa poutsuna tsi aragi atung hamateien?”

U Bulungana u Niga tere Iesu Kristo te kolotein e Luk 1:79

U ualesala i tanen e halesala ranou romana u katuun te ka ria turu kuhil, u katuun te ka uar tara tou mate. Ba nonei te hamatskö rena romana a mourara bara te lauara tara marorona tara masalohana.” E Sakaria temar ranga uu teka.

U Bulungana u Niga tere Iesu Kristo te kolotein e Mak 14:7

U katuun ti möa ta moni e ka gono nitöa mera riou limiou, ba limiou te tatei taguhu ramen tara pöata te ngil mia limiou. Kaba lia ema ka gono nitöa mera goi limiou.

1 Pita 3:12

Taraha, a Tsunono e roron tara uana turu katuun u matskö bate ron hengoena u singo i taren. Ba nonei te raharaha rena u katuun te kato homir.”