1 Pita 2:7 - U Bulunagana U Niga

⁷ A hatu teka e haharuei nena e Iesu. Nonei e taguhu koru ranou limiou u katuun te hamana miou. Kaba turu katuun tema hamanari, u ranga e markato uana teka, “A hatu ti hapiraka ban u katunun kukui luma, nonei a hatu te niga balana tara toukuina tara luma.”

1 Pita 2:7 Referans Kwoze

Matiu 21:42

Be Iesu e ranga meranen, “Alimiou i rit haseiam u raranga turu Buku u Göagono, ‘A hatu ti raman u katunun kukui luma bate hapiraka naren, nonei a hatu te niga balana tara toukuina tara luma. A ka teka a Tsunono te katoeien, ba nonei te niga koruna i matarara!’”

1 Pita 2:8

Na tana makum turu Buku u Göagono e mar ranga has uana teka, “Nonei a hatu teka te tutu ranoua u katuun.” U katuun te tutu rana tara hatu e haharuei ner u katuun te tori hasoalaner e Iesu, taraha nori ema kukutieri u ranga. Nori e markato uaier teka ti mar hopö kap noahas meraien i manasa.

1 Pita 1:8

Noahasina alimiou ema tare mien, kaba limiou e ngile men. Na tema tara noahas memien limiou i romana, kaba limiou e hamana mia i tanen. Ba limiou te sasaala memiou a nisasaala a kapan koru te pan bala nena u raranga te torohanan hatei nanen.

Hibru 4:11

Te markato uanen teka bara te torohana hatagala silera tegi la uu ra tara makumun husa tere Sunahan. Ta töa i tarara ena mots kukutena ti markato uen i manasa batena rusuna bate taiana.

Taitus 3:3

Taraha, i manasa ara i hipus has bate kato hatutu hasira na palai i gamo has raioura. Na u ngilngilina tara mamanaka a nigana i puta e pile haröroto koru has raioura. Na mar nikaka i tarara e saputi a markatona turu hiomi na markato a omi. U katuun ima haniga rai ra, na ra ima haniga has raien.

2 Korin 2:16

Turu katuun tena tia riou, alam e soka heremi alam u mate. Kaba turu katuun te karia tara maroro te lauana i Kolö, alam e soka haniga heremi u soka te hala nena a nitöatöa. Esi koru te antunan katoena a toukui teka?

U pas te koloto menai e Pol turu kristenira i Rom 15:31

Singo sileiam tegima kato homi menai lia u katuun i Judia te hahamanar, na tegi haniga menai u katuun tere Sunahan i Jerusalem a monin hitaguhu teka te söata mena goi lia i taren.

U pas te koloto menai e Pol turu kristenira i Rom 10:21

Kaba tara tei Israel alia e poeiegu, “Alia e kaloho nitöa ragu u katuun te raman hengo nariou lia bate hipus korur.”

Aposol 26:19

Be Pol e ranga noana me poeiena, “O King Agripa, alia uma hipus nai a kana i Kolö teka tu tare malia.

U Bulungana u Niga tere Iesu Kristo te kolotein e Jon 4:42

Ba nori e hateier nonei a tahol me poeier, “Alam u tanian hamana uu tere Iesu tu hengo menai lam u ranga i tamölö. Kaba, alam e hamana koru lel talam, taraha alam e hengo peisa tala mula, na lam e atei sil hamana koru talem, nonei koru a katuun teka ti hala sile mei tegomi luba menaien a man markato a man omi turu katunura i puta.”

U Bulungana u Niga tere Iesu Kristo te kolotein e Luk 20:17

Kaba e Iesu e tara uu i taren me poeiena, “Alimiou go hakats naiam u raranga turu Buku Göagono te kato here nanei lia a marats. E markato uana teka: ‘A marats ti raman u katunun hatakei luma bate hapiraka ba ner, nonei a marats te niga balana tara toukuin luma.’

U Bulungana u Niga tere Iesu Kristo te kolotein e Luk 2:32

Nonei e here noi romana u ualesala, bate haröto nena a maroro i tamölö turu katuun tema Jiu ri, na nonei e hala seie nou a solona a pala i tamölö a tei Israel.”

U Bulungana u Niga tere Iesu Kristo te kolotein e Luk 2:34

Be Simion e kalala ranen me poeiena tere Maria, “Pöata te pan hakapa noa a pien teka, nonei e kato harus ranou, ne hala sei ranou u katuun u parpara ri Israel. Ba nonei te here noi a hatöatongo te ranga hasuala nariou u katuun. Na a man hakats i torir u katuun u parpara e haröto nariou romana. Na a nitaatagi pan te here noi u saka e butu has noua i tamölö!” Temar ranga uu e Simion.

1 Pita 2:4

La uamuma tara Tsunono. Nonei e here nei a hatu ti hapiraka ban u katuun. Kaba e Sunahan e hopö kap meien nonei a katuun te niga bala, bate hala nena a nitöatöa.