1 Pita 2:20 - U Bulunagana U Niga

²⁰ Tego katoe mia limiou ta markato ta omi ba nori te singata rariou limiou, e möa tegi solosei merai limiou tara ka teka. Kaba tego katoe mia limiou a markato a niga ba nori te hakamits rariou limiou tara markato teka, ba limiou tema ranga palis ramien, e Sunahan e haniga koru ranou limiou.

1 Pita 2:20 Referans Kwoze

1 Pita 2:19

Te ngilin katoe mia limiou u ngilngil tere Sunahan ba limiou te sagoho kamits silemen, e Sunahan e haniga koru ranou limiou.

1 Pita 3:17

Te tus raira e Sunahan aragi sagoho kamits, e nigana. Na te kamits merara te katoe rara a markato a omi, e niga hasina. Kaba te kamits merara te katoe rara a markato a niga, a ka teka e niga balana.

1 Pita 3:14

Kaba te kamits sil mena milimiou a markato a niga te katoe milimiou, e Sunahan e kalala has ranou limiou romana! Alimiou goma matout rami u katuun teka, bate toku miou. E möa.

U Bulungana u Niga tere Iesu Kristo te kolotein e Luk 6:32

“Te ngil puku ramia lö u katuun te ngile rioulö, gaha tegi kalala silei lö? U katuun u omi e ngil has raier u katuun te ngil raren.

Matiu 5:47

Na te kato haniga peisa mia limiou tara man hahikapien i tamilimiou, ga limiou e mar halhal uamiou ime tara palai? Te markato has uer u katuun u omi koru tema hamana uari tere Kristo.

1 Korin 4:11

I romana noahas alam e besim na e maka hasim. A man hasobö i tamulam e taktakiis hakapa. Na u katuun e muku rariou lam. Na lam e hula lam bate möam ta luma.

U Bulungana u Niga tere Iesu Kristo te kolotein e Mak 14:65

Ba palai e tanian kahuseier e Iesu me kits kap ner a matanen me muke ren. Ba nori e poeier i tanen, “Poa talei esi te muke lalou lö.” U tson taratarakap i lu haseien me atunge ren.

Matiu 26:67

Ba nori e kahuseier a matanen me muke ren. Ba palai e tapale ren me poeier, “Bora! Tego Mesaia uu lö, balö te markato uem te kato uana a propet. Poa talei esi te muke lalou lö.”

Pilipai 4:18

Alia e ka tala megu a manka tu hala namuma limiou. E Epaprodaitus e halei mei lia a manka hoboto tu hala namuma limiou. A manka teka e herenei u haats te soksoka hanigan töana te la uana tere Sunahan be Sunahan te haniga korue nen.

Epesis 5:10

Na limiou go torohanan atei sileiam a ka te haniga korue nou a Tsunono.

Galesia 4:18

E niga koruna tego kato mena milimiou a markato a niga tara mamana pöata. Kaba möa tu kato pukue mia tara pöata te kagono mera gilia limiou.